السلام عليكم ورحمة الله وبركاته
.
.
مئه وستة واربعين بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[ولادة حامـية]
.
.
" سلاماً للذين أحببناهم
فكانُوا عند حُسْنِ ظنِ قلوبنا بهم"
#رسـيل..♪
#2011/6/12.
واقفه بجنبها
تناظرها.
شعرها طويل بلونه الغريب
احياناً تشوفه بني غامق واحياناً بني اشبه بلون الكستناء
وعيون بلون التراب
وبشره بيضاء خزفيه
ملامح بريئه
ورموش بلون الليل.
:وش راح تاخذين.
تفاجأت وابعدت نظري بسرعه وقلت:اي شي.
:وش تحبين.
قالت وهي تناظرني بعيون لامعه
:شوكولاته.
قلت بهمس.
:و؟.
:ورد.
قلت وانا اناظرها.
كنت اشوفها غريبه
تصرفاتها وازعاجها وتلصقها فيني
ومع كل مره ابعدها عني
تزيد اكثر بتمسكها فيني
حتى جاء اليوم الي سحبتني من غرفتي وهي تبتسم وتقول بصوت حماسي
:راح نروح الملاهي.
بذاك الوقت كان عمري 10 سنوات
ولا مره زرتها
ولامره شفتها
كانت مره وحده شفت الملاهي بالتلفزيون بالمربع القديم بعمر ال5 سنوات.
كنت اتمنى ازورها بذاك الوقت
لكن ولاني ماكنت زي الشخص الي يشبهني ولانها كانت المحبوبه عندهم
ماخذوني
وتركوني عند جدتي.
اي طفل بذاك العمر كان راح يتمنى يزورها مع اهله يشرون له مسليات ويضحكونه حتى يمل ويلعبون معه حتى يتعب
لكن انا مختلفه.
بذاك الوقت تفاجأت كثير وانا اسمعها تنطق كل حرف من كلمة ملاهي احاسيس مختلطه بين الحماس والنكران
نكرت بنفسي سبب روحتها معي
وسالت نفسي اذا كانت تمزح معي عشان تقهرني وتروح مع نسختي.
سالت نفسي كثير.
ومارجعني للواقع الا صوتها وهي تقول"وصلنا."
رفعت عيوني
شفت اشياء تلمع
اشياء فيها انوار كثيره
اصوات ضحكات وازعاج يفرح القلب
وآلات غريبه وكبيره تشبه الي شفتها بالتلفزيون قبل سنوات
وروايح كثيره مختلطه جميله تخلي بطني الصغير يشتهيها.
"اجل هذي الملاهي؟"
قلت بنفسي ومن شدة فرحتي المسلوبه
دمعت عيوني.
ناظرت الشخص الي حط يده على كتفي
وبصوت حنون وابتسامه خفيفه قال لي
:زينب حبت تفرحك.
"لاتبكين لا تبكين لاتبكين"
كنت اكرر هالكلام بنفسي وانا اسمع كلماته
شاده على يده بقوه.
:يازرافه ابعد عن طريقي.
تحولت نظري لشخص الي نطق ب هالكلمات
نزل من السياره وهو يرفس زينب يبعدها عن طريقها.
شفت شخص طويل ورغم طوله عمره صغير
ممكن بال13او 14؟.
لا لحظه
متى كانوا هالاشخاص بالسياره!.
كان تفكيري عميق لدرجه مانتبهه لنفسي؟.
:وشلون تتجرا ترفس اختي؟.
قال الشخص الثاني الي نزل من السياره
والي كان مقارب لعمرها.
:لاتسببون زحمه ابعدو.
قال الشخص الثالث الي نزل من السياره.
متى كانوا هذولي موجودين؟.
بديت اخاف.
:لاتسببون ولا راح اركب السياره وادعسكم.
قال الرابع الي نزل من السياره وبصوت حاد.
شكلي راح اتصل بشرطه.
:لاتحرجونا قدام صديقه زينب.
قال الشخص الي صوته حنون.
:لا تستغربين هذولي دايم كيذا.
قال الثالث وهو يناظرني.
مادري كيف يدي امتدت و مسكت ذراع زينب
ممكن لاني خفت منهم؟.
:لا تخافين هذولي كلهم اهلي هم دايم كذا.
بعدها رفعت يدها وهي تاشر لصاحب الصوت الحنون:هذا فزاع ولد خالتي الكبير.
:وهذا عامر عمره كبير بس لا تخجلين منه عقله اصغر من حجمه.
قالت وهي تاشر على الاول وهي تبتسم.
:وهذا اخوي بالرضاعه مهند.
قالت وهي تاشر على الثاني.
:هذا راشد ولد عمي الصغير لا تخجلين منه اسلوبه راح يحسسك بانه اخوك.
قالت وهي تاشر على الثالث
:وهذا حمد ولد عمي الكبير شخصيه رزينه وانا احبه.
وفجأه كل الانظار تحولت علي
ارتجفت من الداخل وتوترت هذي اول مره اشوف احد يناظرني
حتى لاصار فيه عزايم ببيتنا ماطلع لناس ابدا
وهذي اول مره اختلط مع ناس.
اهه غاب عن بالي شي مهم.
ناظرتها بسرعه وانا اقول:اختي تدري؟ امي وابوي يدرون اني طلعت؟.
ابتسمت وقالت:ماعليكِ من مهليل و.
زادت ابتسامتها وهي تاشر على حمد:خليت حمد يقول لهم انك راح تطلعين معي وبلا تردد وافقوا.
ليه ابتسامتها ماهي مريحه؟.
:رسسييل.
طلعني من تفكيري صوتها وهي تناديني
ف ناظرتها بسرعه.
:غير الشوكولاته والورد وش تحبين؟.
بعد ثواني من الصمت قلت بتردد
:احب الاشياء الي تلمع.
ناظرتهم وقالت:وش فيه اشياء تلمع؟.
فزاع:الذهب.
حمد:الألماس.
راشد:لؤلؤ.
عامر:فضة ويشم.
مهند:النجوم.
بداخلي ضحكت على جواب مهند
الاشياء الي ذكروها كلها تنلبس
لكن النجوم!.
اهه ضحكت كثير بداخلي وكل ماتذكر جوابه البريئ اضحك اكثر.
همهمت زينب بتفكير
بعدها ناظرتني وقالت:لون الورد الي تحبينه؟.
:احمر واصفر.
قلت باستغراب من اسئلتها.
ضمت يدي بيدها وقالت وهي تمشي:خلينا نجرب العجله وبعدها راح نركب كل الالعاب الموجوده معدا الخطيره ومدينه الرعب.
وبدون ماسال ليه ماراح نجرب هذولي
فهمت بعدين انها ماكانت تبي تخوفني بما انها ماتعرفني بشكل صحيح.
مع كل لحظه تمر كنت ابتسم واضحك واتكلم مع هذا وذاك
وقتي وهو يمر معاها بذاك اليوم خلاني احس بشي غريب بقلبي
فراشات تطير؟
او حمامات تحلق
او شي ينفجر بقلبي
ماكنت ادري بالضبط ايش
لكن حسيت بسعاده كبيره حسيت بشي فقدته من اول مانولدت.
راشد وعامر ومهند كانوا يتكلمون معي وشوي شوي قدروا علي وكسبوا قلبي الكئيب
وصوت فزاع الهادي والحنون وهو يحذرنا تتردد باذاني من ذاك الوقت
ورغم هدوء حمد الا اني حبيت تواجده معنا
كنت احس بانه يحمينا.
ركبنا السياره وبتعب سندت ظهري على المسند
تعبت كثير حتى حسيت باطرافي تتقطع.
ووجهي حس بتعب اكثر
لانها ولاول مره
يبتسم بهالشكل.
وصوتي الي انبح من الضحك والصراخ.
:فزاع ودينا لاكبر مول بالمكان.
قالت زينب وهي تبتسم بحماس.
بجد هالبنت ماتتعب؟
ظلينا بالملاهي لسبع ساعات ونصف.
انا حتى مو قادره احرك اطرافي!.
وقبل لا اعترض على كلامها
قالت:حمد نسيت بطاقتي بالبيت.
:جبت الاحتياطيه.
قال وهو يرفعها.
:حتى لو نسيتيها فيه الشنط الاحتياطيه تحت رجلينك تقدرين تاخذين الي تبين.
قال عامر وهو يمدد جسمه ويناظر ديشه السياره بملل.
وش يقصدون؟.
كنت امشي بهدوء وانا اناظر الي حولي
متى اخر مره طلعت من البيت؟.
فتره طويله طويله لدرجه ماتذكر.
وقفت زينب ف اوقفوا معاها وانا وقفت
تفاجات فيها وهي تمسك يدي وتركض لذاك المحل.
السوبر ماركت.
:اختاري شوكولاتات.
قالت وهي تناظرني.
:مافي داع.
قاطعتني وهي تقول:هذي اول مره اطلع معك وانا عزمتك خذي الي يعجبك.
مالقيت اي فرصه اني امنعها
وعشان كذا توجهت لرف الشوكولاته واخذت قطعتين من الي شفتهم ارخص شي.
اكيد ماراح اصير قليلة حياء واخذ الي ابي:)
عندي حيائي انا بعد.
قربت زينب وناظرتني وقالت وهي تعبس بطفوليه:قلت لك خذي الي يعجبك.
تنهدت وانا اقول:هذولي يعجبوني.
وأخيراً شفتها تتهند ب استسلام.
ابعدت نظرها عني وناظرت الموظف وقالت ب ابتسامه جميله.
:عطني ثلاجه.
انا والموظف كانت اشكالنا غريبه من الصدمه
لا كانت اكثر من كذا.
ماقالت عطني الي بثلاجة
قالت عطني الثلاجه نفسها:).
ياهه صدمتني بذاك الوقت
حتى بشكل مفاجى صرخت ب:لالا ما.
قاطعتني وهي تناظر راشد:راح تكفي السياره؟.
:لا لازم نجيب سياره تشيلها.
قال وهو ساند نفسه على الجدار ويناظر جواله بلا اي اهتمام.
ناظرت الباقي استنجد فيهم لكن لقيتهم يتسوقون بالسوبر ماركت.
مافي اي فايده.
:خلااصص راح اختار اشياء ثانيه.
بملل قالت زينب وهي تمشي:ليه ماخلتيوا المساعدين يجون.
:ممكن صديقتك ماراح ترتاح معهم.
قال فزاع وهو شايل خمس اكياس شوكولاته.
انا خجلانه كثيرر كنت مكتفيه بكيس واحد
لكن لو ماصرارها المزعج
كان الحين هي ماسكه الكيس بدل من شخص اكبر منها.
ومره ثانيه مسكت يدي وركضت لمحل.
وهالمره كان
ذهب :).
وقفت بنص المحل وناظرت حولها بعدها ناظرت فزاع وقالت:هذا يلمع.
امأ وهو يبتسم.
كان موظف المحل يناظرها اول مادخلت بس يوم شافها صغيره تجاهلها وكمل يكتب بدفتر.
:تحبين الاشياء الي تلمع؟.
قالت بعيون واسعه مشرقه وابتسامهس واسعه.
مادري ليه ترددت بالاجابه وفكرت اكثر من خمس مرات بنفسي قبل اجاوب.
لكن لو كذبت راح اخسرها.
اخذت نفس عميق وانا اقول ب استسلام:اي.
ناظرت موظف المحل وقالت ب ابتسامة
:ابي كل الموجود بالمحل.
واحساسي ماخاب.
حتى الموظف كانت صدمته قويه لدرجه قلمه مال من يده وانشقت ورقه الدفتر الي كان يكتب فيه وهو يناظرها.
عقد حواجبه بنزعاج بعد ماشاف نفس الصغيره فتنهد بغصب وهو يقلب صفحته المشقوقه متجاهلها.
لكن ثواني حتى
انفزع الموظف وهو يشوف حمد يركل الطاوله ويناظره بحده ويقول:ماسمعت وش قالت؟.
توسعت عيونه وهو يناظرهم
ونفس الي كان يفكر فيه كنت افكر فيه.
"هذولي جادين؟".
ولا استبعد انه فكر بانهم مجانين
و عشان يتاكد الموظف رفع عيونه لشخص البالغ بينا واكبرنا
فزاع.
وانا بعد اللتفت اناظر فزاع ولقيته يناظره معقود الحاجبين.
هذولي اكيد مجانين.
ابتسم الموظف وهو يقول:اعذريني على فظاظتي وقلة ادبي لكن اول مره اشوفه بنت صغيره تطلب محل كامل.
:غلف الذهب عندك وبعد شوي راح اج.
وبسرعه قاطعتها وانا اقول:زينب انتي جاده؟.
ابتسمت وهي تناظرني ورجعت نظرها لموظف المحل.
قال الموظف وهو يناظر الشخص البالغ:اغراض المحل راح تكلفكم اكثر من مليون ونص انتم متاكدين؟.
:هذي ماتمزح عطيها الي تبي وخلصنا.
قال عامر وتثاوب ورجع نظره لجواله.
ولاني كنت صغيره فكرت انها راح تفلس ولا راح تعيش حياه طفل عادي وعشان كذا قلت بفزع وانا اناظرها:راح تخلص فلوسك.
بعدين استوعبت شي وقلت:لا اصلا كم فلوسك؟.
ناظرتني للحطات قبل تناظر مهند وتقول:كم فلوسي؟.
مهند:رقم ما تعلمناه بالمدرسه.
قال وهو متمدد على كنب المحل.
بعدها ناظر عامر وقال:كم ثروتها؟.
نزل جواله وقال بتفكير:اخر مره رحت المدرسه قبل ثلاث شهور ماذكر اخذت رياضيات.
عامر ناظر راشد وقال:كم ثروتها؟.
راشد:لو حسبناه مع الموجود بالسياره والصرافه.
فكر للحظات بعدها ناظر حمد وقال:وش يجي بعد التريليون؟.
حمد:التريليار.
فزاع يزعاج:لا تطلعونها فقيره قدام صديقتها عيب عليكم.
لا انا الفقيره بينكم
و اذا كانوا جادين
تريليار كم صفر فيه ومن ايش يتكون؟؟.
ناظرني عامر وقال:لا تخافين هذي لو ظلت تصرف مليون باليوم ماراح تفلس الا بعد اربع او خمس قرون.
اتذكر يوم كنت صغيره شفت جمله بتلفزيون جدتي استغربت كثير من معناها
لكن اليوم فهمت وش كانوا يقصدون ب
"مولوده وبفمها ملعقه من ذهب"
زينب انولدت وبفمها معلقه مختلطه بين الذهب والالماس.
رغم اني اهلي اغنياء لكن مستحيل ينافسون زينب وثروتها
لا لحظه
ابوها وش يشتغل عشان يكون هالثروه؟.
ناظرت زينب وقلت:انا احب الاشياء الي تلمع واحبها تصير ناعمه وتكفيني وحده.
برزت شفايفها بعدم رضى وقالت:بس ابي اخليكِ تبتسمين.
اه قلبي
هذي تلعب على وتري الحساس.
لكن
:ثاني مره بحياتي اشوف ناس طيبين معي غير جدتي انا ولامره رحت لملاهي ولامره احد اشترا لي شوكولاته انتي خليتني اضحك وابتسم اك.
لا دموعي تطيح
لاا لاتبكين قدامها امسكي دموعك ياغبيه راح تخلينها تحس بالشفقه عليك.
غمضت عيوني بقوه وانا احاول امنع دموعي تنزل.
اهه انا غبيه.
كان على الاقل بكيت بغرفتي.
لكن مو قدامها مو قداممههمم.
لكن
بشكل غريب
ضمتني.
فتحت عيوني وشفتهم يناظروني ب ابتسامه خفيفه.
:اسعدني انك ضحكتي وابتسمتي معي.
كل ماتذكر ذيك اللحظه اضحك بداخلي
كانت تهمس لي وتشد بضمي
كانها تقول انا معك.
كل كلمه قالتها خلتني ابتسم وانا ابكي قدامهم.
انا احسد مهليل اكثر لانها عرفتها قبلي وكونت صداقه قبلي معها.
انا احسدها
وكرهي لها زاد من ذاك الوقت.
بعد مابعدت عني وهي تبتسم عامر عطاني منديل وقال:خشمك طالع.
افزعني كلامه وبسرعه غطيت خشمي وانا محمره من الخجل والفشله
وشلون..
:يمزح معك.
قال حمد وهو يضحك بخفيف مع الباقي.
اه حسيت بقلبي ينبض من مزحه الثقيل اقصد
الجو ماكان مناسب لمزحته.
وبعدها استوعبت اني بمحل الذهب
ف ناظرت الموظف ولقيته منزل راسه وشاحب.
زينب ناظرت الموظف ف ناظرت راشد وحمد وقالت ب ابتسامه بريئه:حمد راشد اقلعوا عيونه لانه شاف رسيل تبكي.
انزفعنا انا وهو وبسرعه قلت وانا امسكها:لالا.
بلعت ريقي وانا اقول:كل الناس تبكي ماوقفت علي.
همهمت بعدها قالت:ان ماخذتني الي يعجبك راح اشري كل شي موجود بهالمكان.
امأت براسي وانا اللتفت وادور بعيوني شي بسيط وناعم يناسبني.
بعد ماخلصت الي ابي مسكت كيس ابعدت عنهم وجلست على الكنب لين يخلصون.
ولما كنت انتظرهم يخلصون
شفتهم واقفين حولينها
تتكلم مع مهند
وتضحك مع فزاع وراشد
وتبتسم مع حمد
وتهاوش عامر
الجو الي كانت فيه معهم مرح ومفعم بالحياه و
الحب العائلي.
حسدتها بداخلي بنت مثلها مثاليه من كل النواحي
خلاني اتمنى اصير بمكانها
اتكلم مع مهند
واضحك مع فزاع وراشد
وابتسم مع لحمد
واهاوش عامر.
تخيلت نفسي بمكانها لثواني
وابتسمت.
"يمكن لانها يتيمه هي عندها كل هذا؟.
اهه اتمنى اصير يتيمه مثلها."
للاسف بذاك الوقت فكرت في كلامي وتمنيت من اعماق قلبي اصير يتيمه واصير مثلها.
تفاجأت وانا اشوفها تناظرني
بسرعه ابعدت هالافكار
وبشكل غريب
ابتسمت لي
ابتسامتها دافيه وناعمه.
ذكرياتي معها كلها كانت دافيه وجميله وهذي النقطه البيضاء بحياتي
انا تعلقت فيها لانها الوحيده الي ماكرهتني ولا قارنتني بنسختي ولا نادتني بالمجنونه.
زينب هي الحسنه الي اعطتني ايها الحياه
وانا اشكر الحياه من كل قلبي على هذا.
اهه نظري بدا يتشوش سقف غرفه المستشفى صار مثل خطوط رماديه
تنفسي صار اغرب
وقلبي ينبض بخفيف..
يمكن انا..
اموت؟.
لا اسمع صوت مزعج يكرر اسمي بخوف.
فجأه بدا كل شي واضح السقف الابيض وتنفسي وقلبي
رجعوا لوضعهم الطبيعي.
/رسـسيل.
مايلت راسي لليمين وانا ممده على سريري اناظرها
كانت تبكي بخوف وهي ماسكه يدي
وش فيها؟.
/ليه تبكين؟.
سالت وانا اناظرها بستغراب.
/كان شكلك غريب ونظرك اغرب للحظات توقعتك متِ خوفتيني.
قالت مهليل وهي تبكي وتناظرني تسد على يدي بقوه.
وجعت نظري لسقف وانا اقول/كنت شارده.
مهليل/لا تشردين قلبي اوجعني كثير.
قالت وهي تبكي.
هذا بنفسه ازعاج.
/لا تبكين ازعجتيني.
قلت وانا اغمض عيوني.
/بنام لا تفكرين تقوميني.
قلت وانا اتنهد من صوتها الباكي.
امأت وهي تمسح دموعها.
-
-
#قبل_11 سنه_ امريكا_فيلادلفيا.
:لاتبكين.
قال وهو يصفع خدها بظهر يده.
غمضت عيونها وهي تبكي
بحده صفعها باطن يده وهو يقول:لا تبكين.
قام من على الارض ورفسها وهو يقول بغضب/لاتبكيين.
حطت يديها على وجهها وهي تزيد ببكاءها.
صفعها بخدها الثاني بقوه وهو يصرخ بوجهها:قلت لا تبكين.
دار وجهها وهي تتنفس بصعوبه من البكاء تمالكت وهدت نفسها وهي ترجع نظرها له وتبتسم:انا مابكي.
زادت تعقد حواجبه وهو يشوفها تذرف دموعها بوجه مبتسم مزعج.
زينب الصغيره ذات ال7 سنوات تداركت الوضع وغمضت عيونها بقوه وهي تمسح دموعها وتفتحها
وتناظره بملامح هاديه.
ابتسم وهو يشوف وجهها الهادي رغم ارتجف يديها من الخوف وهي تشوف ارنب واطفاله معلقين بجذع الشجره مسلوخ نصف جلدهم يتحركون ببطئ يلفضون اخر انفاسهم.
نزل لمستواها وقال:ان كنتي تبين تحمين اشخاص اول قاعده الحامي لا يبكي رغم الالم والخوف والفزع والحزن يكتم بداخله يعض لسانه من دون ماحد ينتبه له.
قرب لها وقال:تعرفين ليه الحامي لا يبكي؟.
هزت راسها ببطئ
فقال:الي راح يعتمدون عليكِ راح ياخافون وينكسرون لو شافوكِ تبكين راح يفكرون"حامينا بكى من بسبب ضعفه مين راح يحمينا؟" وبعدها وبسبب ضعفك وبكاءك المهاجمين راح يقتلون واحد واحد قدامك لانك ضعيفه بعيونهم وراح يفكرون وهم يضحكون بنفسهم"حامي يبكي بضعف؟" وبعدها راح يموت كل شخص تحبينه وانتي مثل الغبيه تبكين.
رفع راسها وخلاها تناظر الارنب الميته وقال وهو يناظرهم:بسبب موت مخلوقات ضعيفه مثل هذي بكيتي عشانها!لو انك قويه مابكيتي ورحتي تحمينهم لكن لانك ضعيفه مثيره لشفقه بكيتي بكل ضعف.
مرة لحظات بصمت
حتى رفع يده وصفعها بقوه حتى انها طاحت على الارض
ضحك وهو يشوفها توقف وتناظره بعيون هادئه.
مسك اكتافها وهو يقرب من وجهها وبهمس قال:كذا الابطال مايبكون مثلك.
ابعد عنها وقال:وش تخافين منه؟.
بعد ماقالت مشت بتجاءه عامر الي نادها من بعيد.
رجع شعره لورا وبعدها ابتسم وهو يناظر ظهرها يبعد.
#بعد اسبوع.
حط يده على ظهرها ودفها بقوه بداخل القبو
مقفل الباب قفل حديدي ومفتاح.
قامت بسرعه وهي تتنفس بقوه وخوف
غرفه صغيره
ظلام حالك
ارتجفت بخوف وهي تركض للباب
حاولت تفتح لكن
مقفل!.
حطت يديها المرتجفه بخوف على الباب وبدت تضربه بخفيف وهي تنادي حمد الي كان واقف ورا الباب بملامح بارده.
وقفت عن ضرب الباب بصدمه
وهي
تحس بشيء يلامس رجلينها
اشياء غريبه
بملمس ناعم
واطراف متنوعه
وشي يزحف لها.
صرخت برعب وبكت وهي تمسك براس افعى وبيدها ثانيه مسكت عقرب
رمتهم بعيد رغم الظلام الا ان شي ثاني لمسها
وهي تبكي خوف من انها تمسكه
عرفت من ملمسه على رجلينها
صرصور!.
صرخت بقوه وهي تبكي بعين تدمع دم وثانيه دموع شفافه.
ضربت الباب بيديها وهي تبكي بخوف بعد ماحست الالف منهم تمشي عليها
:حمد انا خايفه افتح لي.. اشياء غريبه تمشي علي حمد افتح لي انا خايفه.
كانت تردد كلامها وهي تصرخ وتبكي بخوف
بجسم يرتعش بكل جزء منه بخوف. وهي
تحس فيهم يمشون فوق يديها
ورجلينها
وبطنها
وظهرها.
كان ساند ظهره على الجدار قبال باب القبو يسمع صراخها وبكاءها ولو سمعه شخص لبكاء معاها.
:ثاني قاعده التغلب على المخواف عشان تصيرين قويه وتحمين الي تحبينهم لازم تتغلبين على مخاوفك.
قال بهدوء وسط بكاءها الحاد.
ناظر الساعه الي بيده وقال:بعد اربع وعشرين ساعه راح اطلعك ان حسيتي بالجوع عندك ثلاث اصناف اختاري الي يعجبك واذا سمعتك تبكين راح تزيد مده قعدتك بالمكان من الدرس هذا تتغلبين على خوفك وتربطين مشاعر البكاء وتحرقينها بداخلك.
كانت تسمع كل كلمه يقولها ف قالت بصراخ وهي تحاول تمنع صوت بكاءها:ماراح ابكي والله حتى اذا ضربتني بالسوط او رمتيني من جبل او دعستني بسياره ماراح ابكي حمد.
قالت وهي تمسح دموعها لكن
بسبب خوفها الي سيطر عليها
مانتبهت لنفسها وهي تجرح خدها بظافرها
نزف خدها واختلط بدموعها الدمويه.
صرخت برعب وخوف وهي تحس بذيك الاشياء تمشي على وجهها
:حـمـد انـا خـايـفة.
قالت بصراخ عالي وهي تبكي.
#بعد ثلاث ايام.
وعامر وراشد وفزاع ومهند واقفين جنب حمد الي كان يفتح باب القبو.
ثلاث ايام مرت وهم مايدرون ان زينب كانت محبوسه بقبو مع ذيك الاشياء
فزاع كان راح يقتل حمد لكن راشد منعه وهو يمسكه يهديه
ومهند وعامر كانوا راح يطعنون حمد لكن منعهم خليفه الي ضرب حمد بقبضه قاسيه على خده.
مرة ثلاث ايام وهم مايدرن عنها
كيف شكلها
كيف هي صحتها؟
نفسيتها كيف صارت؟.
اول مافتح القبو هاجمتهم ريحه قبيح
فسدو انفهم بيديهم متقرفين.
لحظات
ثواني
دقايق
مرة ولا اطلعت صغيرتهم البريئه
نبضت قلوب الجميع بخوف.
ورغم انهم ببداية الصباح الان ضلام الغرفه الي ماكان فيها اي شبك او ثقب صغير يظهر الضوء فيه منعهم من شوفه مكان تواجد جسمها الصغير
كانت غرفه صغيره جداً يايدخل حتى الهواء الا من فتحه الباب من تحت.
وقبل ما يدخل عامر وراشد القبو.
بوسط الظلام الحالك
طلع ذاك الجسم الصغير من ذاك الظلام
شعرها كان مغطي وجهها
جسم انحل من المعتاد
اكتافها كانت مخدوشه بعمق
فستانها القصير الابيض ملطخ بدم ذيك الأشياء و ممزق من اطراف
رفعت راسها وهي ترفع شعرها عن عيونها.
توسعت عيونهم بصدمه وهم يشوفون عيونها
القاسيه البارده الي فقذت بالكامل بريقها ووجهها الخالي من التعابير.
وخدها المخدوش.
نزلوا عيونهم لشي الي رمته من يدها لهم.
ماكانوا قادرين اي ردة فعل يحطون بعد ماشافوا
ثعبان مقطوع من النص بشي حاد.
رفعوا عيونهم لها ف قال حمد وهو يضحك بجنون:قطعتيه ب اسنانك؟.
تبدلت الملامح البارده ل ابتسامه صغيره خلت جسم مهند وعامر وراشد يرتجف.
لحظات حتى استوعب فزاع شي ف اسرع بخطوات للقبو ونزل نظره للارض.
:مو بس الثعبان.
قال فزاع بصدمه.
قرب مهند وعامر وراشد.
توسعت عيون راشد وعامر ومهند وهو يشوف ذيك الأشياء المكونه من500 من كل نوع مقتولات
الثعابين مقطوع من النص
والصراصير مقتوله بالدعس وبعضها مقطوع الاطراف
والعقارب مقطوعه بشكل مستقيم ب اطراف مقطوعه.
ناظره فزاع ف قاا حمد:ماحطيت عقارب وثعابين مسمومه كلها مسالمه.
فزاع رجع نظره للقبو بعد ماعرف سبب الريحه القبيحه.
:كذا يولدون الابطال.
قال حمد وهو يناظرهم مفزوعين.
قربت زينب وضمت رجل حمد وقالت ب ابتسامه صغيره:انا مابكيت ولا خفت.
-
-
#الحاظر_المدرسة_حالياً الساعة 5:30م.
خالد ومهند جالسين يناظرون مسلسل
وفيصل فهد ورائد وتركي يجهزون الغدا مع فارس بالمطبخ
وباسل وحمد يجهزون الاطباق على طاوله الاكل.
فيصل/تسمعون؟.
فارس/اي التلفزيون مزعج.
فيصل/لا ماقصد التلفزيون.
رائد/اسمع صوت الفرن.
فيصل جلس على الكرسي وهو يصب لنفسه عصير/لا انا اقصد الهدوء.
ابتسم فارس بعد مافهم مقصده.
فارس ناظر تركي ورائد وفهد الي مافهموا مقصد فيصل/يقصد انه مر اسبوعين بدون مانشوف مشاكل من زياد.
ابتسم فهد وهو يصب كريمه الطبخ على البطاطس/اهاهه بس تدري.
ناظره فهد وقال وهو يبتسم/المفروض تخاف.
ناظره فيصل وهو يشرب من عصيره بعيون مستغربه من كلامه.
/زيـاد ضـرب ادم.
قال سامي بفزع وهو يدخل من الباب الشقه ويصرخ بنفس ثقيل بعد ماكان يركض من نادي المجلس الى السكن.
تنهد تركي وناظر فيصل الي طاح العصير من فمه بصدمه وقال/لانه اذا مر اسبوع هادي يعني هدوء ماقبل العاصفه.
فارس شال صحن الربيان وقال وهو يوديه لغرفه/ويعني راح تجي مشكله اكبر من الي قبلها.
مهند الي كان جالس بالصاله حط رجل على رجل وهو يضحك/واو هذا هو اخوي.
#قبل 4 ساعات.
كانت جالسه بالفصل لحالها تناظر باب الفصل يفتح
ابتسمت وهي تشوفه يدخل.
جلس جنبها
ظلوا هادين لدقايق
حتى قالت/سمعت انك راح تتصل على اهلها وتطلب يدها.
ناظرته وقالت/احمد انت مستغرب ليه طلبتك ولا انتظرت حتى نصير بالسكن.
احمد/ماتوقعت راح تناديني بالحالي استغربت كثير حتى يوم قلت لي لاتخلي احد يجي معك.
زياد/لان الي راح اقوله الحين متعلق بمستقبلك وحياتك.
ابعد نظره عن احمد ورجع ظهره لمسند الكرسي يريح ظهره كتف يدينه وقال بهدوء
/وش تعرف عن النازك؟.
.
.
.
ومن هنا نوقف ونكمل بالفصل الجاي
اتمنى انه نال اعجابكم.
رايكم بالفصل والسبب.🌝
انتظرونيي🔥♥️
اعطوني تعليقاتكم وتوقعاتكم
ولا تنسوا انكم سبب نجاح الروايه.
صراحة(marie0g.sarahah.com)
الانستقرامmarie.g0
وهبــي هبــي مــاري
تعليقات
إرسال تعليق