السلام عليكم ورحمة الله وبركاته
.
.
تابع الفصل 154
.
ما احلل النقل دون ذكر المصدر واسم الكاتبة
.
.
[فهد]
-
-
"نهاية الشيء أفضل بكثير من إستمراره بشكل باهت"
{#خــالـد ... ♪}
#قبل_11_سنة.
شهرين من وافتها
وبعد ماحاولوا الجميع تقبل الحياة الجديده وتقبل فكره ان غاليه ماهي موجوده بينهم
كانوا جميع عائلة الاورباد مجتمعين
الجده الكبيره نورا والي بلغت سن ال80
وابناءها من التسعة واثنين من الحفيدين
معدا ثلاث اشخاص من العائلة ماهي متواجده
الجد وغاليه الي توفوا
والابن الصغر للعائلة الي ماكان يدري عن تجمع العائلة والي كان نايم بغرفته
من توفت اخته الكبيره وهو ماطلع من غرفته
ماحد كان يتجرا يناديه ب هالوقت
بسبب وجود ابنة غاليه الوحيده
على كل حال كانوا ياكلون بصمت
ابنة غاليه كانت تناظر صحنها
بعيون ميته من الحياه
وبشره شاحبه
وعيون مختلفه اللون.
الجدة نورا ناظرت حفيدتها المسكينه وقالت ب ابتسامه تملاها تجاعيد الزمن وصوت ارق من لحن الحياة
:وصيت الطبخ يطبخ اكلك الي تحبينه.
لكن وبسبب حكم الدنيا على حفيدتها بالصمت الدائم
ماتكلمت وناظرت جدتها بعيون لا لامعه ولا حياة فيها
بعدها نزلت نظرها للاكل
نورا كانت تعرف مشاعر حفيدتها كانت تتفهم شعورها ولا تلومها على صمتها.
نورا بينها وبين نفسها تنهدت باكثر مايقال بهدوء جتى ما يسمعها احد.
واخيرا مسكت معلقتها وبدت تاكل
لكن بكميات صغيره.
ابتسم الحفيد الصغير الثاني وهو يشوف وأخيرًا اخته بدت تاكل
من شهرين من ماتت امها
واكلها قليل يمكن لو النمل اكل مثل اكلها مستحيل يشبع
اوقفت اصوات ملاعق الاكل وهم يسمعون ذاك الشخص الي نازل من الدرج
ملابسه كانت واسعه عليه
هالات سودا
بشره ذابله
وعظام وجهه بارزه.
شهرين
ماشافوه
شهرين ماسمعوا صوته
الانسان هش
اي شي صغير يسبب بجرحه
وجرح كبير
ف لو مات شخص بغض النظر عن مين يكون
راح ينهار بجروح جروح كبيره
قاتله
ف اذا كان هذا الشخص من عائلتك
وش راح يصير.
ابتسم ب ابتسامه ساخره
ذابله
:اجتماع من دوني.
ماكان منتبه لذيك الصغيره الي كانت جالسه بينهم
حتى قرب لطاوله
توسعت عيونه الذابله وهو يشوف ذيك الكتله من الشؤم جالسه مع امه
ناظرهم
وبغضب:شلون تسمحون لشؤم تجلس معكم وشلون تتغاضون عن قاتله.
تراجع خطوه للورا وهو يتنفس بقوه
ضيق
وغضب
وخوف
اجتمعوا بداخله
كونت كتله من السواد
وبسبب كتله السواد الي بداخله
فجرت غضب مخيف
خلاه
يرفس كرسي الحفيده وهي قاعده عليه
طاحت الحفيده وبسبب طيحتها ضربت الارض
مما سبب لها كدمه بجانب راسها
الي كانوا بالطاوله اوقفوا بصدمه
ونورا امسكت عصاتها الخشبيه واوفقت بصدمه.
الحفيده المسكينه رفعت نصفها وهي تتكي على الارض
وناظرت خالها
نزلت دموعها
بصمت
وتعابير خاليه
دموع مختلطه بالدم
عين تبكي دم
وعين تبكي دموع بيضاء شفافه.
الخال الصغير ما اكتفي
في كل مره يناظرها يتذكر اخته الكبيره المحبه
ماقدر يتحمل الالم
ولا لقى احط فيه اللوم غير على ابنتها
الي كانت سبب في موت امها
مشى بخطوات سريعه ورفسها من جنبها
بقسوه
لو ماتدخل اخوه الي اكبر منه بسنتين
كان راح يكمل
حاول يقاوم اخوه ويكمل على الحفيده
الي كانت متمدده على الارض
الي كانت تذرف دموعها بصمت
:راح تسبب موتكم راح تجيب لكم الالم والموت القاسي مثل ماسوت بامها راح تبصم علينا بصم شؤم وراح تصير سبب حزننا الدائم.
في كل كلمه ينطقها
تملوها القسره
والغضب
ب هاللحظه ركض الحفيد الثاني بسرعه ل اخته
جلس بجنبها
وضمها
صرخ الخال الصغير وهو ممسوك من قبل اخوانه الكبار
مانعينه من انه ياذي الصغيره
صرخ بغضب وهو يناظرهم/راح تصير سبب موتكم راح تجيب لكم الموت مثل ماجابت ل امها.
الحفيده المجروحه ومفطوره القلب
زينب
كانت جالسه بمكانها
تناظر خالها غازي
وهو يناظرها بغضب وكرهه شديد
زينب ماأذتها ضربته
اذى قلبها المفطور والمجروح..
تناظر عيون خالها الي كانت مليان بحب ولمعة الحنين وقلب اصفى من لبن النهار
كيف تحولت العيون اللامعه لعيون بارده قاسيه
وكيف كانت مليانه بالحب صارت مليانه بالكرهه.
هذا كان سبب دموعها
سبب ألمها.
في كل مره يتقابلون
يضربها ضرب أليم
في مرات سبب لها جرح عميق بظهرها
بسبب انه طعنها بسكين الفواكهه
في كل مره يتلاقون مايصير لها خير.
مرات كثره وقف مهند بوجهه ودافع عنها
للحين زينب تذكر يوم كانت بعمر ال13 اللحظه الي كانت واقفه قدامه اللتقوا بالصدفه
عطاها كف خلاها تطيح على الارض
شافت ظهره
واقف قدامها
صرخ بوجه وحتى انه دفه وهو يبعده عنها
ترددت كلماته باذان زينب
{لا تلمس اختي}.
لاول مره شافت ذاك القصير والنحيف يصرخ عشانها.
والحين راح اعيد لكم عن قائمة الي نستهم فيها زينب.
تذكرونهم؟.
امها.
ابوها.
حمد.
و.
واخيرا الشخصيه الجديده بالقائمه.
والي سبب لها الم كبير في الماضي غير حمد
غازي.
بعد الغيبوبه الي دخلتها زينب وهي صغيره
بنفس السنه
بعد شهر من غيبوبتها توفي سلام-ابو مهند-بسبب المرض
وبعدها بشهر ونص
ماتت نورا باسى وحزن
ماتت بنتها وابنها وحفيدتها دخلت بغيبوبه
كان قلبها ضعيف ليتحمل كل هالصدمات الي صارت بنفس السنه
خسرت ابنها وخسرت بنتها..
بعد ماقامت من الغيبوبه وشافت من حولها استغربت من وجود وجوهه ماتتذكرها
من بينهم حمد الي سبب لها الاذى وهي صغيره
وخالها الي فطر قلبها المجروح..
بعدها لاحضت ان ملامح امها وابوها مشوشه بذكرياتها
تألمت كثير لانها نست وجوهه الي جابوها للحياة..
على كل حال خالها غازي ما اهتم ابدا لفقدان ذكريتها ولا اشفق عليها او زحمها مثل الباقي
لكن صار العكس
لامها اكثر لانها فقدت ذكرياتها
حملها مسؤلية كبيره على ظهرها الصغير
انها كانت سبب بفقدان امها وابوها
وانها نست افعالها وقررت تهرب من الواقع
بصنع ذكرى وهميه تحمي نفسها من الألم والتعاسه.
كرهها كثير
لدرجه تمنى لو يشوف الزمن يعيد نفسه عليها
تموت بنفس الطريقه الي ماتت فيها اخته.
-
-
#زينب.
للحين اتذكر اول وقفه لي مع خطوات متعرجه من دون عكاز
كنت فرحانه ولان واخيرا راح اقدر امشي من دونهم
صحيح مناعتي ضعيفه لكن يبقى حالة الشفاء عندي سريعه
همم
ممكن تعود بسبب التدريب والضرب الي مر علي وانا صغيره.
شعور العجز
شي
ماتمناه لنفسي ابدا.
#_المدرسة_الساعه10ص.
/اهه ماصدق بترك المدرسه بعد ثلاث اسابيع احس اني بحلم.
قال مشعل وهو يمسك قلبه بحزن.
/قلنا هالكلام يوم تخرجنا من المتوسط تعلم ان مافي شي يدوم.
قال عبدالرحمن وهو يمشي بجنبه وبالوسط كان ياسر معهم.
مشعل ناظر عبدالرحمن/بس فعلا لقيت حياتي بالثانوي اجمل من المتوسط.
تنهد بحزن وهو يتعدل بمشيه ويقول/يجيني احساس ان الجامعه ماراح استمتع فيها مثل الحين.
/اهم شي نصير مع بعض.
قال ياسر وهو يمشي معهم.
/ليه مايحطون رابع ثانوي؟يعني يخلون سنه رابع بس للعب بدون دروس بدون اختبارات بدون اي شي بس نودع بعض سنه كامله.
قال مشعل بثقه وهو يناظر ياسر.
عبدالرحمن/ايوه ونضيع سنه من عمرنا على شي مايسوى.
قال وهو يناظر مشعل بلا مباله.
تافف مشعل وهو يناظر عبدالرحمن بتعابير منزعجه.
اوقفو عند دورة المياه
كانوا بيدخلون
وقبل لا يدفون الباب انفتح الباب وطلع زياد وهو يرجع شعره لورا
ابتسم وهو يشوفهم
عبدالرحمن ومشعل ناظروه ب ابتسامه وهم يشوفونه واقف على رجليه بدون العكاز
فقال مشعل/مامر حتى شهر وشوف مثل الحصان.
رفع حواجبه زياد وهو يقول/اي واليوم بتنكسر الثانيه من عينك.
ضحك بسخريه وهو يعقد حواجبه
عبدالرحمن/متى فكيت فكيت الجبس؟.
زياد/قبل يومين بس للحين امشي بتعرج ماقدر امشي بشكل سليم.
همهم عبدالرحمن وهو يناظر رجلينه
زياد ناظر ياسر وقال ب ابتسامه/اتمنى ما تهاوشني.
قال بعدها مشى بشكل سريع
ومتعرج مبعد عن ياسر والباقين.
تنهد ياسر وهو يحط يدينه بين عيونه ويمسكها
استغربوا من فعله
ف قال ياسر لمشعل بدون مايناظره
/نادي حراس الامن.
استغرب مشعل من ياسر
الي كان يناظره
عبدالرحمن فتح باب دورة المياه
رفع حواجبه بتفاجاء وهو يشوف ثلاث اشخاص مرمين على الارض
مغمي عليهم
مضروبين
ابتسم مشعل وهو يسحب جواله ويقول/فعلا الثانوي ذكريات ماراح انساها.
عبدالرحمن ناظر ياسر وهو بنفس ردة الفعل
/كيف عرفت؟.
تنهد ياسر وهو يدخل دورة المياه ويقول/رجع شعره لورا.
ناظر عبدالرحمن وقال/سكر الباب لا تخلي الطلاب يشوفون الموجود.
دخل عبدالرحمن ومشعل الي يكلم بجوال وسكروا الباب.
مشعل ناظر ياسر وقال وهو حاط الجوال على اذنه/اتصل على حراس الامن ولا المستشفى؟.
ياسر/المستشفى.
قال بعدها مسك جبتهته بنزعاج من الي الاشخاص الي بالارض ومن مشاكل زينب
عبدالرحمن قال وهو جالس جلسه القرفصاء قدام احد المصابين/اتذكر وجه ذا الشخص يدرس بصف ثالث ثانوي.
بعدها ناظر ياسر وقال وهو يكمل/تذكر مهند الي كان يضرب احد الطلاب الصف الثالث بساحه المدرسه؟.
اما ياسر ف قال عبدالرحمن/هذا واحد من الي كانوا واقفين مع الشخص الي كان ينضرب من مهند.
{للمراجعة الفصل:عنوان-ذكريات-رقم الفصل مئة واثنين واربعين رقم الفصل بالواتباد مئة واربعه واربعين}.
وقبل يرد ياسر على عبدالرحمن
توجهت انظارهم لاحد ابواب الحمامات الي انفتحت
بين حواجب ياسر تعقدت الف تعقيده
وهو يشوف عدوه اللدود يطلع من ذاك الباب
مع وجهه السخيف
وندبتة الحقيره
"ياليت زينب اطرحته مع الباقي"
قال بنفسه وهو يناظره بنزعاج
كان لابس ثوب ابيض وطاقيه رماديه
طوله وجمال وجهه الغربي والعربي اعطى جمال خاص لثوب
بالعاده الملابس هي تزين الشخص لكن
مين بالعالم قادر يزين الملابس بلبسه لها؟
/وانا اقول ليه مزاجي متعكر من دخلت هالمكان.
قال ياسر وهو يناظر أدم.
ابتسم أدم ابتسامه صغيره وهو يقول/لانك دخلت بيتك.
تقدم ياسر بنزعاج وهو مخطط يدفنه بالحمام
لكن
وقفه مشعل الي وقف قدامه وقال وهو يناظر أدم/يااه من زمان عنك عموما بما انك داخل اكيد شفت وش صار.
مشى ادم وهو يتعدى الطلاب المغمى عليهم متجهه للمغسله
فتح صنبور الماء وقال وهو يغسل يدينه/خلوه يعصب.
بعدها سكر صنبور الماء واتجهه لباب
وقبل لا يفتح الباب
انفتح الباب من الجهه الثانيه
والي كانوا المسعفين
ابتسم ابتسامه مستفزه أدم وهو يناظر ياسر وطلع.
تجمعوا طلاب الي كانوا قريبين على الحمام
/يوم من الايام راح ادفع لزياد يخصي أدم.
قال ياسر وهو يبعد نظره عن الباب بنزعاج.
ضحك مشعل .
شهاب ورعد كانوا واقفين برا بجنب بوابه المدرسة
ليبوني واقفه على كتف شهاب
من بين الطلاب ظهر ادم من بينهم
ف مشوا مكملين طريقهم
/ليه تبتسم كذا وجهك يرعب الطلاب الاصغر.
قال شهاب وهو يمشي بجنب رعد وادم
أدم/شفت مشهد عجبني.
شهاب ناظر ادم وقال/خلينا نبتسم زيك وعلمنا.
أدم/مسالم مثلك ماراح يعجبه.
همهم شهاب وهو يبعد نظره عن ادم
رعد ناظر أدم بطرف عينه
بعدها ابعد نظره عنه.
ادم
رعد
شهاب
متجهين للغابه.
-
-
#السكن-الساعة6:44م
تنهدت بتعب وانا ادخل لشقتي
اليوم عباره عن خدمات الطلاب
من خمسه الصباح وانا ادور بينهم
مع ان مزاجي تعكر اليوم بسبب سفله صغار بدورة المياه
كيف يتجرون يتنمرون على اخوي؟
ولا بعد يخططون
اقصد يعني لو ماوقفتهم كانوا راح يصيرون ضحايا الاورباد
فعليا لازم يشكروني
لو انا اقصى شخص على وجه الارض
ف مهند راح يطلع شيطان بمقارنه فيني.
انا رحومه واعطف على الوضعين ومثيرين لشفقه
لكن مهند
راح يتفل عليهم ويمشي.
اهه قسوه الاورباد..
وقفت بصاله وانا اشوف فارس قاعد على الكنب بيده كتاب وبجنبه كوب قهوه على الطاوله
ابعد نظره عن الكتاب وناظرني
ابتسم
ف التسمت وانا ادخل واجلس على الكنب من الجهه الثانيه
ناظرت يده وقلت/مبروك.
/الله يبارك فيك وعقبال مايفكون جبس رجلك.
قال وهو يسحب كوب قهوته.
/عاد تدري بديت امشي عليها بدون عكاز بس مشي متعرج.
/شي طبيعي وغير هذا انت للحين مافكيت الجبس رجلك ماراح تتعافى ان ضغطت عليها كذا لازم تعطيها وقتها.
قال وهو ينزل كوب القهوه ويناظرني.
بنزعاج خفيف قلت/ماحب احس بالعجز.
بعدها كملت وانا اناظر رجله/وانت متى راح تفك الجبس رجلك؟.
/بكرا بروح لمستشفى وبيقرر الدكتور.
قال فارس .
همهمت
ناظرت حولي مستغربه مافي حس بالمكان
ف ناظرت فارس وقلت/وينهم.
/اطلعوا يتمشون.
قال وهو يرفع الكتاب.
ممتاز
هذي اللحظه الي كنت انتظرها
من المره الاولى الي شفت فيها ذيك البنت الي اطلعت من غرقه فارس والفضول ذابحني
ابي اتطمن
ابي اقنع نفسي ان شخص ك فارس مستحيل يجرح بنت.
وان التعابير الي شفتها بوجهه كنت اتخيلها.
ريحت ظهري وراسي على الكنبه
ناظرت السقف للحظات
بعدها
/كثير انسى انك شخص راح تتزوج.
قلت بهدوء.
انا متاكده انه وقف عن القراءه
ماقدر اشوفه لكن متاكده.
/فارس بذاك اليوم الي دخلت فيها الغرفه وقبل هذا لقيت بنت واقفه قدام الباب مادري كيف اوصفها لكن كنت تشبه جوري ذابله كنت متوقعه اي شخص داخل الغرفه حتى مهند اخوي لاني ماستبعد انه شخص يجرح لكن ماخفي لك صدمتي يوم عرفت انه انت الشخص الي بداخل الغرفه.
{لتذكير/تم ذكر هذه الجزيئة بعنوان"ابتسامة"رقم الفصل <150> بمنتدى غرام
رقم الفصل بواتباد <00>}
حركت راسي وناظرت فارس للجهه اليمين الي كان قاعد على الكنبه الثانيه
كان يناظرني
من دون اي تعابير
او ردة فعل.
نزل الكتاب وهو يناظرني
ابعد نظره عني وناظر قدامه مباشره
دون اي كلمه.
/لما تكون صغير متربي وبفمك ملعقه من ذهب وانك شخص طيب وقوي وتحسب ان كل الناس زيك تصير غلطان.
قال لي من دون ما يناظرني.
/جوري كانت مشرقه وابتسامتها تخليك تفرح من دون سبب ماتذكرها بشخصيه قبيحه كانت صغيره تضحك كثير تبتسم كثير ماكانت تعرف تبكي كانت تواجه الغلط بشجاعه.
للحظات سكت وهو على نفس وضعه
من دون مايتحرك او يرمش
كأنه يتذكر.
نزل نظاراته
/بعمر ال10 قررت انها تكون لي نفس ولقيت القبول بعيونها صحيح كنا صغار لكن حب الطفوله بريئ.
/لين مات اخوها قدامي.
قال وهو يناظرني.
غمض عيونه وهو يبعد نظره عني
ويناظر بعيون حزينه قدامه
/كنت بال14 هو بنفس عمري كنا رايحين للتموينات من دون حراس من دون سواق او سياره ومن دون شخص كبير الي بعمرنا مايطلعون من دون حرس لكن كنا نبي نغامر وقدرنا نطلع بدون ماحد يدري كنا متحمسين مشينا لساعه كامله بدون احد واخيرا دخلنا شرينا كل الي كان نفسنا نشريه بدون ماحد يشريه لنا.
ناظرني/بعد ماطلعنا ومعنا اكياس كثيره متحمسين كنا يمشي قدامي وهو يناظرني ويقول لي كيف انه متحمس يشوف جوري ويقول لها عن الي صار.
بلع ريقه وبنفس ثقيل/باللحظه الي رمشت فيها هبت ريح قويه قدامي مسببها سياره الشخص الي كان قدامي بالحظتها كان يبتسم كيف . شلون. مادري طار.
كانت عيونه متوسعه
يدينه ترتجف
جبينه تتعرق
فارس!!
ماحسيت بنفسي الا وانا امسك يده
حاولت اهديه.
شخص عزيز عليك يموت قدامك
وانت عاجز
شعور ماراح اقدر اتحمله
ممكن .. لا الاكيد
راح اموت وانا اتألم.
ناظرني فارس بعيون ماعرف كيف اوصفها
احس اني اهتزيت
كنت متوقعه من الجميع يضعف
لكن
فارس!.
ابعدت يدي ف قال وهو يتنهد ويحط يده على عيونه/جوري كرهتني كثير ولامتني ولعنتني في كل مره تشوفني انا مالومها لو لا سمح الله ماتت توأمي راح انجن جوري وعهد كانوا توأم .. قبل سنه جوري وافقت اننا نتزوج مع اني كنت رافض لكن عشان المصالح المشتركه والضغط الي جاني من اقاربي وافقت.
/ليه جوري وافقت تتزوجها؟.
سالت وانا مستغربه
لو شخص لأم شخص ثاني بسبب غلطه ماكان له يد فيها مستحيل يتقبل وجوده بحياته مستحيل.
ابعد نظره عني وهو يبتسم للحظات ويقول/عشان تعذبني.
ايه
تذكرت
شخص فقد احد يحبه مثل هالطريقه ليه مايسوي كذا؟.
تذكير الملام على فعلته
تعذيبه ب هالطريقه راح يكرهه حياته.
/مادري اذا كنت راح اقدر اواسيك لكن انت ما تتنبى بالمجهول وهذا قدر وصار.
قلت وانا اناظره.
/ماعرف كيف اواجه مشكله مثل كذا لكن كان من القدر له يموت بي طريقه لو نجا من الحادث كان راح يموت وهو مع اهله ومين يدري يمكن موتته هذي ارحم من موتته مع اهله.
تغيرت نظرتي يوم شفت زين
واقفه عند الباب
تناظرني.
انفتح الباب
بعدها تلاشى خيالها
كانت تناظرني بطريقه غريبه
ملامحها جامده.
قطع شرودي وانا اسمع فارس يقول
/توكم تجون.
ادخلوا
سكر تركي الباب وقال/الجو حلو مره غيم ومره شمس ونزلت قطرات مطر خفيفه.
همهم فارس وهو يقوم.
ناظرته وقلت/وين.
فارس/اليوم بينعرض فلم حلو راح اروح اسوي اشياء خفيفه ناكلها بوقت الفلم.
قام حمد ورائد وسامي وهم يقولون/بجي اساعدك.
ناظرتهم وهم يدخلون المطبخ
لا
اقصد
ناظرت فارس وهو يمشي للمطبخ.
لو كانت عندي قدره خارقه لطبيعه
كنت راح اتمنى تصير عندي قدره نسيان الالم
اقدر امسح ألام حقهم
لو كانت عندي كنت راح اخلي من حولي فرحانين وناسين هذي القطعه السودا من حياتهم
والحين وانا اقارن بين خطيبة فارس
وخالي غازي
اشوف فيهم شبه من ناحيه التصرف
خالي لامني ونبذني من العائله لاني كنت الوحيده الي عشت بالحادث
وجوري تلوم فارس لانه كان السبب في موته اخوها التؤام.
وبدون شعور مني
ناظرت مهند الي كان يتكلم مع فيصل وخالد.
لو
لو
مات مهند لا سمح الله
مستحيل اقدر اتحمل الحزن الي راح اعيشه
انا ومهند كنا مع بعض مثل التوأم .
لو ماقدرت اطلعه من السياره ذاك اليوم
لو انحجر بالسياره
الشي الوحيد الي انا متاكده منه
اني مستحيل اخليه
راح ادخل بالسياره واضمه
واغمض عيوني
وانفجر معه.
مستحيل مستحيل اعيش لحالي من دونه
مستحيل.
/زياد.
طلعني من شرودي صوت مهند وهو يناديني
كان يناظرني وحواجبه معقوده
لا
حتى الباقي كانوا يناظروني
بستغراب.
/وش فيك؟.
قال مهند.
وقفت وانا اقول/شردت بالاختباراتك.
وقبل لا امشي ناظرتهم كلهم وقلت وانا اناظر حمد/فهد له ثلاث ايام ماجاء اتصلت عليه؟.
حمد/اي.
/متى يرجع من اهله؟.
قلت وانا اناظره.
حمد/يقول بكرا بيرجع.
همهمت وانا امشي واقول/لا تبدون الفلم بغير وبجيكم.
اول مادخلت الغرفه وسكرت الباب
انفتح مره ثانيه
ف ناظرت
خالد
ابعدت نظري عنه وكملت مشي للداخل
وهو مشى للدورة المياه
طلعت بجامه واسعه
وجلست على السرير
انتظره يطلع عشان اللبس
#الصباح-الساعة٩:٣٠.
كانوا مجتمعين بصاله جالسين
زينب والشباب
اليوم اجازه وقايمين بدري ولا يدرون ليه.
سامي اقتراح يطلعون يتمشون بما انها تمطر
وكلهم وافقوا الا زينب وباسل الي كانوا
طفشانين يطلعون
باسل ناظر زينب وقال/نشوف فلم.
/امس شايفين مليت ابي شي جديد.
قالت زينب وهي قاعده وتتثاوب.
/وش نسوي اجل.
قال باسل بملل وهو يرمي نفسه على الكنب.
حركت براسها ورفعت كتوفها ب"مادري".
قلب عيونه بملل
بثواني حتى ناظرته زينب وقالت وهي تبتسم/نلعب.
ناظرها باسل ف ابتسم
من دون
مايدري وشو اللعبه.
#بعد ساعتين.
فتح خالد باب الشقه ومعه فارس ينادون زياد وباسل
بما ان فهد جاء
اقفوا بوسط الصاله
وهم يناظرون زياد وباسل.
زياد ماسك مضرب بيسبول ورافعها لفوق متهب لضرب
وباسل لابس خوذه وجالس على الارض.
كانوا يناظرون بعض.
خالد/انا حتى ماراح اسال.
قال وهو متجهه للمطبخ.
كتف يدينه فارس وقال وحواجبه معقوده/هذا ايش؟.
/نلعب.
قال باسل وهو يناظره ببراءه.
زينب رمت المضرب وقالت وهي تاشر على باسل/هو الي اقتراحها.
ناظرها باسل وهو موسع عيونه بصدمه
بعدها رجع عيونه لفارس وقال بسرعه/كذاب وغير هذا اللعبه ماهي خطيره نضرب على خفيف عشان كذا لابس خوذه.
تنهد فارس وهو يفرك عيونه ب اصابعه ف قال/امشوا جاء فهد ويبينا بموضوع.
#بعد_نص_ساعه.
انزلوا من السكن
ف شافوا الشباب واقفين برا.
اتسعت ابتسامه زينب وهي تشوفه واقف يتكلم مع مهند
ف اسرعت
و
ضمته من ورا.
ضحك فهد وهو يلف عليها ويقول/انا بعد اشتقت لك.
ابعدت زينب عنه بضحكه وابتسامه واسعه
فقالت وهي تضرب صدره/لا عاد تغيب مره ثانيه كذا.
حط يده على شعرها القصير ونثره
وهمهم وهو يبتسم.
الشباب مشوا من دون ماينتظرونهم حتى
بعد مامشوا ناظرتهم زينب لين بدو يختفون تقريبا
فقالت
زينب واقفه تناظر فهد ب ابتسامة خجوله
/ابي اقول لك شي.
قالت زينب وهي تناظره
ف ابتسم فهد وهو يقول/تدرين انا بعد عندي شي بقوله لك وراح يفرحك بس ابي اقوله قدام الكل وش رايك تصبرين لين اقول انا بعدين انتي؟.
ابتسمت زينب وهي تقول/ماعندي مشكله بس بعدها قوم من عندهم ابي اقول لك شي على انفراد عند البحيره.
ابتسم فهد بحماس.
بعدها حاوط كتفها ومشى وهو يقول/ايوه وش صار وانا مو فيه.
كانت مبتسمه وهي تكلم بحماس توصف له وش صار وهو مو فيه بالتفصيل الممل
صحيح زينب تحب فهد بس ماقلت له للحين ان خالد كشف جنسها من زمان من اسبوع ونص
لكن بطريقه راح يستفرغ لا عرف كيف
وعشان كذا فضلت زينب السكوت.
ماكانت تبيه يشوفها بطريقه غير محترمه
يكفي انه يشوفها مسترجله بحركاتها.
اقعدوا بجانب البحيره
بشكل دائري
وبعد ما اقعدوا
اخذ فهد نفس عميق
وزفره بهدوء.
كان مبتسم بشكل غريب
لكن تجاهلو هالنقطه.
/وشو قول حمستنا.
قال باسل وهو يناظر بتشوق.
ناظرهم كلهم
بعدها ناظر زينب وابتسم بخجل
بعدها اطلقها ضحكه خفيفه.
/ان ماتكلمت بسرعه راح اقوم.
قال خالد وهو يناظر فهد.
ضحك فهد بهدوء وهو يقول/اصبر اجهز نفسي من الداخل.
لحظات
ثواني
دقيقتين
فهد وهو يتنهد ب ابتسامه/انا تملكت.
بعدها رفع يده و
وراهم الخاتم الملكه.
بعدها كمل وهو يناظر زينب ويقول بخجل/زياد انت تعرفها ذيك مهليل.
اختفت ابتسامه الشباب
ومهند
الي توسعت عيونه بصدمه
ف ناظر زينب بسرعه.
ببطىء
ببطىء
اختفت ابتسامتها
وارتخت عيونها.
.
.
ومن هنا نوقف ونكمل بالفصل الجاي
اتمنى انه نال اعجابكم.
احبائي واخيرا راح ندخل بفصل زينب الخاص الي يتكلم عن الحادث والي صار قبل وبعد والي راح يكون المقرر بعد اسبوع وثلاث ايام
انتظروني
{الوقت غير معـــــــــــروف} 🙂
رايكم بالفصل والسبب🌝.
احساسيكم وانتم تقرون هالفصل.🌝؟.
انتظرونيي🔥♥️
اعطوني تعليقاتكم وتوقعاتكم
ولا تنسوا انكم سبب نجاح الروايه.
الانستقرامmarie.g0
وهبــي هبــي مــاري ❤
تعليقات
إرسال تعليق