السلام عليكم ورحمة الله وبركاته
.
.
تابع مئة وواحد وثلاثون بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[الظهور الاول3]
.
.
"الحياه مره واحده ان ماستغليتها راح تستغلك"
#تــركي.♪
..#
من مميزات وسام الامير:
الاكل مجاناً.
غرف فرديه.
بيت خاص.
تسقط عنهم اعمال السنه.
ينظمون مهرجان السنه.
اسئله الاختبارات تحدد من قبلهم.
يمنح لهم مصروف شهري بقيمه 20الف.
يتم منحهم دروس وفصول مخصصه(على حسب طلبهم).
كتبهم الاساسيه تتكون من ثلاث كتب.
يتم منحهم اجازات لا نهائيه بحسب طلبهم.
يسمح لهم بجلب وتربيه الحيوانات.
وغيرها من المميزات .
هم ب اختصار عايشين برفاهيه.
صدمتي بالسكن الي ساكنين فيه
بيت جميل نصفه زجاجي من طابقين والنصف الثاني كان بلون الخشب والاسود.
بمسبح وجلسات
وطاولات
ومرجيحتين بشكل دائريه.
وشلال بوسط الحديقه بتمثال بنت ماسكه كتاب.
ومن جهه الثانيه ضف البحيره تمشي بشكل مستقيم على صخور حجريه سودا .
بجع بكل مكان
طيور بجميع الانواع واللوان
اشجار بطول خمسين متر .
شجر توت وشجر عنب وشجر تفاح وشجر رمان.
تحطيهم هالاشياء الجميله من كل ناحيه.
لكن السلبي بالموضوع.
لو ظليت امشي لمده تسع دقايق.
راح تواجهني الغابه المحترقه.
والي ماتت فيه البنت.
تقشعر جسمي من فكره انهم قريبين للمكان.
وقفت ب اعتدال واخذت نفس عميق وزفرته بهدوء
راح ادخل بمنطقه خطيره
تتواجد فيها منحرفين.
واشخاص قليلين ادب مع ناس اكبر منهم.
اخذت جوالي واتصلت على اوسامي وبعدها بثواني رد علي
ف قلت/وين اللقى ادوات التنظيف؟.
اوسامي/اول ماتدخل البيت راح تلقى باب بني على اليسار افتحه وتلقى ادوات التنظيف.
وقبل لا اتكلم سكر الخط.
اخذت نفس للمره الثانيه وتقدمت بخطوات سريعه.
وقفت قدام الباب وحطيت يدي على المقبض وفتحته بهدوء ووبطى.
اول شي شفته قدامه ممر قصير من كل الجهتين جدار يزينها مرآيه متوسطه الجحم بشكل مربع.
دخلت وسكرت الباب.
اتكيت على الجدار ونزلت نفسي وفسخت(حذائي)
(مادري صراحه شقول حذائي او نعالي او جزماتي تكرمون جلست ساعه افكر بي طريقه اكتبها -_-. )
ولبست الشبشب الي كان بداخل الدولاب الصغير الخاص بالاحذئيه وحطيت مكانه حذائي.
اعتدالت بوقفتي وناظرت الباب الي كان يقصده اوسامي ف مشيت ووقفت قدامه
فتحت الباب.
كانت اشبه بحجره صغيره بدولايب ادراج و
عربه متوسطه الحجم
فيها مكنسه صغيره كهربائيه من نوع المتمدد
وممسحات ارضيه
واربع فوط
وسطل ماء فاضي
ومنظفات ومعقمات.
سحبت العربه وطلعتها من الغرفه وسكرت الباب
وقبل لا ادخل لعمق البيت
حطيت العربيه على جنب
ومشيت حتى نهايه الممر.
طلعت طرف من راسي وناظرت اذا كان فيه احد
للاحتياط اذا كان فيه احد-_-.
ف ماعندي اي استعداد اني اشوفهم او حتى اكلمهم.
تنهدت براحه وانا ابعد نفسي عن الجدار واشوف الصاله الكبيره فاضيه.
رجعت للعربيه وسحبتها متجهها لصاله.
مهما ناظرت المكان اشوفه نظيفه ولايحتاج حتى تنظيف
وهذا شي ايجابي وبنفس الوقت غريب
توقعتهم قذرين.
لكن فاقو توقعاتي بنظفتهم.
حتى ريحه الجو بهالمكان جميله
عطور قويه مخلوطه بالبخور.
قربت للعربيه وسحبت عصا الريش ومنظف القزاز وفوطه بيضا.
وقربت لشاشه التلفزيون الي اكبر من تلفزيون شقتنا بثلاث مرات.
وبديت امسحها بعصا الريش.
هي مافيها شي الا بس غبار خفيف.
وبعدها اتجهت لدريشه او ممكن نقول الشرفه الصاله الكبيره.
فتحت الستاير وفتحت باب الشفاف الي كان سحب للخلف.
بخيت منظف القزاز بكل الباب وبعدها بديت امسحها.
ونفس الشي مع الابواب الشفافه الثانيه.
بعد ماخلصت جلست على الكرسي الي كان موجود بداخل الشرفه وقدامها ثلاث كراسي وطاوله صغيره دائريه بنيه.
الصاله تصميمها جميل ب اثاث اجمل باللوان الرمادي والسماوي
بلاط سراميك.
قمت واتكأت وانا اناظر جمال الغابه من هالمكان.
الشمس تغطيها السحب
الجو بارد
ورياح خفيفه تخلي اشجار الغابه تتراقص على نسيمها.
سكرت باب الشرفه.
وحطيت الفوطه الى العربيه
رتبت الكنب وحطيت مخداتها صغار بمكانها
رتبت الي فوق الطاوله الصغيره الي كانت تتوسط الصاله.
شلت اكياس سلة المهلات ورميتهم بكيس كبير.
اخذت ممسحه الارض وبليتها بماء بعد ماعبيت سطل وكبيت فيه ديتول ومعقم وزجتهم ببعض بعصا الممسحه وسحبت العصا وبديت امسح الارض.
وقفت بفخر وانا اشوف الصاله تلمع من النظافه اكثر من قبل
رتبت الصاله وعدلت اللوحات ونظفتهم ونظفت الشرفه وكل صغيره وكبيره بهالصاله.
فتحت علبة البخور الي كانت بداخل درج العربيه وشغلت فحمه صغيره وحطيت بوسطها البخور
حطيت المبخره على الطاوله.
شفت لفهه لليمين ف
مشيت وانا اتأمل المكان لوحات بكل جدار ومزهريات ارضيه
فيه سبع غرف بالدور الاول الغرفه الاولى سينما
غرفه دي جي
وطبعا انا ماستغربت بما ان هالمكان بيت امراء وملك.
واما الباقي
غرفتين الضيافه
والباقي غرف نوم.
وبابين لدورة المياه
وباب بنهايه الممر.
فتحته وكانت
حديقة صغيره.
سكرت الباب وانا اتنهد
عندي شغل كثير .
ما اخذ مني وقت طويل عشان انظفهم بما ان البيت كان نظيف.
والحين باقي الدور الثاني.
وقفت وانا اتامل الدرج الي كان على شكل لولبي الارضيه كانت بنيه لدرج ومسكته بيضاء
كان بكل درج فراغ.
رقيت لدور الثاني احتياط اذا كان فيه احد.
وانا ارقى شفت جدار من زجاج
اقدر اشوف الغابه.
وبعدها كملت حتى صار الجدار العادي.
ماكان فيه اي شي غير ابواب
6 ابواب.
ومغاسل وباب.
رجعت تحت و
اخذت الاغراض المهمه
مثل
عصا الريش
مكنسه كهربائيه
فوطتين
بخاخ القزاز
ممسحه ارضيه والسطل.
والحين.
اي باب اختار.
كل الابواب متشابهه بالشكل وباللوان.
ي اني اصير تقليديه وافتح اول باب
او اني اغير وافتح اي باب غير الاول.
والاكيد اني بختار الباب الي بالنص:)).
شلت الاغراض ووقفت قدام الباب
وفتحته على طول.
اعجابي بالغرفه ماهو من الاثاث او من كبرها
لا ابدا
من طابع الغرفه
احساسي وانا اشوف الغرفه كأني اشوف الغابه
حتى للحظه حسيت بريحة الغابه.
وانا ما امزح.
كانت جميله.
خطفت انظاري.
وبديت اتسال مين صاحب هالغرفه.
كانت الغرفه نظيفه بس السرير يبي له ترتيب ف رحت ورتبتها ونفظت المخدات وعدلتهم وحطيتهم.
مسحت الطاوله احتياط ومسحت الارضيه بعصا ممسحه الارضيه.
طلعت وسكرت الباب بهدوء.
توجهت للغرفه الاولى وحطيت يدي عليها وفتحتها لكن
كانت مقفله.
استغربت ف ناظرت حولي ولا لقيت مفتاح للباب ف تركته ورحت للباب الثاني.
اخذت نفس عميق وفتحت الباب بسرعه.
ماكنت اقل من جمال الاولى.
هالمره هذي الغرفه اخذت طابع الفخامه والاناقه]
ماكان يحتاج اني انظفها سوا اني ارتب السرير وفعلا دخلت ورتبت السرير ونفظت المخدات ورجعتها لمكانها.
لفت انتباهي طفاية الدخان.
استغربت ان المكان ريحته خاليه من الدخان.
لكن بالاخير ما اهتميت
رحت لطاوله واخذت طفاية الدخان ورميت الي بداخلها بكيس ورجعتها.
شلت سلة المهملات ورميت الي بداخلها بكيس كبير(كيس زباله).
شغلت ملطف الجو الي يشتغل على البخار
سكرت الباب واتجهت للغرفه الرابعه.
حطيت يدي على المقبض وفتحتها بسرعه.
لكن
وبنفس مرتعش وبيد مرتجفه
سكرت الباب بقوه.
بلعت ريقي وانا احاول اتماسك قبل ما انهار داخليا.
ااه يدي ترتجف.
جلست على الارض وانا احاول اخفف من ارتجافي.
ليش من كل الامكان موجود هالشي
ليه من كل الامكان هالطابع موجود
حتى لو كان شي غير حقيقي.
مسحت العرق من جبيني و
ااه بديت احس بالعطش.
ريقي جف وبقوه.
قمت من مكاني بعد ماحسيت اني جمعت قوايي.
ورحت لمغسله.
نزلت نفسي وانا افتح الماء واغسل وجهي بماء بارد و
اروي عطشي من هالمكان
ف ماعندي اي وقت اني انزل.
سحبت جوالي وارسلت ل اوسامي رساله قصيره مكونه من 5 كلمات
"اسف ماقدر انظف الغرفه رقم 4"
تجاهلت الغرفه رقم 4 ومشيت للغرفه رقم خمسه وكانت فاضيه
ونفس الشي مع الغرفه السادسه
كانت فاضيه.
ومع ذلك لازم انظفهم للاحتياط مع ان مافي الا البلاط وشرفه.
..#
لا رعد ولا برق ولا الموت ولا الخاينه ولا حيوانات مفترسه او اشخاص قتله او خطيرين او اي شي يخوف ب هالعالم قادر يخوفها سوء شيئين.
حمد
و
#بنفس الوقت وبنفس المدرسه لكن بمكان ثاني.
كان جالس بشقته وب هذا الوقت راحته كان فاتح على فلمه المنتظر ولو ان زياد ماكان اخذ مكانه كان الحين هو و9 اشخاص من العاملين ينظفون بيت الامراء.
يدري ان هو استغله بس اوكيي هو اكيد راح يكافئه.
والحين
تعدل بجلسته وهو يشوف مقدمه الفلم تبدا.
ناظر الجوال بنزعاج بعد ما اعلن عن قدوم رساله نصيه من
زياد.
حط صحن الفيشار على الطاوله وسحب جواله.
بعد ماقرا الرساله رفع نظره لشخص الي كان جالس بجنبه ياكل من الفيشار ف قال وهو يرمي الجوال على الطاوله وياخذ صحن الفيشار
/ارسل"اسف ماقدر انظف غرفه رقم4".
قال الثاني وهو يبعد يده الي كانت مليانه فيشار/خلاص خليه يكمل ويترك غرفتي.
رفع حواجبه بسخريه وهو يقول/لهدرجه انت معجب فيها.
ناظره وهو يقلب عيونه ويقول/لا.
سكت للاحظات بعدها قوس ظهره وحط يديه على ركبته واتكا على يدينه وهو يقول/الي يعاني من Pyrophobia راح يخاف يدخل غرفتي.
شد انتباهه اوسامي ف عقد حواجبه وهو يقول/فوبيا الاشتعال!.
امأ براسه ف قال/الي يعانون من هالفوبيا راح يكرهون يدخلون غرفتي.
بعدها ناظره وقال/انت شايف كيف تصميم غرفتي ووش انا حاط فيها.
اوسامي/اي حتى انا لا جيت انظفها احس اني بختنق حتى احيانا اتخيل اني اشم ريحة شي يحترق.
ابتسم وهو يعدل بجلسته ويرجع نظره لتلفزيون.
بعد لحظات من الصمت قال اوسامي
وهو يبتسم ابتسامه خفيفه.
/شخص مثله ماهو هين وينخاف منه واكثر من هذا خلفيته تخوف اكثر من صفاته وشخصيته الوحشيه.
ابتسم الثاني نصف ابتسامه من مديح اوسامي لشخص الي اخذ انتباهه.
اوسامي وهو يناظر التلفزيون ويكمل بهمس/خطير لدرجه خلاني انا اناظره.
-
-
الشي الي ماتعرفوه ان زينب يوم كانت بالطابق الثاني تنظف الغرفه رقم 3 غرفه بطابع الغابه دخل احد الامرء للبيت
ناظر حوله ولقى المكان يلمع وريحة الجو جميله ف ابتسم وهو متوقع ان العاملين هم الي نظفو.
مدد عضلات جسمه بعدها وقف بعتدال شال جاكيته عنه ورماه على الكنب ونفس الشي مع الوشاح البني الي شاله عن عنقه ورماه على الكنبه
و
ب اصابعه بدا يفك ازارار ثوبه
ارفعه لفوق وبعدها شاله عن جسمه
فسخ بلوزته البيضاء
وظل بالسروال عاري الصدر.
راح لمغسله وهو يفتح دولاب فيه اربع مناشف واربع روب حمامات
سحب منشفه متوسطه الحجم الي كانت معلقه بدولاب صغير مخصص لروب والمناشف
توجهه لدورة المياه.
.
..#زينب.
رجعت الجوال لجيب بنطروني.
وقمت من عن الارض.
غرفة رقم4
اخذت اكثر طابع اكرهه.
طابع النار.
الغرفه كانت باللوان الاسود والاحمر بورق جدار 3d حريق.
للي عندهم رهاب النار"الاشتعال-Pyrophobia- من النظره الاوله يقدر يعرف ان الاحمر لون النار والاسود لون المحروق.
ومع ورق الجدار راح يثبت هالشي
للحظة حسيت اني اختنق طريقة تصميم الغرفه مع الاثاث والديكور يوهم عقلك بهالشي.
بما اني استاذنت من اوسامي ف راح اتجاهل الغرفه.
وبما اني خلصت الطابق الثاني ف من هنا
انتهى شغلي.
اخذت الاغراض الي جبتهم من العربيه ونزلتهم مجموعه بمجموعه.
حطيت الاغراض بالعربيه ومشيت فيها للغرفه الخاص لها.
سكرت الباب ورجعت لصاله.
ناظرت حولي ل اخر مره ف انتهت للملابس الي كانت على الكنب.
متى هي كانت موجوده!.
همم يمكن مانتبهت لها. -_-
شلت الجاكيت وتفاجأت من حجمه.
رفعته لفوق وانا اتأمله و
همم-_-.
مافيها شي اذا جربته و
دام البيت فاضي.
رحت لمرآيه الي كانت بالممر المربعه ولبسته وبديت اضحك بخفيف على شكلي وانا فيه.
الجاكيت كان كبيرر مره علي حتى اكمامه طويله لدرجه اني اقدر اللوح بالاكمام لدرجه ان ايدي غايصه.
صاحب الجاكيت جسمه كبير وله اطراف طويله.
وهذا شي جميل :)).
رجعت لصاله وانا ادور حول نفسي بالجاكيت
الجاكيت صاير فستان علي وتوقعوا وين يوصل اطراف الجاكيت
عند ركبتي :).
كم طوله بالضبط.
وانا مشغوله بتفكيري حسيت بشي لامس رجليني ف نزلت راسي و
شفت الطفففف مخلوقق بالحياهه.
قط.
جالس على الارض وهو يناظرني
موسع عيونه وحدقت عيونه واسعه
يهز ذيله الكثيف بالشعر يمين ويسار .
شلته من على الارض بشعره الكثيف
وانا ارفعه لفوق معجبه فيه.
/اهه تخلي قلبي يذوب من لطافتك.
جلسته على يدي بعد ما انتبهت لطوق الاسود الي حول رقبته.
كان على الطوق خشبه بنيه بشكل دائريه صغيره
مكتوب اسمه بالروماني
ابتسمت وانا اناظره واقول/فهد.
بعدها ضميته بقوه وافرك وجهي بشعره الناعم وانا اقول/انت حلووووو نااعممم.
اتبعدت عنه بعد ماحسيت انه تضايق نزلته للارض وهو وقف ورفع راسه وناظرني ومايل راسه بخفيف لليمين وهو يهز ذيله يمين ويسار.
لو اسرقه راح يكتشفون غيابه؟*-*.
مديت يدي وقلت للقط/هاي فايف.
ناظر يدي للحظات بعدها فاجأني وهو يضرب كفه بكفي.
..#
كان شكله لطيف وهو يضرب كفه الصغير بكفها الكبير
ف حطت يديها على وجهها وهي تتدحرج يمين ويسار وتصرخ بخفيف من لطافته.
ارجعت له وشالته وضمته بقوه خفيفه ف بدا (يلعق) وجهها ويمؤ.
ف ابعدت عنه وجلسته على يدها وتناظره ب ابتسامه.
..#زينب.
/صرت اعرف فهدين بحياتي بس الفرق ان هذاك رجولي وزوجي المستقبلي وانت كيوت وجميل.
مسحت على راسه بعد مابدا يمؤ.
وانا شارده بجماله
طلعني من شرودي صوت
خلا كل شعر راسي يوقف
وجسمي يتجمد.
ذاك الصوت مستحيل انساه
ثلاث مرات سمعته
ثلاث مرات تقابلنا.
والشي الي غاب عني ان هالشخص امير
والامير مسموح له يجيب حيوانات ويربيها.
امس شفت الامير بيوم الرعد والمطر.
وانا بغبائي رايحه اسال تركي والباقين.
والحين خلوني ارجع للواقع.
/لابس جاكيتي تحت ملابسك القذره وماسك قطوتي بيديك العاريه
قال لي بصوته الي اخذ قلبي من يوم ماكنت بالطياره.
بس
كأن اسلوبه غريب:).
حطيت فهد على الارض واستدرت ببطى
وانصدمت من طوله الغريب.
كان طويل لدرجه اني رفعت راسي عشان اشوفه
شي واحد متاكده منه
ان طوله فوق ال199.
وبعدها استوعبت انه عاري ف
حطيت يدي على عيوني
وركضت
بعد ماشفته لاف المنشفه على خصره
عاري الصدر والبطن
عاري الرجلين والساق.
بشعر ينقط ماء مرجعه لورا.
بندبه خطفت قلبي.
طلعت برا البيت وانا ناسيه حذائي ولابسه شبشب البيت وجاكيت هذاك الشخص.
كنت بس ابي اطلع من هالمكان واروح لسكن
فارس حذرني من اني اقرب لهم.
وغير هذا كلامهم وانا بالمصعد للحين مايروح عن بالي
{لتذكير: راجع بارت الثامن وثلاثين بعنوان"اشاعة".
حيث ان اول لقاء بين زينب والامراء كان بالمصعد يوم تعطل فيها وهي معهم}
..#
اطلعت من الغابه ووقفت وهي تتنفس بقوه
شافت نص الطلاب طالعين من دوامتهم ف ارفعت ساعتها وشافت الساعه
11:30ص.
تنهدت بتعب وراحت كملت لسكن
وهي تفكر كيف ترجع جاكيت هذاك الشخص الي ماتردي وش اسمه وترجع حذائها.
وبنفس الوقت الي اطلعت فيه زينب.
كان هو واقف بنفس مكانه ماحرك ساكن.
تنهد بخفيف بعدها ابتسم بخبث وهو يجلس على الكنب ويرفع القط قدام وجهه.
ويقول/قلت هاي لحيواني الاليف؟.
جلسه بحضنه ومسح على راسه وهو يناظره ويكمل/شرايك ب حيواني الاليف الثاني.
وباللحظه دخل الامير الثالث الي كان يتثاوب.
شافه جالس ويتبسم بخبث ف تنهد وهو يقول/وش شفت عشان ترسم هالابتسامه.
نط القط من حضن الامير الاول وراح يركض بسعاده للامير الثالث ف حمله وهو يضحك بخفيف ويقول/فهديي الجميل.
الامير الاول/شفت قطه انثى شرسه تلعب مع فهد.
ناظر الامير الثالث فهد وقال/ايي حتى لو انا قطه راح انجذب لفهدنا الجميل بس دامها شرسه مانبيها.
ناظر الامير الاول وقال/مانبي اي نوع من الحيوانات الشرسه بالبيت.
الامير الاول وهو يتكتى على يده/احب الحيوانات الشرسه.
بعدها ناظره وهو لا زال متكي وكمل ب ابتسامه هادئه
/راح اروضها واخليها حيوانتي الاليفه.
قلب عيونه الامير الثالث وهو يقول/عيونك تخوفني وانت تقول هالكلام وغير هذا يكفينا فهد.
حط رجل على رجل وناظره وقال/شهاب انا احب اروض الحيوانات النادره والشرسه وانا لقيت حيوان شرس ونادر.
حط يده على فمه وضحك بخفيف.
قلب عيونه الامير الثالث(شهاب) وهو يقول/سوي الي تبي بس لا يموت.
قال باهمال وهو يمشي راقي لغرفته وبيده فهد القط.
ابعد عيونه عن شهاب وتعدل بجلسته ف رجع لورا وهو يريح ظهره على الكنبه.
غمض عيونه بهدوء
وبدا يفكر
ويفكر
/من يلقاها الاول تكون له.
فتح عيونه وكمل بهمس
/رعد.
بعدها بثواني صرخ شهاب فوق وهو يقول
/اللبس ملابسك الدنيا برد.
-
-
افتحت باب شقتها وادخلت وهي تسحب نفسها.
شافت بداخل اربع اشخاص.
خالد مهند فارس وفهد.
جالسين.
قالت زينب وهي تجلس/ليه طالعين الحين؟.
فارس/هذا وقت ناديي ونفس الشي مع مهند وفهد وخالد.
همهمت
بعدها
استوعبت شي
ف ناظرت مهند وقالت وهي ترفع حاجب/انت داخل نادي؟.
امأ براسه ف قالت/وشو.
مهند/نادي الازياء ونادي الروايات.
همهمت وقالت/من متى داخل.
مهند/من شهر.
زينب/يعني كلكم بنفس الساعه؟.
فارس/لا على حسب رئيس النادي هو ينظم جدولنا ومتى نجي ومتى نروح ونفس الشي مع الباقي مثلاً سامي وباسل ورائد اليوم ماعندهم نادي بس بكرا عندهم واحيانا يكون طول الاسبوع واحيانا يكون مره وحده اجزاه بالاسبوع وتختلف ساعات الوقت ف احيانا نووح الفجر او العصر او الصبح او المساء او بليل.
همهمت زينب وبعدها
قالت/متى بتروحون.
/الحين.
قال مهند وهو يشيل شنطته وقام واللتفت على زينب
بس
عقد حواجبه وهو يشوفها لابس الجاكيت الغريب والكبير عليها
ف قال/من وين هذا.
بعد ماسمعوا كلام مهند اللتفتو عليه.
شافوه لابس جاكيت رمادي طويل وكبير الحجم بنوع قماش السميك بقبعه وسحاب احمر حزام.
زينب ببطى ابعدت عيونها وناظرت الجهه الثانيه عن مهند وقالت/شفته بال.
مهند بنزعاج/من لفت عيونك عني وانا ادري انك كذاب لا تحاول تكذب علي من وين جايب هالجاكيت.
زينب/اقول لك اني لقيته الارض وفكرت اللبسه وبهد شوي بدوي قسم الامانات.
فهد وخالد كانوا ورا مهند
خالد فارت اعصابه بعد ماشاف كذبته واضحه
وغير هذا
وشلون يتجرا يلبس ملبس شخص مايعرفه؟
وحاطه ع جسمه!
واللبس ماهو لخالد
ممكن لو كان حق خالد تغاضى بس حق شخص ثاني
وشلون يتجرء!!!.
كان بيروح له بس امسكه مهند من يده وهو يتنهد بنزعاج.
زينب حست بالانزعاج من ردة فعلهم المبالغه فيها ف قالت وهي تقوم/شفيه كني لابسه الكفن بسم الله علي وبعدين انا كيفييي اللبس الي يعجبني حتى لو كان حق امير المدرسه.
بعدها استوعبت الي قالته وقالت بسرعه تبعد الشبهات عنها/اكيد هو مو حق اي امير بس اقول لكم يعني.
تنهد فارس وهو يقول/جاكيت اي امير هذا.
زينب/مدري بس كان طويل.
توسعت عيونها وقالت بسرعه/هذا لو كان حقه.
وبعدها كملت وهي تدف مهند/يلا روحو لناديكم وانا بروح لياسر.
دخلت الغرفه وفتحت الشنطه وسحبت اربع اكياس بحجم متوسط بعدها اطلعت من الغرفه و
اخذت مفاتيح الباب واطلعت بسرعه قبل احد يكلمها.
-
-
..#زينب.
تنهدت بتعب وانا اطلع من السكن.
يحسسوني اني اصغر واحد وان مالي عقل وان مالي اي حس بالمسؤلية.
انا كبيره واعرف مصلحتي واعرف متى احس ان هالشي خطير.
وقفت وانا اناظر اكمام الجاكيت الطويله لفتره
بعدها
كملت مشي وانا احط يدي بجيب الجاكيت.
انتبهت لعيون بعض الطلاب علي.
ف قلبت عيوني بنزعاج
سيرة الفيديو للحين مشغله الكل والعيون تلاحقني من مكان لمكان.
وانا صرت اكرهه هالشي
وعلى طاري الفيديو
اليوم بروح لنادي الصحافه وأدبهم.
مين سمح لهم يصوروني وانا اللعب مع طلاب ثلاث؟-_-.
(قصدها يوم ضربت المتنمرين.)
دخلت المدرسه وتوجهت للمبنى الي فيه مجلس الطلابه.
وبدون ماطق الباب دخلت وانا منزعجه.
وكلعاده
ماتغيرو
عبدالرحمن جالس يشرب شاهيه
مشعل جالس على الكنب وقدام الطاوله وكثير من الاوراق
وياسر
جالس على المكتب يشتغل على الاب توب.
ومن دون مايعرفون راسهم قالوا/اهلا زياد.
جلست على الكرسي الي قبال المكتب وانا اقول/هلافيكم.
عبدالرحمن/تبي شاهي.
امأت ف قال/كوكيز ولا حلا التارت؟.
/تارت.
قام من على الكنب وتوجهه لثلاجه.
اما مشعل اول ماشافني جاء عندي وجلس قدامي ف قال/اخيرا شفناك ياشغال المدرسه.
قلبت عيوني وانا اقول/راح ارفع عليهم قضيه بي حق يشهروني.
مشعل/ماتقدر هذي وظيفة النادي.
عبست بنزعاج.
انحط قدامي صحن تارت المزين بقطع صغيره من الفراوله وكوب الشاهي.
تخدرت اعصابي مع ريحة الاثنين.
ترك ياسر الشغل وبدا يطقطق رقبته واصابعه ويتمغط.
ناظرني وقال/الحمدالله على السلامه.
هزيت براسي وانا احط قطعه صغيره من التارت بفمي.
نزلت الملعقه وشربت من الشاهي.
وناظرتهم كلهم.
سحبت اكياسي الاربعه ف قال مشعل/اشم ريحة هدايا.
ضحكت وانا اعطيه كيسه واقول/هذي من دبي مادري وش اهديك وبالاخير طلعت لي هالفكره.
اخذه وهو يبتسم ب اتساع ويشكرني.
عطيت عبدالرحمن كيسين وقلت/لك ولعبدالله.
اخذهم وهو يبتسم بخجل ويشكرني.
ناظرت ياسر وعطيته كيس هديته
ناظرها لثواني بعدها قال/انت ماحطيت فيها قنابل ولا مخدرات.
ابتسمت وانا اخذ الهديه بس قبل هذا
اخذها بسرعه وهو يضحك ويقول/ماتتقبل المزح.
نص ساعه وحنا نتكلم بعدها
قام عبدالرحمن واستاذن ووراه مشعل.
بعد ماسكرو الباب ناظرني بملامح جاده.
/وش مقصدك بارسالي لبيت الامراء؟.
ياسر/اجل عرفتي.
قلت/حركه قديمه بس مافهمت المقصد.
ياسر قال وهو يناظرني/تدرين مميزات الامير.
امأت براسي/شوي.
ف قال/قبل اسبوع جاني الامير الثاني شخصيا لمكتبي وطلب مني طلب غريب صدمني.
ناظرته ف قال وهو يكمل ب ابتسامه
/طلب توصيه ب اني.
كمل والابتسامه زادت/الامير الرابع.
لا ارادياً قمت من مكاني وانا اناظر ياسر بصدمه ف قال/لا مو بس هو حتى.
قام من مكانه وقرب لي وقال بهمس/الملك.
حسيت بعيوني تطلع من مكانه
ماقدرت رجليني تشيلني ف جلست على الكرسي
اتفهم امير
لكن
ملك!!!!!.
انا حتى ماعرفت عنه الا امس
وين شافني عشان يوصيني! .
ياسر جلس بمكانه وقال/اذا وافقتي راح يكون لك غرفه لحالك اكل مجاني ومصروف شهري بقيمه 20الف راح يكون لك مكانه خاصه ومكان خاص بالدراسه قليل من الشباب الي راح تختلطين فيهم وتدرين حتى قبل لا يوصون عليك درجاتك ونسبتك ومعاملتك مع المعلين ومحبتهم لك تؤهلك تصيرين امير.
تنهد وهو يقول/مقصدي من اني اخليك تروحين لبيت الامراء عشان تشوفين البيت وعشان يغريك العرض.
..#
(اعزائي الان راح يتم ذكر معلومه عن شخصيه الملك وطبعا هذا من خيالي لذلك فقط ارجو منكم تقبل افكاري المتواضعه واهم شي نبعد عن التعصب والسب♥)
كانت منزله راسها وتفكر بشكل عميق.
ارفعت راسها وناظرت ياسر وقالت
/الامير الثاني مين؟.
حط يدينه على الطاوله وقال ب ابتسامه
/رعد آل كوليزا.
/شارك معنا بالمهرجان؟.
امآ براسه
/سافر معنا للمالديف؟.
امآ براسه
/عنده لبس لشخصيه كرتونيه؟.
امأ براسه.
/ش.شعره لونه ابيض؟.
ابتسم بوجهها وهو يقول/...........،
قامت من على الكرسي .
ف قال ياسر وهو يناديها
/الملك انتي قابلتيه.
وقفت بنص المجلس وناظرته .
/الي انقذتيه من الغرق بمهرجان المدرسه.
/الملك و
ابتسم ب اتسااع/وولي عهد البحرين.
اجلست على الارض بصدمه
"كافي صدمات اليوم
يكفيني"
صرخت بنفسها وهي تناظر ياسر.
ريح جسمه على الكرسي الجلد البني وهو يقول/لو ماكان ولي عهد قادم ماكان تراقضنا عشان نشوف سلامته كان يكفي طبيبن واصدقاءه انتي بنفسك ماتسالتي ليه بذاك اليوم كل المدرسه تراقضو عشان يشوفون سلامته؟.
هزت راسها ببطى.
ف ضحك بخفيف وهو يقول/لانك غبيه.
وكمل/من ذاك اليوم وهو ماخذه عطله مع ذلك هو نادر مايجي للمدرسه تدرين ولي عهد لدوله اقتصادي كبيره وضخمه قليل راح يجي للمدرسه.
اخذ القلم وبدا يلعب فيه ب اصابعه وبتفكير قال/امير بعمر صغير اخذ المنصب الكبير على عاتقه مسكين.
ارفعت زينب راسها وقاالت/ليه كم عمره؟.
ياسر/21.
شهقت زينب بتفأجا وقالت/21 المفروض جامعه مو ثانوي.
ياسر/الملك وفي بشكل غبي لدرجه انه سقط نفسه بنفسه عشان صديق غبي ومنحرف وسافل.
قال اخر كلمه بنزعاج.
تنهد وكمل/لانه وفي بقى ب هالمدرس.
ناظرها وقال بسخريه/كرم من هذاك الفاسق انه عطاك جاكيته تتدفا.
قالت/لبسته عشان اشوف شكلي فيه ونسيت اني ارجعه.
ياسر/رجعيه قبل يجيك شخصيا هذاك الشخص خطير وفاسق وسافل اهخ كل ماتذكر يجيني حرقان بالقلب.
قامت من على الارض ومشت ب اتجاه الباب.
-
-
كانت تمشي وعيونها بالارض تتذكر كل لحظه وموقف صارت لها بالمدرسه.
اصدمت بشخص ف وقفت واعتذرت له ارفعت راسها وشافت شخص ماسك سندويتش الشاورما.
للحظه كان يناظره من فوق لتحت بعدها ابتسم بهدوء وقال/انا الي مانتبهت اسف.
ردت له الابتسامه.
من بعيد اوقفو اصدقاء وواحد منهم قال بصوت عالي/كافيين تاخرناا على النادي.
ناظرهم وامأ.
واما زينب كملت مشي لطريقها.
لكن
حست بيد تمسكها ف ناظرت صاحب اليد
وكان الشخص الي ماسك سندويتش الشاورما والي اسمه كافين
على حسب ماسمعت.
/لحظه.
فتح شنطته وسحب شي وسكر الشنطه وناظره وقال وهو يسحب يده ويحط بيده.
/نادر الي اعطيهم ومو اي احط اعطيهم كنزي ف عشان كذا ابتسم ب هاليوم الجميل مافي شي يستاهل الزعل او العبوس.
/كافيين تاخرناا.
ابتسم بوجهه وراح يركض لاصدقاءه.
نزلت يدها على الشي الي اعطها.
ابتسمت بخفيف وهي تحس بحرارته وقالت/شكرا على الوجبه.
كانت شاورما.
وكملت مشي.
كانوا يناظرون صديقهم بصدمه.
ناظرهم وهو ياكل من الشاورما
ويقول/شفيكم.
1/واحد منكم يقرصني.
قرصه الي جنبه وابعد عنه بسرعه قبل يضربه
فرق مكان القصبه وهو يناظره بغضب.
وقال وهو يناظر كافين/انا شكلي تخيلت انك تعطي طالب من السنه الثانيه شاورما.
كافيين/وهذا الحقيقه.
2قال بنزعاج/حتى حنا ماتعطينا اللهم ياساتر.
3ناظر كافين وقال/تعرفه معرفه شخصيه؟.
هز براسه باالرفض وقال/لا بس بسببه قدرت احصل على بطاقة مطاعم الذهبيه من الامير الثاني وك شكر عطيته من شاورمتي.
4/وشلون؟.
ابتسم وهو يقول/سر.
قلبو عيونهم وكملوا مشي لناديهم.
(تذكير:اول ظهور لكافين في بارت السبعين بعنوان" ســ احاول" يذكر ان كافيين هو الي حجب الرؤيه عن حمد يوم كان بيكشف زينب وهي واقفه فوق المسرح وهو الي كذب على حمد وهذا طلب من امير المدرسه الثاني) .
-
-
وقفت قدام بداية الغابه
وهي تتأمل شكلها.
هي اتعبت من اليوم
احداث كثيره
وواقائع كثيره
دخلت للغابه وهي تتأمل ذاك الشي الي بداخلها.
.
.
#الحاظر ماقبل الحاظر.
/اخيراً.
قال وهو يبتسم.
قالت/رعد آل كوليزا.
مد يده وهو يبتسم بخفيف.
هبت نسمة ريح قويه خلا كل من شعر الاثنين يتطاير.
ابتسمت وهي تحط تمد يدها وتصافحه.
مصافحه الاولى.
-
-
#بنفس المدرسة لكن بمكان ثاني.
كان جالس بالصاله وقدامه شخصين
حاط رجل على رجل ويناظرهم.
/ايوه وش قلتوا.
قال ب ابتسامه خبيثه.
تنهدو الاثنين وهم طايعين كلام وامر
الامير الاول.
ب استسلام.
/خلينا نبدا اللعب من هنا ي قطتي الشرسه.
.
.
.
ومن هنا نوقف ونكمل بالبارت الجاي
اتمنى انه نال اعجابكم.
عطوني تعليقاتكم وتوقعاتكم ولا تنسوا انكم سبب نجاح الروايه.
الانستقرامmarie.g0
وهبــي هبــي مــاري.
دمــتــم بــخــير
تعليقات
إرسال تعليق