السلام عليكم ورحمة الله وبركاته
.
.
الفصل 154
.
.
ما احلل النقل دون ذكر المصدر واسم الكاتبة
.
.
[اقنـعـة]
-
-
"لا تتحد شخصاً ليس لديه شيء يخسره"
{#شـهـاب... ♪}
.
.
كانوا جالسين بالحديقه الخلفيه للقصر على الكرسي
قدامهم طاوله دائريه هو كان يقطع من البروكلي المشويه بالبهارات
بالشوكه والسكين .
وهي قدامها قطعه لحم بقري مشوية يزينها صلصله حمرا بلاذعه خفيفه
/اعترافك بانك تعرف شخصيتي من اول مره شفتك فيها وانا
ولا مره
شفتك
يعني اختيارك للموت.
قالت زينب ب ابتسامة وهي تناظر
/جرحتيني.
قال وهو يناظرها ب ابتسامة.
/مادري كم مره شفتك فيها وهذي مو اول مره اجلس معك لكن
واكل لكن .
قالت زينب
لكن قاطعها .
/لكن ليه من اول مره اعترفت باني اعرف شخصيتك.
قال وهو يناظرها.
عم الهدوء للحظات
/زينب الاشخاص الي ب هالمدرسة يشوفونك ذئب وانا معهم لكن انا
اشوفك ذئبه دون
قطع مجروحه ومقلوعه الانياب انتي ذئبه وحيده بالعالم.
قال كلماته وهو يغرز شوكته بالمشروم المشوي
/انا شخص اخر عمي اتدخل بمشاكل الناس لو كنت ابي المشاكل لك
راح اعرف
اجيبها انا اكثر شخص مسالم بالحياة.
قال بعدها اكل المشروم.
قطعت زينب من اللحم ف رفعت عينها
شافت زين واقفه بجنب شهاب الي كان جالس
هبت نسمه هواء بارده حرك شعر زين الطويل وشعر
شهاب المربوط باهمال
زين
كانت مبتسمه!.
ابتسمت زينب وهي ترجع نظرها لصحن
ماكان شهاب منتبه لها ولا ل ابتسامتها
كان يقطع من البطاطس ويغمسها بالصوص
/كيف اثق بشخص نباتي؟.
قالت زينب وهي تناظره.
رفع نظره من الطبق وناظرها بعبوس/ليه احسك تسبيني؟.
نزلت نظرها لطبقها وهي تبتسم.
/انا شخص نباتي احترم الناس واسكر عيوني عن مشاكلهم واغطي
اذاني عن اسرارهم كاني ماسمعت شي امشي وانا منزل عيوني ليه
؟لاني اخر شي افكر فيه اني ارتبط بالناس بالنسبه
لي يكفي وجود رعد وادم واعدام بحياتي.
/ليه علمتني؟.
قالت زينب
/بالنسبه لي انا اعرف الشخص من النظره الاولى وهالشي ينطبق عليك
انتي ذئبة مكسوره المخالب ومقلوعه الانياب انتي شخص ماتعرفين
الناس على حقيقتهم وتنخدعين بمظاهرهم.
قال شهاب
ترك الشوكه والسكين على الطاوله واسند ظهره على الكرسي
ناظرها لثواني
/يوم من الايام وانا صغير قرات حكمة
منقوشه على قبر "لا تتحدا شخص ليس لديه شيء يخسره
" ماكنت افهم هالكلام لكن يوم كبرت فهمت كلمات .. انتي تلعبين بالنار.
حط يدينه على الطاوله وشبكهم ببعض واتكى عليهم
وقال وهو يناظرها/الاشخاص من حولك يلبسون اقنعه كثيره
ممكن7؟ممكن11؟ عشان يخفون حقيقتهم المرعبه وكمثال اقرب رعد.
انزلقت الشوكه من يدها
وهي تسمع كلامه
واخر اسم
/اخر شي ابي اسويه اني اشوهه سمعة صديق لي لكن انا ارحمك
كثير مريتي بظروف صعبه ومرة انا احاول تحذيرك
ادم ورعد اشخاص عديمين الرحمه
انتي جذبتي انتبهه ادم لانك تعلقتي ب اخوه الصغير
والمحب له ادم مهووس باخوه الصغير لدرجه انه تبنى
قطه باول ايام ولادتها وسمها على اسم اخوه الصغير
ادم راح يسوي اي شي عشانه لكن هنا نجي للنقطه الثانيه
وهي انك جذبتي انتباهه اكثر لانك حببتيه بشخصيتك العنيفه الرابط
بينك وبين ادم فهد لكن بغض النظر عن ادم عنده شي يخسره
ونقطه ضعفه فهد هنا نلقى ان ادم قاسي
القلب لكن فيه جانب طيب خفيف.
ابتسم بسخريه وهو يقول/لكن رعد!.
ضحك بهدوء ممزوجه بالسخريه وهو يناظرها
/طول ال٢٠ سنه الي عشتها ماشفت شخص عديم الرحمه مثل
رعد شخص حقير خالي من الطيبه والشفقه والرحمه عديم احساس
قلبه مصنوع من الثلج الاسود صدقيني لو كنت بنت وهو اخر رجال
بالعالم كنت راح ارمي نفسي من وادي ولا اصير معه لا تغرك ابتسامته
الحلوه وكلماته المعسوله هو شخص اقسى من الجلمود انتي محظوظه
لا انتي اكثر شخص محظوظ بالعالم لانك قدرتي تتكلمين معه تدرين
حمد رغم قسوته الا انه عنده شي يخسره وهو انتي امه ابوه اخته
اهله اقاربه او حتى الثروه الي جالس عليها لكن رعد هههه ماعنده
شي يخسره ابدا رعد اقسى من حمد رعد ماخذ العالم ك علكه ياكلها
ويرميها بالارض ويدوسها وهو مغمض انا صديقه
وادم صديقه واعدام صديقه لكن وقت الجد راح يدوسنا ويمشي
كنه مايعرفنا رعد صديق وعزيز لي لكن انتي مسكينه رعد
ماعنده شي يخسره رعد راح يسوي الي براسه وهو مغمض
انا احذرك منه حاولي تبعدين عنه قبل يوصل لمرحله الجنون فيك .
كانت تسمع كل حرف
كانت تشوف كل حرف بنطق فيه
بكل كلمه يقولها تتفاجأه رغم انها ما اظهرت هالشي
بتعابير وجهها الا ان داخلها يعجز عن تصديق كلماته.
مستحيل
رعد
الشخص الطيب الحنون شخص رحيم
له قناع مثل هذا؟.
/صدقيني ماكنت راح اتكلم لكن انا ارحمك لكونك دون قطيع
دون مخالب دون انياب انتي شخص مكسور انا ماقلل من قيمتك
لكن اقول لك عن الي اشوفه فيك.
قال وهو يمسك السكين والشوكه.
بلعت ريقها بهدوء ورجعت نظرها لصحن
شريط الذكريات يمر بداخل راسها
بكل لحظه وهي تشيل السكين تمر اللحظات بداخل راسها كأن
شخص يسكبهم بداخلها.
دقايق
مرت
كان الهدوء يسكن المكان
اصوات الاشجار وهي تحركها نسيم يعم الارجاء
صوت تدفق الماء من البحيره المحترقه
يواصل مع تحريك اصوات الاشجار.
/اول مره شفتك فيها كانت بالمصعد مانسى كلماتك للحين تتردد باذاني.
قالت زينب وهي تقطع من شريحة اللحم الي مابقى الا ربعها.
كان مقرب الشوكه لفمه فنزلها وهو يسمع كلامها
/صراحه ماكنت متوقع انك معنا ولا كنت ابي تسمعين كلامي
لكن ك رجل كان
تفكيري غير مؤدب لتسمعه بنت لكن بنفس
الوقت هذي طبيعه الرجال.
قال شهاب
ارفعت زينب حاجبها غير راضيه عن كلامه
ف قالت وهي تعقد حواجبها/لو مثلا مثلا عرفت اني بنت بالمصعد و
انا الي هربت وشلون كنت بتقنعني اجي معك؟.
ابتسم شهاب وهو يقول/صدقيني ماراح يعجبك جوابي.
زينب وهي تعقد حواجبها اكثر/انا اصر.
نزل المعلقه و ابتسامه غبيه قال/كنت راح اعرض فلو.
نزل راسه بسرعه بعد ماشاف السكين تطير لوجهه قاطع كلامه.
رفع راسه وناظر وراه
تفاجاء وهو يشوف السكين تعلق بالشجره التوت.
-مره ثانيه.
قالت زين وهي مكتفه وسانده ظهره على شجره التوت
ب ابتسامه ساخره.
/ياهه وجهي كان بيتشوهه.
قال شهاب وهو يتعدل بجلسته.
ب هاللحظه رفرف جناح ليبوني معلنه عن وقوفها
فوق كتف شهاب
ابتسم شهاب وهو يدخل وجهه بين جسم ليبوني بين
ريشها الناعم الاسود كان يعبر عن فرحته بجيتها.
/والحين وانا اسال نفسي كيف طعم البومة؟.
قالت زينب وهي تناظر شهاب ب ابتسامة.
ابعد وجهه عن ريشها وبعيون واسعه ناظر زينب وهو يقول/انتي تخوفيني.
/اكثر شي يعجبني اني اخوف شخص منحرم.
قالت زينب وهي تناظره بحواجب معقوده
شهاب ب ابتسامة غبيه/شكراً.
تنهدت زينب وهي تهز براسها من غباه
متوقع انها مدحته!.
/بالاخير ماحد كامل.
قالت زينب وهي تغرز شوكتها باخر قطعه لحم.
/انتي تجرحيني.
قال شهاب وهو يناظرها.
/انا اعرف الشخص النباتي مايميل للانحراف.
قالت زينب وهي تناظره ورافعه السكين بشكل مستقيم.
/انا نباتي صحيح بس مو يعني تركت فطرتي السليمة.
قال شهاب.
بعدها ابتسم وهو يرفع يده ويحطه على صدره/انا شخص اعتبر جميع نساء
العالم زوجاتي احبهم اكثر من نفسهم
واقدسهم من السنه الى المية مهما كان عمرها ما يهمني
المهم انها بنت بنظري.
هزت زينب براسها بسخريه.
قامت من الطاوله
ابتسمت وهي تقول/اشكر الطباخ.
ابتسم وهو يومى براسه
بعدها قال/اطعم اعجبك؟.
امات براسها
اخذت عكازها واللتفتت تمشي عن المكان.
/زينب.
اوقفت بمكانها
واللتفتت تناظره
/نفس الموعد بكرا؟.
قال شهاب وهو يناظرها
امأت زينب
وهي تبتسم
ف ابتسم..
ما احلل النقل دون ذكر المصدر واسم الكاتبة
.
.
[اقنـعـةج2]
-
-
"ستصل إلى النضج الذي يجعلك ترفض التورط بعلاقة مؤقتة، أو صداقة باردة، أو جدال أحمق، أو التعلّق بالزائفين"
{#اوسـامـي ... ♪}
سحبت الكرسي
وجلست بهدوء وهي تبتسم وتناظره.
همهم وهو بناظر الساعه ويقول/على الوقت ماتاخرتي ولا ثانيه.
بعدها ناظرها وهو يبتسم/يعجبني الملتزم بمواعيده.
/اكل مجانًا وشلون اتاخر.
قالت وهي تناظر شهاب .
/المهم جيتي بالوقت.
قال.
ناظرت طبقها ف قالت وهي تبتسم/سوشي؟.
/اليوم طبقك سوشي بالسلمون الني والخضار ولحم بقري بالصوص الحار وطبق نودلز.
قال وهو يبتسم.
زينب/تعرف ذوقي.
قالت وهي تسحب اعواد الاكل.
كانت تناظر الاكل وتتامله
ب هاللحظه اشرقت الشمس وبهالاحظه انفتحت نافوره الحديقه الخاص بالامراء
بدا الجو يدفاء بطلوع الشمس
بين لحظه ولحظه تهب نسمة هواء دافئه.
/ماراح تسالين.
قال شهاب وهو ياخذ من السوشي بالخضار ويغمسها بالصوص الاحمر اللاذع.
/من اول مره شفتك والفضؤل ياكلني بس كنت قلقه ان ممكن بسبب ذكره مو حلوه لك اذكرك فيها بسؤالي.
قالت زينب وهي تناظره.
ابتسم وهو يناظرها/انتي غريبه.
ضحكت زينب بهدوء.
/امي وجدتي واخواني وخواتي كلنا فينا اختلاف العيون .
ناظرته زينب بتفاجاء/يعني مو بس انت!.
هز براسه بالموافقه وكمل/اخذنا هالشي من جدتي الليبيه امي جزائريه وامها ليبيا اذا ماكنتي تدرين.
/اختلاط الاعراق فيك جميله.
قالت زينب وهي تناظره.
ابتسم وهو يقول/رجال العائله يحبون ينوعون بالاعراق عمي زوجته فرنسيه وعمي الثاني زوجته لاتينيه.
ناظر صحنه وكمل وهو ياخذ من السوشي ويغمسها بصوص/على كب حال وررغم هذا الا اننا نختلف باللوان عندي 6اخوات و6اخوان خواتي مايشابهوني باللوان العين ولا حتى اخواني اختي الكبيره عينها اليمين ازرق واليسار عسليه واخوي الكبير عينه اليمين عسليه واليسار بنيه واخوي الثاني عينه اليمين اخضر واليسار رماديه.
ابعدت عيونها زينب عن شهاب وبوجهها علامات الدهشه
لو انولدو بالاورباد ل انحكم عليهم بالموت بسبب عيبهم الخلقي
رغم انهم لون العين مايشكل اي عيب لكن بالنسبه للاورباد يشكل تهديد على جمالهم المقدس.
/العالم الي حنا فيه يشوفونه طفره جينيه تشوهه جمال الوجهه لكن تدرين بالليبيا دارت علينا خرافه اهل جدتي الي يعانون من الطفره الجينيه والي تناقلوها ل اولادهم ضنعوا لنفسهم خرافه تحميهم من العذاب النفسي الي بيعيشونه بعدين بسبب لون عيونهم المختلفه جدتي قالتها ل امي وامي قالتها لنا.
اكل البطاطس المهروسه على شكل مثلثه فوقها كزبره
بعدها ناظرها وكمل
/لما انولد الطفل الاول للعائله بعيونه الواسعه و الجميله بلونها الازرق غارت منه الملائكة فقبلت عينه اليمين لتتغير لون عينه للاخضر وبقت اليسار بلونها الاصلي وكذا وفي كل مره ينجب فيها الطفل الي كبر اطفاله تتغير لون عيون اطفاله واحفاده واحفاد احفاده بلونين.
ابتسمت زينب وهي تقول/لو احد قال لي القصه مستحيل اخفي جمال عيوني.
شهاب وهو يبتسم/لايغرك الكلام هذي خرافه قالها جدي الكبير لاولاده عشان مايحسون بالعيب من انفسهم.
ناظرت زينب صحنها وهي تحرك اعواد الاكل بشرود
/انت محظوظ.
قالت وهي ترفع نظرها لشهاب.
ناظرها شهاب بعدم فهم
/ليه؟.
قطعت زينب السلمون باعواد الاكل وقال وهي تناظره/اعرف عائله تقتل اطفالها بسبب طفره جينيه جميله مثل هذه اسجد لله انك بعائله عقلانيه.
نزل عيونه لطبقه وقال وهو شارد/مين النازك؟الاورباد؟.
/لمصلحتك الشخصيه لاتعرف.
رفرفت باجنحتها
اوقفت فوق كتف شهاب
ف نقرت بخفيف على راسه
ابتسم شهاب وهو يترك اعواد الاكل ويلمس راسها.
/كم عمرها.
سالت زينب وهي تناظر ليبوني.
/15سنة.
قال شهاب وهو يرجع نظره للاكل.
همهمت زينب وهي تتذكر ان طائر البوم يعيش 20سنه
يعني
تبقت لها خمس سنوات وتموت.
ليبوني تعتبر معمره قليل من البوم الي يعيش اكثر من 15سنه
لو ساويناها بعمر الانسان
يعني الحين هي بعمر ال95 سنه.
ناظرت زينب اكل شهاب الي مكون من سوشي خضار ورز و طبق صغير من البطايس المهروسه والنودلز بالخضار بعدها ناظرته
/متى اكتشفت نفسك نباتي.
شهاب/من عمر الخمس سنوات.
زينب/كيف.
شهاب/كان وقتها تجمع اعمامي في بيت ابوي وقتها ابوي جاب 6 ابقار طلب ذبحها عشان عشاء اعمامي وعماتي بعد ماحطو الاكل على طاول ست امتار بانواع السلطات والبقول واللحم بما اني كنت قريب للسلطات كنت اكل منها وحتى قبل ماكنت بعلاقه حلوه مع اللحم بس احيانا تجيني فترات اكرهه اللحم وريحته عموما واحد من اعمامي قطع لي من اللحم وحطه فوق السلطه كانت نيته طيبه ولا كنت ابي افشله ف اكلته.
تنهد وهو يقول/مادري وش صار بس رجعت لوعيي بعد ماشفت كل الي اكلته منتشر على طاوله الاكل.
زينب/حسافة تعب الطباخ.
ضحك شهاب
بعدها قال/من بعدها ماعاد صرت اقدر اكل اللحم او البيض او الجبن او البحريات بشكل عام والمشروبات ماشرب اللبن او حليب او اي مشروب جاي من الحيوانات اكل بقول الفواكه خضار رز فقط.
زينب/ماجربت تاكل وانت ب هالعمر؟.
تنهد شهاب وهو يقول/حتى ريحه اللحوم تجيب لي الغثيان ماقدرت حاولت قبل بس في كل مره اجرب استفرغ وبعدها يغمى علي يومين او ثلاثه.
ناظر زينب وقال/امي وخواتي واخواني وانا نباتين الا ابوي واثنين من اخواني لاحمين.
عقدت حواجبها وقالت/وراثه؟.
ضحك شهاب وهو يقول/لا ماله علاقه بالوراثه بس ممكن لاننا نشوف تقرف امي من اللحوم وحنا صغارين ممكن ارتسم بعقولنا ان اللحم شي مقرف.
زينب وهي تتذكر/الغرفه الخضرا لك؟.
امأ شهاب وهو يبتسم.
/الحين توضح لي وش مفهوم الغرفه الي ماخذه طابع الغابه لانك نباتي ومحب للحيوانات وصاحب الغرفه الامير الثالث شهاب.
قالت زينب وهي تناظره.
ابتسم شهاب .
-
-
#قبلها بيوم_الساعة_9:30.
كانت جالسه على الكرسي
قدامها قهوه ساخنه سودا
حاطه رجل على رجل وساندة ظهرها على الكرسي
كان جالس قدامها على الكرسي وقدامه كاس قهوه سودا
جالس مكتف يدينه وحاط رجل على رجل
يناظرها.
مرت نصف ساعه على جلوسهم
كانت بين فتره وفتره تتحاشى النظر له
كانت تنتظر يتكلم
في الامس كانت ملكتها عليه
كانت ملكه صغيره بين امها وزوج امها
ومن طرفه اخواته فقط.
/انا ماعندي مشكلهبالي تسويه بزواجنا ولا راح امنعك عن شي لك حريتك ونفس الشي لي انا حريتي سنه وحده ولك بس ابي زواجنا على ورق وهذا بس شرطي الوحيد.
قالت مشاعر وهي تناظر الكوب تتفادا النظر لعيونه
وقبل ينطق بحرف قالت وهي توقف/صدقني ماراح اصير ثقل عليك راح تكمل حياتك ولا كاني موجوده الفرق الوحيد هو اني راح اسكن معك بالبيت.
اخذت كوبها ومشت
اوقفت وقالت ب ابتسامة صغيره/نمشي؟.
كملت مشب وهي تدير ظهرها عنه
ادمعت عيونها
ماكانت تبي توصل ل هالمرحله
كانت
تتمنى حفله كبيره بمناسبه كتب كتابها
كانت تتمنى كل الي تحبهم موجودين
واقاربها موجودين
كانت تتمنى لو زينب احظرت
كانت تتمنى
لو ابوها موجود.
مسحت دمعتها بسرعه وهي تسرع بخطوتها
خايفه من انه يشوفها ب هالحاله.
تنهدت وهي ترفع راسها وتكمل مشي
"على الاقل اخذت شي احسن من لا شيء".
-
-
#الحاظر.
كان جالس بالغابه
متكي على الشجره
مغمض عيونه
الشمس بدات تغيب
اصوات نعيق الغراب عمت بالمكان
هبت نسمة هوا قويه حركت اوراق الشجره المتساقطه.
بهدوء فتح عيونه ووبطى
ابتسم
وهو يشوف شعرها الطويل الابيض يحركه نسمات الهواء
كانت واقفه ومايله بجذعها
تناظره ب ابتسامة
عيون رمادي ورموش كثيفه
رجعت خصله من شعرها الطويل ورا اذنها
كانت تناظره
مبتسمه
فستانها الابيض وعطرها بريحة الافندر
لامس قلبه
همس وهو يسكر عيونه/عبية.
.
.
ومن هنا نوقف ونكمل بالفصل الجاي
اتمنى انه نال اعجابكم.
رايكم بالفصل والسبب🌝.
احساسيكم وانتم تقرون هالفصل.🌝؟.
انتظرونيي🔥♥️
اعطوني تعليقاتكم وتوقعاتكم
ولا تنسوا انكم سبب نجاح الروايه.
الانستقرامmarie.g0
وهبــي هبــي مــاري ❤
تعليقات
إرسال تعليق