السلام عليكم ورحمة الله وبركاته
.
.
الفصل 152
.
.
ما احلل النقل دون ذكر المصدر واسم الكاتبة
.
.
[شـهاب]
.
.
"انتَ مُعجزتيّ التي لا اُريد غيرهَا"
{#أنـهـار..♪}
-
-
فتحت عيوني وانا اتنفس بسرعه
العرق يتصبب مني بكل جزء من جسمي ووجهي
بسبب اضطرابي مع خالد حلمت بكابوس
تنهدت وانا اسحب كاس الماء بيدين ترتعش
غمضت عيوني بنزعاج وانا اشوف الكاسه تتسحب من طرف الطاوله وتطيح على الارض
تكسر وتناثر اجزاء الكاس بالارض
هذا الي كان ناقصني!.
كابوس والحين الكاسه تكسرت
بقى يطيح السقف ويكمل يومي الجميل:).
ابعدت البطانية عني وناظرت سرير خالد كان
فاضي.
اليوم اجازه الاسبوع بالعاده هو اول واحد يقوم يرتب المكان لجمعتنا
واحيانا يطلع ويتمشى وبطريقه يجيب اغراض ناقصه للبيت.
سحبت عكازي واتكيت عليه ومشيت لدولاب ملابسي
حاولت اوصل لرف الي فيه ملابسي الداخلي
قبل لا أذي رجلي كنت اخذ سلم جابه لي مهند عشان اوصل للاغراض البعيده.
حتى بعد ماصرت ب هالحاله تقسمت اغراضي للمكان الي اوصل له والمكان البعيد
مهند هو الي قسم اغراضي.
اغراض الي اوصل لها صار يبي لها غسيل لاني استخدمتهم كلهم.
والحين لاني عاجزه بسبب رجلي وش اسوي
عندي ثلاث خيارات
اللبس لبسي من دون ملابس داخليه
انتظرهم يجتمعون عشان واخليهم يجيبونه
اتصل على مهند يجي يجيبه لي.
ولاني كنت غارقه بفكاري ووشلون اوصل لملابسي الداخليه.
ماحسيت
بالي دخل
تجمد قلبي وانا احسه واقف وراي يناظرني
انفاسه تضرب رقبتي
/تحبين فهد؟.
توسعت عيوني
ف اللتفتت له وانا لنفسي راح ابين العكس
لكن
كان واقف مايل بجسمه حاط يده على دولابي ومتكي عليها
/في كل مره نجتمع تناظر فهد بطريقه غريبه ماحطيت في بالي شي غريب حتى تعاملك معه غير عننا بريق عيونك وهو قريب منك وابتسامتك لا شفته من بعيد وتوترك وخجلك في كل مره يلمسك.
/ذوقك رخيص.
قال ب ابتسامة جانبيه
وقف بعتدال وناظرني من دون ماينزل راسه/وهذا يفسر اشياء كثيره مثلا ليه ماتلبس اشياء تكشف جسمك مثل ماحنا نلبس؟ليه ترفض تسبح معنا في كل مره نروح للمسبح؟ومواقف كثيره.
حط يده على عيونه وهو يفركها ف بدا يضحك
/وشلون مانتبهت.
ابعد يده عن عيونه وقرب لي
ساكت يناظرني.
/ماراح تتكلم.
واخيرا قدرت انطق
قدرت اتكلم بعد جهد قدرت انطق هالكلمات.
ما اتوقع تصرف غريب من خالد لكن يبقى ضروري اني اسال
واتطمن .
/مايهمني وش هويتك ولا يهمني ليه انت هنا من البداية ماكنت اعتبرك صديق لي من الاساس.
وبنفعال غريب صرخ بوجهي/حدودك لا تتعدا حدودي.
توسعت عيوني وانا اشوفه يضرب باب الدولاب بغضب ويلف ويمشي
طالع من الغرفه صافق الباب وراه.
#..
-مو هذا الي تبينه؟.
قالت زين الي كانت قاعده على السرير تناظر زينب الي اجلست على الارض.
-ليه انتي حزينه؟.
قالت زينب بعد ماختفت من السرير واوقفت قدام زينب الجالسه.
قعدت على ركبتيها وقالت وهي تميل براسها لزينب
-ليه مشاعرك مضطربه؟.
/ماكنت ابي اوصل ل هالمرحله.
قالت زينب وهي منزله راسها.
ضحكت زين بهدوء.
/اول مره اجرب شعور اني افقد شخص اعتبرته صديق.
قامت زين وهي تضحك بصوت عالي
بنبره ساخره
لاذعه
حتى تلاشت من قدام زينب.
من بعد ذاك اليوم خالد تغير
علي..
-
-
#خارج المدرسه_الساعة3م.
كانت جالسه قدامه لابسه ملابس جميله
فستان طويل ب اكمام طويله ورقبتها الطويله تغطيها ياقة الفستان بلونه الذهبي
من عند الخصر مشدود ويزينه حزام اسود جلد ومن تحت الخصر واسع
مضفره شعرها ضفيره فرنسيه وجايبته لقدام على كتفها اليسار
تزين ريحتها ورد الافندر.
جالس قدامها
حاط رجل على رجل ويناظرها متكي ظهره على الكنب.
كانت تتحاشى النظر لعيونه.
وهو كان يناظرها من دخل وشافها
مابعد عيونها عنها ولا لثانيه وحده.
/في مره من المرات جتني جراءه اني اشوف امي ولو للحظه.
قالت بهدوء وهي تصب من القهوه العربية.
/بذاك اليوم امي بعد ماعرفت اني بنتها من زوجها الاول رفضت انها تفتح لي الباب وظليت بالشارع لساعتين ابكي عند بابها حتى اخواني من امي ماقدروا يتصرفون لانهم صغار وزوج امي كان مسافر ذاك الوقت.
دمعت عيونها.
اخذت رشفه من فنجانها وقالت وهي تناظره/كنت اطق الباب بقوه وانا اصرخ ب"يما افتحي لي الباب انا انهار لا تخليني لحالي"كنت اردد هالكلمات وانا ابكي واصارخ واضرب الباب الجيران اطلعوا وهم يسمعون صوتي حتى البعض قربوا لي لكن كنت ابعدهم عني.
ابعدت عيونها عنه وهي تاخذ نفس بألم وحرقه
/ساعتين او ثلاث ساعات مادري كم من الوقت راح وانا على الحاله حسيت براسي ثقيل حسيت اني مريضه وسالت نفسي بذاك الوقت ليه انا مرفوضه؟.
ضحكت بخفيف وهي تقول/تدري ان امي بلغت الشرطه علي؟بتهمه الاعتداء.
/مانسى نظرات الشرطي يوم شافني.. نظرات شفقه ممزوجه بكسر النفس حاولوا يسحبوني حاولو يهونون علي بس ماقدرو كنت متمسكه بمقبض الباب رافضه اني اتركه اركل الباب عشان ينكسر وادخل واضم امي.
لحظات ظلت ساكته تناظر الارض بشرود
عيونها الحزينه لمعت للحظات
/مرت من قدام الناس واوقفت قدامي تناظرني وانا بذيك الحاله بين دموعي وصراخي البأس اي شخص واي من كان لو شاف الوضع الي كنت فيه كان راح يشفق علي ويحاول يواسيني لكن تدري وش سوت زينب لي؟.
حطت انهار يدها على عينها وهي تقول/عطتني كف.
غازي توسعت عيونها يستوعب الي سمعه
عقد حواجبه بستغراب.
ضحكت انهار وهي تتذكر ذاك اليوم
ف قالت وهي تناظر غازي/عطتني كف خلت دموعي توقف بنص الطريق كانت يدها صغيره لكن كانت حاره وقاسيه وخشنه.
تنهدت انهار وهي تقول/كنت اناظرها مصدومه كيف جت وكيف عرفت اني هنا اذكر فزاع كان موجود مع عامر وراشد واقفين قدام الناس يمنعون احد يقرب اذكر ان زينب قربت لي ومسكت كتوفي وضربت ظهري على باب كانت تناظرني بقسوه ماعهدت زينب تناظر اي احد ب هالطريقه اصرخت بوجهي وهي تقول
"واذا امك رفضتك واذا ابوك رفضك لا تمسحين كرامتك بالارض عشان ناس جابوك على الدنيا انتي ما تتذكرينهم حتى انتي ماصنعتي ذكريات معهم الي ربوك والي تحملوا صراخك بالليل والي اكلتي معاهم وشربتي معهم والي حملتك بيديها تهدي صراخك المزعج هذولي اهلك".
انهار مسحت دمعتها وهي تبتسم وقالت مكمله/دموعي كانت تنزل من نفسها ماكنت قادره استوعب كلامها ف ضربت ظهري بالباب مره ثانيه وقالت بحده"اسمعيني امك وابوك مايبونك لانك كنز عظيم واشخاص فاشلين ومجلبين للعار مثلهم ماراح يتحملون كنز نفيس مثلك انتي قدري نفسك واعتبري ان ذولي الناس الي جابوك للحياه هم خالك وزوجته الي تحملواك لا تصيرين غبيه وتمشين ورا اشخاص بس لانهم جابوك للحياه انهار تذكري شعورك هذا احفريه ب اعماق قلبك وسكري عليه بصندوق كبير راح يجي اليوم الي هم يدورونك فيه انتبهي انتبهي تنسين هالشعور لان بوقتها راح تحسين بلذة ممتعة افتحي الصندوق وفجريهم بالي داخله خليهم يبكون عشان خليهم يندمون خليهم يمسحون كرامتهم عشانك" مادري ليه بس ماقدرت اكتم نفسي ف بديت ابكي وانا اقول"انتي ماتدرين عن شعور شخص من اهلك ينبذك".
ناظرت غازي بنظرات عجز يفهمها
مكمله/ناظرتني زينب وقالت بهدوء"انتي على الاقل ما مدو يدهم عليكِ ولا أتهموكِ بشي مالك ذنب فيه واحد من اقربائي كرهني حد الموت" سحبتني من يدي ومشت فيني قالت لي"مافي اقسى من ان ينبذك احد اهلك"ناظرتني وهي توقف السياره"عشان كذا مع الوقت راح يدرون انهم على خطا وراح يطلبون المسامحه".
قامت من مكانها وهي تمسك دله القهوه العربية الفنجان وتمشي باتجاه غازي صبت له وانزلت من نفسها وقالت وهي تمد الفنجان لغازي/قالت لي بابتسامة مشرقه"مبروك"يوم عرفت اني تملكت علي.
ارفعت نظرها له وقالت/ماطلب منك تحبها او تسامحها لكن لا تتكلم عنها ب هالطريقه قدامي انا احب زينب حبي لها متساوي مع خالي وزوجته .. حتى انها رفضت تجي زواجنا عشانك.
اخذ فنجان القهوه وقال وهو يناظرها/مايهمني كيف تواصلتي معاها ولا يهمني وشلون شفتيها ولا راح اقول لحمد مو حب فيها لكن عشان مادخلك بمشاكل العائله وهذا شي ممتاز منها انها ماراح تجي.
عقدت حواجبها بنزعاج وهي توقف بعتدال وتعطي ظهرها له ترجع لمكانها.
اوقفت بنص الطريق بقلب ينبض
بعد ماشفت يدينه الي مغرمه فيهم تلتف حولهم وتضمها من وراها بقوه.
بلعت ريقها بخجل
/لكن اذا كنتي مشتاقه لها وتبينها خليها تجي لزواجنا.
قال وهو دافن وجهه برقبتها.
غمضت عيونها وهي تبتسم وتتنهد براحه.
/ريحة الافندر حلوه.
قال وهو يقرب لرقبتها.
ضحكت انهار وهي تحاول تبعده.
/لاعاد تحاولين تبعديني او تحسسيني انك ماتبيني راح احرق البيت عليك.
قال بهمسات وهو يبوس اذنها.
/ماراح ابعدك بس لا تعصبني.
قالت وهي تبعد يديه وتضمه.
ابتسم وهو يضمها بقوه.
-
-
#المدرسة_الساعة 4:30م.
كنت امشي بعكازي وعلى وجهي العبوس
وليه لا
بعد ما اتصل علي رقم غريب من جوالي الخاص
و
توقعوا مين
آدم.
يمكن يبي ضربه ثانيه؟
همم فكرة حلوه.
دخلت الغابة وانا انتبه لخطواتي ف اخر شي اتمناه اني اطيح قدام احد.
وقفت بنزعاج وانا اشوفه جالس على الارض مريح ظهره على شجره مغمض عيونه.
يتشمس؟.
/لو كانت العيون تقتل كنت الحين ميت.
قال وهو يفتح عيونه ويناظرني ب ابتسامته.
بلعت ريقي
وانا اشوف ابتسامته مع الندبه الي بعينه
مانكر جماله الخارق لكن مع ابتسامته وندبته خلا قلبي يصفر.
/انا اعذرك حتى الاساتذه مايقاومون جمالي.
قال وعلى وجهه ابتسامة
تمنيت اني ادخل اصابعي بعيونه واطلعها.
عبست بوجهه وانا اقول/وش تبي.
/امير مدرسة متصل عليك وش رايك يعني؟.
قال وهو يناظرني.
/اهاه تبي ضربه ثانيه يعني؟.
قلت وانا ابتسم.
عبس وهو يقول/لا.
/ابي غدا سمك مشوي وروبيان مع خلطته من المطعم البحري ابيها بعد نص ساعه ان تاخرت ماضمن لك وجودك بالمدرسة.
انا الي اسمعه حقيقي؟
هو يأمرني!
ويهدد؟؟؟؟.
لو انه مو اخ زوجي كنت طرحته بالمكان.
ابتسمت وانا اقول/طلبك مرفوض.
قلت بعدها درت بظهري ومشيت.
/شكلي راح ازور المدير اليوم.
قال بنبره حزينه وهو يناظر السماء.
وقفت بمكاني وناظرته بغضب.
/لو رفضت طلب امير مدرسة يعني رفضت المدير وانت قاعد تأدي عقابك وهذا انت ترفض خدمة طالب لالا مو بس طالب امير.
عبس بحزن مزيف وهو يناظرني/المدير راح يزعل ويمكن يخلي عقابك يطول .. مادري يمكن لين تتخرج؟.
كان لازم اضربه بقوه ذاك اليوم.
/وش تبي اجيب لك.
قلت وانا اناظره بعبوس.
/لالالا لازم تقولها مع ابتسامه ولا تبيني اعطيك نقاط حمرا؟.
ابتسمت بنظرات حاده وانا اقول/وش تبيني اجيب لك؟.
/سمك مشوي وروبيان مع خلطته وياليت يصير فيه مكس مثل روبيان محار قبقب معه موهيتو ليمون وجيبها لسكن .
ناظرني وكمل/قول لهم الامير آدم طلب.
امأت ب ابتسامة مغصوبه ومشيت.
#..
/متى راح توقف لعب معه؟.
قال ذاك الشخص بعد ماطلع زياد من الغابه.
ناظره آدم وهو جالس
/لين اللقى شي يسليني غيره.
/رعد راح يعصب.
قال الثاني.
آدم رفع يده ف طار الطائر من كتف ذاك الشخص ووقف فوق ذراع آدم.
/راح اعرف كيف اهديه.
بعدها ناظر الطائر وابتسم/صح ليبوني؟.
تنهد الثاني وهو يقول/لا تسببون لي الازعاج وغير هذا وش ملاقين فيه؟.
/اتمنى ماتلقى الا لقيته انا ورعد فيه.
قال آدم وهو يمسح على راس ليبوني.
ابتسم وهو يقول/انا شخص طبيعي.
ضحك آدم وهو يناظره.
-
-
#الساعة8:55م.
كانوا جالسين
بعضهم يناظر التلفزيون والبعض ملتهي بالجوال
والبعض واقف مع فارس بالمطبخ.
فيصل كان يكلم بالجوال لمده 15 دقيقه بعدها سكر الجوال وهو يتنهد بنزعاج ناظره سامي الي كان جالس جنبه
/لا تتنهد كذا احس فيه شغل بكرا بيهلكنا.
{ملاحظة: فيصل وسامي بنادي المجلس الطلبه}
فيصل ناظر سامي وقال/اجتماع الاباء السنوي بعد يومين وانا وطاقمي منضغطين وياسر مو ملاقي الوقت الي يرتاح فيه بكرا لازم اروح انا وياهم لشركة نستأجر الطاولات والكراسي وانت متى راح تكلم المنظم؟.
زينب جذب انتباهها حديثهم ف ناظرتهم وهي تكرر كلامه/اجتماع الاباء؟.
سامي/ماتدري؟.
زينب هزت براسها بقوه وهي تناظره بستغراب.
مهند/نسيت اقول له.
زينب ناظرت مهند بحواجب معقوده ف قال بسرعه/انشغلت امس ولاقدرت اقول لك.
تنهدت زينب وهي ترجع نظرها ل سامي تستفسر بالي قاله.
سامي/كل سنة يجتمع فيها اباء الطلاب بكل المراحل وتمر على مرحلتين
الاول محاظره المدرسين للاباء واللقاء كلمات مؤثره
ثانياْ بتصير مقابله مع كل اب وابنه والي يسوي المقابله هو الماسك الفصل ولمناقشه وش بيصير فيه الطالب ف مثلا لو صرت ابي ادخل ثالث ثانوي وصرت ابي اداره اعمال راح يقولون سببي وطموحي ومشاريعي واسباب فشل الطالب بمواد دراسيه واحيانا يجون يمدحون الطالب عند ابوه والى اخره وبعدها تنتهي.
/الي ماعندهم اب.
قالت زينب.
فيصل/ممكن يصير عمه او خاله او ابن خاله او ابن عمه بشرط يصير بالغ وعاقل.
زينب ناظرت مهند ف قال/الي راح يجون راشد وفزاع.
رفعت زينب حاجب ف كمل/راشد بيصير ولي امرك وفزاع بيصير ولي امري.
قلبت زينب عيونها بنزعاج.
ف ناظرت فيصل ب ابتسامة لكن
جاوبها فيصل/ولي امرك مجبور يجي واذا ماجاء راح يتم اجباره بارسل تعوضيات مثل مبلغ مالي.
عبست زينب
بعدها ابتسمت وهي تناظر رائد
ف قال رائد/لا تحاول حتى.
/طيب انا ماتكلمت.
قالت زينب بعبوس.
/تبيني اتوسط لك عند ابوي عشان ماتحضر ف انسى.
قال رائد وهو يشرب من القهوه البارده.
تأففت زينب بنزعاج
وب هاللحظة رن الجرس السكن
قام فهد وراح يفتح.
انصدموا وهم يشوفون ياسر داخل ووجهه مصفر.
كان يناظرهم كلهم
يدور عليها.
اسرع بخطواته وهو يشوفها تناظره بشك.
/زين.
نسى الي حولها ف بدا يكحكح .
كان راح يناديها باسمها.
ناظرته زينب بتفاجأه وهي تشوفه جلس قدامها بسرعه ويتنفس بسرعه.
مسك يدها وقال/ساعدني.
/وش فيه خوفتنا.
قال فارس الي طلع من المطبخ ومعه باسل وتركي.
ناظرهم بعدها رجع نظره لزينب وقال/ساعدني وراح اعطيك البطاقة الذهبية المدى البعيد.
ابتسمت زينب وهي تقول/yes my loder.
{ملاحظة: للي مايذكرون وشو البطاقة الذهبيه هي بطاقة مفتوحه للمطاعم والكافيهات يقدر صاحب البطاقة اخذ اي صنف من اي مطعم واي كافيه بالمجان .. المدى البعيد بطاقة لمدة اسبوعين المدى القريب لمدة اسبوع}
ب هاللحظة ياسر ناظر مشعل الي كان واقف على باب الصاله
"متى دخل؟"
اسالوا الشباب انفسهم.
قرب مشعل وعطا الملف لياسر
ياسر/انت تذكر ان فيه بكرا حفل خيري ل جمع الصداقات الاساتذه والطلاب والعمال والامراء صح؟.
امأت زينب
ف قال ياسر مكمل/الي كان راح يلقي الخطاب ببداية الحفل مرض ولا راح يقدر يلقي الخطاب ونادي الاذاعه كلهم رفضو يطلعون ولا اقدر اعين احد من نادي المجلس وعشان كذا بقى انت.
فتح الملف وقال/هذا الملف فيه الخطاب الي راح تلقيه عل.
قاطعته زينب بسرعه وهي تقول/على مهلك احس اني ب.
/راح نزود درجاتك 30 درجه بصف اللياقه.
قال مشعل الي كان ساند ظهره على جدار الصاله.
/وش كنت تقول.
قالت زينب وهي تبتسم و تناظر ياسر.
/زياد سهل الاغراء.
قال باسل وهو يهمس لمهند.
/لو تبيه يقتل اي شخص اغريه بالاكل.
همس مهند لباسل.
/هذا الملف فيه الخطاب الي راح تلقيه عليهم احفظه وارسخه بعقلك مثل مارسخت اسمك الحفل راح يبدا الساعة 1:30 مساء على المسرح الخارجي.
اخذت زينب الملف وهي تقول/خليها علي.
تنهد ياسر وقام ناظرهم كلهم وقال ب ابتسامة/شخباركم؟.
بعد دقايق من الكلام الكثير بين الشباب وياسر
ناظر زينب وهو يبتسم/لو سويت شي غريب راح ازود عليك العقاب.
وقبل تتكلم زينب قال ياسر/عشان كذا انتبهه تسوي شي او تقول شي غريب بكرا يوم مهم حتى المدير راح يحظر وفيه امراء حقيقين راح يحظرون.
وبنبره تنبيه حاده/زياد ا ن ت به.
/قلت لك خليها علي.
قالت زينب وهي تشد كتوفها وتضرب صدرها بثقه.
/قلبي مو مرتاح بس يلا بحاول ماثق ب هالاحساس.
قال ياسر وهو يمشي.
بعد ما راح ياسر قرب فهد لزينب
وحاوط يدينه على كتفها وقال وهو يناظرها/راح اشجعك من بعيد.
ابتسمت زينب بعد ماشافته يبتسم ف قالت/لا خليك على القريب يمكن ان اخطيت بشي راح ارمي نفسي من المسرح.
ضحك فهد وهو يقول/راح اصير قريب وامسكك لا تخاف.
ضربت زينب صدره بخفيف وهي تضحك.
كان قلبها ينبض بقوه
حب
لا
ممكن عشق؟.
/العشا تجهز تعالوا.
قال فارس وهو يشيل عنه المئزر.
#الساعة_1ص.
تثاوبت زينب وهي ترتب ملابسها لبكرا جهزتهم
راح تلبس لبس الخدم مع ان ياسر قال لها تلبس اللبس الرسمي لكن
مين يرتاح بالثوب الابيض؟.
بعد ما بخرت ملابسها اتركت المبخره على الطاوله واللتفتت لسرير
لكن
ارفعت راسها لشخص الي سد الطريق عليها
كأنه جبل.
كان يناظرها بنظرات قاسيه
واقف بمكانه رافض يتحرك
في باله افكار الف فكره وفكره
لكن
ماراح يقدر يسويها..
غمض عيونه للحظات بعدها فتحها واللتفت وراح لسريره.
ماكان عند زينب اي وقت تستغرب
لكن الي افهمته ابتسامته الاخيره انه كان يستفزها.
تجاهلته وراحت هي لسريرها
طفوا الانوار.
-
-
#الساعة_9ص.
كنت امشي بارجاء المدرسة وانا اقرا الخطاب
احاوله احفظه:).
بالله مين الي راح يشكر امراء عشانهم جو؟؟.
وش الغبااء هذا.
وغير هذا الخطاب رديئ لو انا سمعته يقوله مستحيل اتبرع حتى
يجيب النوم والمممملللل.
راح يجيني النوم وانا اقراه وشلون الي يسمعونه؟.
والي مستغربه منه كيف راح يصير فيه وقت اقرا 6 صفحات؟
كيف راح يقدرون المستمعين يسمعون هالكلام الطويل هذا؟.
تنهدت بملل وانا اتجاهل الفكره الي جت في بالي.
انا مالي دخل
انا راح اخذ البطاقة الذهبيه
انا بس بلقي الخطاب وبمشي.
ماحسيت بنفسي وين صرت الى ان شفت نفسي واقفه على جسر البحيره
قدامي الغابه.
ناظرت ساعتي
همم مشيت ساعة كامله؟.
مابقى شي على الحفل وانا للحين ماحفظت الا ورقه وحده
ياسر راح ياكل راسي:).
كنت منزله راسي وانا اقرا واتعدا الجسر
ل اتجاه الغابه
كنت راح اخذ راحه ب هالمكان الجميل
لنص ساعه
هبت نسمة هواء دافئة حرك شعري القصير
بما ان الشتاء بقى عليه اسبوعين ويبدا فصل الربيع
وقفت بمكاني بعد ماللحظت
شخص واقف من فتره طويله
بجانب مدخل الغابه.
كنت قريبه كفايه من اني اشوف ظهره
يمكن خمس متر؟
حس بنظراتي ف اللتفت ووقف ب عتدال وهو يناظرني.
تناثرت الاوراق من يدي بسبب نسمة هواء دافئة
عيوني متوسعه
مصدومة
متفاجأه
#..
-غريب.
همست زين الي كانت واقفه بجنب زينب
شعرها الطويل حركة نسمات الهواء.
زين وزينب
مصدومين
متفاجأين
مو من شعره الطويل الي كلن رابطه
ولا من البومة الي كانت واقفه على كتفه
ولا من جماله
عيونه
بلونين.
اخضر وبني.
الامير الثالث شهاب
.
.
.
ومن هنا نوقف ونكمل بالفصل الجاي
اتمنى انه نال اعجابكم.
رائكم بدخلة شهاب؟الامير المنتظر.🌝
بأذن الله الفصل القادم يوم
{الاحــــــــــــــــــــــــــــــــــــد}
{الوقت غير معـــــــــــروف} 🙂
رايكم بالفصل والسبب🌝.
احساسيكم وانتم تقرون هالفصل.🌝؟.
انتظرونيي🔥♥️
اعطوني تعليقاتكم وتوقعاتكم
ولا تنسوا انكم سبب نجاح الروايه.
الانستقرامmarie.g0
وهبــي هبــي مــاري ❤
تعليقات
إرسال تعليق