السلام عليكم ورحمة الله وبركاته
.
.
تابع مئة ووثلاث وثلاثون بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[العــــيد]
.
.
"لا ترى العين عيباً ؛ إذا أحب القلب قلباً"
#خــالد.♪
-
-
#المسقبل البعيد.
كانت واقفه مع مهند ترتب ملابسه بالشنطه.
سكرت الشنطه وحطتها على الارض.
ناظرت سامي الي كان يرتب شنطته فناظرت مهند الي جالس على الكنب لاف يدينه على بعض ومتهكم.
ماكان راضي يروح ويخليها.
تنهدت وهي تقول/جهزت شنطتك والحين راشد بيروح لسياره.
سامي سكر شنطته وحطها على الارض وسحبها لخارج الغرفه.
بعد ماطلع سامي وفضت الغرفه من احد غريب قال مهند بغير رضاء
/ماراح اتركك هنا واروح.
زينب/كلها عشر ايام روح ولا تخلي امنا تعيد وحيده.
مهند وعلى نفس وضعه/ماهي وحيده معاها جدتي.
زينب/انت فاهم قصدي.
تجاهلها وهو يبعد نظره عنها ف تنهدت وقالت/قبل ثلاث سنوات كنت اعيد معاها احول املي مكانك لكن مهما سويت مايمتلي الا الربع كل الثلاث سنوات كانت تنتظرك تنتظر تعيد معاها.
تنهد بنزعاج وقال/اعيد واخليك هنا لحالك؟.
ابتسمت وقالت/عشت شهور طويله لحالي ماوقفت على هاللحظة.
مهند/بس هاللحظة غير.. لو اخذتك راح تصير مصيبه ولو ماخذتك راح تحسين بالوحده والحزن انا ماقول هالكلام الا وانا متاكد من هالشي انتي حساسه.
ضربت كتفه بخفيف وقالت/انا قويه مافي شي راح يخليني ابكي وبعدين هذي السنه ماراح يعيدون معكم السنه الجايه كلنا راح نحتفل انا وانت وامنا وجدتي هالمره بس روح وعيد معاها لحالكم.
غمض عيونه وهو يدق برجله على الارض بخفيف ..
فتح عيونه وناظرها
ف قالت/الشباب بيروحون يعيدون مع اهاليهم حتى راشد رايح يعيد مع اصدقاءه وش ذنب عمتي ماتعيد بفرحه مثلهم؟لاتحرمها من هالشي وروح وانا راح انتظرك هنا.
بهاللحظة دخل باسل وهو يقول/راشد اتصل ويقول انتظرك تحت.
وقبل لايتكلم مهند معترض قامت زينب ومسكت يده وقومته.
سحبت الشنطه وهي ماسكه يده.
اطلعو من الشقه
شافت اكثر الطلاب طالعين ساحبين شنطهم وراهم
وليش لا بما انها عطله ماقبل الاختبارات النهائيه وخصوصا ان هالعطله باخر ايام شهر الفضيل رمضان حيث خصص عشر ايام
اجازه لطلاب والعمال والمدرسين
خمس ايام يصومون مع اهاليهم وخمس ايام يعيدون معهم.
لكن البعض فضل يبقى بالمدرسه والبعض بقى مغصوب لدراسته.
اما زينب فراح تبقى بالمدرسه .
اوقفت قدلم الشباب الي كل واحد ماسك شنطته
قال تركي ينزعاج/انا للحين ماني مرتاح اخليك لحالك بهالمكان.
لوحت بيدها وقالت بلا مبلاه/كأن فيه شي راح يصير.
فارس/مليت لك الثلاجه بالاكل انت بس طلع وسخن وكل ولما اقول مليت ف انا مليت لاكثر من12يوم كل الحلا والاكل الي تحبه والصحي سويته.
زينب وهي تبتسم/ايوه كذا ماراح اشتاق لك.
ابتسم وهو يضيق عيونه بسخريه.
باسل/لا تطلع برا المدرسه.
زينب/اصلا ماقدر وراي كثير شغل بسويه.
فيصل/احسن شي.
كل واحد رايح لاهله
فارس رايح عشان فداء وفرات
خالد عشان اهله وسيدرا الي جت من شهر العسل
تركي عشان ماكينزي
وسامي مع اهله
احمد عشان جدته
باسل مع اهله وخطيبته رانسي
حمد مع اهله وجده
فيصل مع اخوانه وامه
رائد مع اهله
فهد مع اخوانه وجدته.
مهند ومع عمتي وجدتي والاقارب
راشد مع بليمير(بنت زينب بالتبني) واوسامي
وزينب....
ابتسمت لهم وناظرت مهند وقالت/لا اوصيك سلم لي عليهم.
ابعد نظره عنها بغضب متجاهلها.
الشباب ناظروا بعض لثواني بعدها
ابتسم فارس وهو يقرب ويضم خالد مودع
ونفس الشي مع الباقي
كل واحد ضم صديق عمره مودعين بعض.
باسل قال/ماراح اسامح اي احد مايجيب لي هديه.
زينب/ايوه بالضبط احسبوا لي حساب مع باسل.
فيصل/اذا تقصدون العيديه فانتم كبارين عليها.
زينب وباسل/مين قال لك اني كبير؟.
تجاهلوهم فقال تركي/انا بعد ساعه بتمشي الطياره.
رائد بستغراب/بتروح بالطياره مو بسيارتك؟.
امأ براسه وهو يقول/اي انا سهران من امس من الحماس وغير هذا ابي اوصل بسرعه.
رائد/مين بعد بيروح بطياره؟
حمد واحمد ارفعو ايديهم.
تركي/ممتاز يعني راح تجون معي
حمد/اي مالي مزاج اسوق لساعات طويله.
احمد/ومزاجي مايسمح.
زينب/انتبهو لنفسكم.
ناظروه وقالوا/هالكلام موجه لك.
ضحكت زينب وهي تهز براسها/اوكي.
وبهاللحظه جاء راشد ومعه اوسامي.
الشباب ناظروا بعض لثواني بعدها ابتسمو لبعض وكل واحد راح بطريق.
اوسامي بيوصل حمد واحمد وتركي للمطار وراشد بيوصل رائد وخالد وسامي وفارس ومهند
والباقي بيروح بسيارته.
زينب ابتسمت لفهد بتكلف مودعته وناظرت ظهر ذاك الشخص وهو يمشي مودعته بنظراتها.
ناظرت مهند الي كان واقف يرفض المشي معهم.
قربت وضمته بقوه خفيفه وهي تقول/سلم لي عليهم وبوس لي امنا وجدتي قول لهم اني مشتاقه لهم.
تنهد بقلة حيله وبادلها وقال/راح اغيب ست ايام راح اعيد معهم يوم واجي اكمل الباقي معك.
زينب/لا انت معي بكل الايام اما هي معاها بس هالايام ف عشان خلك معاها وانا راح انتظرك بهالمكان اول ماتدخل.
ابعدت عنه وكملت/راح تلقاني هنا واقفه.
ابتسم ابتسامه خفيفه وراح مع الشباب.
تنهدت بحزن طفيف ومشت بعد ماتاكدت انهم تعدو بوابة المدرسة.
المدرسة بعد ماكانت بالالف صارت ب300طالب متواجد.
و20معلم.
و6 عاملين.
حتى الامراء ومجلس الطلبه راحو.
وعبدالله وعبدالرحمن.
والمدير.
توجهت لسكن وهي تسحب اذيل الخيبه
كانت تتقطع من الداخل عشان جزء من هاللحظة
لكن.
ادخلت لشقة وسكرت الباب.
وقفت تناظر الصاله
والتلفزيون المقفل شاشته
والهدوء القاتل
ابدا
ابدا
ماتعودت تشوف هالشي
من قبل اول ماتدخل
ومنقبل لاتدخل
تسمع اصواتهم من ورا الباب
صوت ضحكات باسل وفيصل
وصراخ فارس المعصب من رائد
وصوت التلفزيون الي كان دايم شغال على فلم
لكن
هالمره
صمت...هدوء يحرك مشاعر كثيره بداخلها.
.
ضحكت بهدوء وهي تتوجه لغرفتها
وتتذكر اول هدف لها بهالمدرسه
والاول انها مستحيل تختلط باحد وانها وراح تكون منعزله عن الكل.
على مين تضحك؟
حتى يوم كانت صغيره مستحيل تحس بالوحده
قدامها جدتها وعمتها
ووراها سيدرا وفزاع ومهند وحمد
ويمينها صديقاتها
ويسارها اقاربها(الي تحبهم)
متى حست بالوحده؟
ولامره
لا
مره وحده.
وعشان كذا هي تكرهه هالاحساس.
اكثر احساس من بعد الخيانه ماتبي تجربه.
ادخلت الغرفه وقالت/الحين اقدر اسوي الي ابي.
رمت نفسها على السرير وغمضت عيونها مستعده لنوم
حاطه ببالها ان اول ماتقوم راح تسوي كل شي حتى تنسى هالشعور.
افضل طريقة للهروب من كل المشاكل والمشاعر
النوم.
وزينب سوت هالشي.
بعد ساعات طويله من النوم افتحت عيونها قامت وغسلت وجهها وفرشت اسنانها.
راحت لصاله واجلست على الكنب سحبت كنترول(ريموت) التلفزيون وبدت تقلب بالقنوات.
حست بالملل فقامت وتوجهت للمطبخ افتحت الثلاجه.
ابتسمت وهي تشوف حافظات الاكل معبيه الثلاجه.
لكن
سكرت الثلاجه.
وتوجهت للغرفه افتحت دولابها وسحب جاكيتها وقبعه صوفيه سودا.
بما ان فارس مو موجود راح تاخذها فرصه وتشري علبه ايسكريم بالفانيليه والشوكولاتها وتسهر على فلم.
ومستحيل تضيع هالفرصه.
..
تنهدت بنزعاج وفي فمها ملعقه الايسكريم وهي تقلب بالقنوات وتقول بهمس منزعج/ليه كل الافلام الي تنعرض حزينه.
طفت التلفزيون وحطت علبه بحجم كبير على الطاوله بجنب العلب الايسكريم الفاضيه وراحت للغرفه.
دخلت الغرفه وراحت على المكتب وسحبت الاب توب خاصتها وراحت لصاله وحطته على الطاوله وفتحته.
جلست تدور على فلم كوميدي او اكشن او رومنسي المهم مايكون فيه كأبه او حزن.
وما ان افتحت على فلم
حتى سكرته.
حست بالملل.
راحت للغرفه وفصخت(نزعت)ملابسها وهي تتوجه لدورة المياه مافي شي احسن من حمام دافي يشيل عنها الطاقه السلبيه.
وعشان كذا توجهت لداخل وفتحت صنبور الماء وخلته ينصب بداخل البانيوم
اطلعت من دورة المياه وهي عاريه لا يستر جسمها ولا اي شي.
تتوقعون انها راح تتوب من اول مره؟.
هه لا.
فهالمره هي متاكده ان الكل راح ف مستحيل يصيرره هالشي مره ثانيه.
سحبت منشفتها من الدولاب ورجعت لداخل الحمام.
البانيوم ما امتلى بالكامل لكن حطت رجلها بداخل البانيوم
قشعريره صغيره سرت بجسمها بعد ملامسة الماء الدافي.
ادخلت جسمها بالكامل.
وغمضت عيونها مستمتعه بذاك الدافى الي يغطيها.
هي تقريباً سوت كل شي.
لكن
ذاك الشعور لا زال موجود وبدل مايروح او يخف.
هو يزيد.
اجلست على الارض وسندت ظهرها وراسها على الجدار.
لا صراخ
ولا اصوات
وصمت قاتل.
وشعور يقتلها.
/متى اخلي العشر ايام تصير بكرا.
قالت وهي تضحك بخفيف.
/اهه هالشعور يذبحني.
قالت بنفسها وهي تغمض عيونها.
-
-
بعد ثمان ايام كانت جالسه بالغرفه
تحس بشتياق كبير
لكن مو لمهند
او فهد
لا
لذاك الشخص
اوكي هي تشتاق بعد لمهند بس تشتاق اكثر لذاك الشخص.
وبالاخير هو تمكن منها
وخلاها بهالحاله.
ناظرات ساعة الجدار ف شافتها على على ال7م
تنهدت ب احباط
الايام الي راحت كانت تمشي ببطى ووبطى شديد
ولانها لحالها ف مع مين راح تعيد؟
اول يوم بالعيد نامت
وثاني يوم اطلعت تتمشى
وثالث جالسه ونص اليوم نايمه. والحين
ماصدقت ان بقى يومين ويرجعون.
وافضل طريقة لقتل الوقت
النوم.
قامت من الارض ورمت نفسها على السرير
مغمضه عيونها.
لكن
افتحتهم بعد ماسمعت صوت الباب وهو يتفتح.
اقعدت بسرعه وهي تحط توقع واحد.
وعشان تتاكد
اقفزت من السرير للارض
واركضت لصاله.
اوقفت وهي تشوف خالد ومهند وفهد ورائد وباسل وتركي وحمد وسامي واحمد وباسل وفيصل يدخلون
تركي دخل وهو منزعج ويقول/ماخرني الا الطياره ف لاتصارخ علي.
احمد/انا ماقمت الا متاخر ف مالي ذنب.
مهند/على الاساس من ساعه موجودين مو هالوقت.
باسل/شوف مين يتكلم.
فارس ناظر زياد الي كان واقف ف قال ب ابتسامه/خلصت الحافظات؟.
واقف تركي بعتدال بعد مادخل شنطتهم ف ماله حيل يودي شنطته ومثل الباقي راح يخلون شنطهم بشقة خالد لين يرتاحون.
تركي/لا تفهم غلط انا ماجيت عشانك انا جيت مغصوب وتحت التهديد.
فيصل/ماقدرت اتحمل فراقك.
قال وهو يضحك.
رائد/حنا عيدنا مع اهلينا وباقي جزء العائله نسيناه بهالمكان.
مهند/وقررت اجزء العيد مع امنا ومعك.
فارس/راس الديك قال لنا نخليها مفاجأة وكلنا جينا براضينا.
ناظره مهند وقبل لا يتكلم وتبدا هوشه طويله
اضحكت زينب وهي تحط يدها على وجهها وتمشي لاتجاهه مهند.
ضمته بقوه
معبره عن فرحها الشديد والقوي
وسعادتها والي مستحيل توصفها الكلمات
هي تدري ان ضمتها له محرجه لكن اندفاعه بسبب السعاده ماخلا لها مجال تفكر.
بدالها وهو يبتسم ويقول/قلت لك مستحيل اخليك.
فارس صفق بيدينه وقال/لا خلونا نبدا بتجهيز عيدنا قبل تصير الساعه 12ونص وانا ببدا اسوي الاكل.
كلهم تناثرو بالمكان مستعدين يسون عيدهم الخاص.
ومع
زياد.
-
-
#الماضي ماقبل الحاظر
قصير بين160و161
بشره شاحبه.
عيون واسعه برموش كثيفه قصيره
ملامح هادئه
شعر ابيض ناعم كثيف طويل يغطي الرقبه.
عيون بلون غريب.
وصوت مايجي على الشكل ابدا.
صوت هادى ممزوج بالخشن.
شكل وصوت مايجون على بعض
.
واقف ويناظرني ب ابتسامه هادئه
قمت من الارض
/اخيراً.
قلت وانا اناظره
اختلطت مشاعري بين الفرح بشوفته شخصيا
وبين حماسي
وبين شكري له على كل الي سواه لي.
قاطع الصمت بقول/خلينا نرمي الرسميه على جنب انا متوتر ولا ادري وش اقول.
زينب بابتسامه بسيطه/مافي احد ملزوم يتوتر اكثر مني بس تدري حصل لي شرف اني عرفتك بهاللحظه.
وقبل لا يتكلم رن جوالها
/لحظة.
قالت له وهي تطلع جوالها.
كان اتصال من
فهد.
وهذا شي غريب نادر مايتصل عليها فهد.
واول مافتحت قال لها كلمتين
وسكر
هذي اول مره تسمعه بهالحاله
صوت هادي
لكن منزعج
لكن غاضب
لكن قلق
لكن توتر خفيف.
حست بهالمشاعر المختلطه
وهذا الي خلاها تعتذر من اهم شخص بهالمدرسه من بعد فهد.
/انا اسفه بس ضروري اروح والاكيد لنا لقاء ثاني.
بعدها اللتفت وركضت.
تنهد بنزعاج خفيف وهو يشوفها تبعد عنه.
وماحد قادر يغير حالتها الا شخص واحد.
فهد.
لكن اكثر ماكان يزعجه بطريقة غريبه
ذاك الشي الي لابسته.
كانت تركض
وبطريق رن جوال الخادم ف تنهدت بنزعاج وهي تطلع الجوال
لكن
بدل ماتدخل يدها بجيب البنطلون
دخلت يدها بجيب ذاك الجاكيت الكبير والواسع.
جاكيت الامير.
نست انها لابسته.
يدها كانت بداخل الجاكيت الطويل والواسع عليها ويدها بداخل جيب الجاكيت.
تحسست شي غريب بداخلها
شي ملمسه ناعم
ورقيق
وتركيب الجسم يشبه البطاقه
ابطئت بركضها شوي شوي شوي حتى اوقفت وهي تطلع البطاقه بلون ذهبي فاقع
بطاقة تعريف الطالب.
هي تجاهلت طريقة تصميم البطايه الانيقه ولونها الجميل وطريقة كتابة الحروف والكلمات
وهذا شي يختلف مع بطاقتهم العاديه الي لونها ابيض بخط عادي وحروف عاديه وتصميم اقل مايقال عنه عادي.
واضح التفرقه:).
"حتى بالبطاقة مدلعينهم"
قالت بنفسها.
توسعت عيونها بتفاجأ وهي تقرا اسم الكامل لذاك الامير والي كان الامير الاول.
آدم ابراهيم آل صنعاء.
فهد ابراهيم آل صنعاء.
..#زينب
ابتسمت بسخريه على نفسها
كيف مالاحظت؟
آدم اسم اول نبي واول مخلوق بشري
وهو الي يكمل مجموعه اسماء عائلته.
انا الحين فهمت سبب غضب فهد كل مانذكر فهمت ليه ينزعج كل مانذكرو الامراء
لكن
وش سبب انزعاج وغضب فهد من ادم؟
ادم اخو فهد الكبير.
مسكت هالاسئاة وحطيتهم بمكان في عقلي بما ان فهدي اتصل علي
تخوفني فكره ان فهد يكون بهالطريقه.
حطيت البطاقة بالجاكيت وكملت مشي.
دخلت السكن وعشان اختصر الوقت اخذت باب الطوارئ.
طلعت مفاتيح الباب ووقفت قدامه ودخلت مفتاحي.
دخلت الشقه
ولقيتهم كلهم جالسين
يناظروني
كنهم متوقعين حظوري
كنت اتنفس بسرعه بسبب ركضي
وش فيهم!
ليه يناظروني كذا -_-.
.
.
.
ومن هنا نوقف ونكمل بالبارت الجاي
اتمنى انه نال اعجابكم..
اعطوني تعليقاتكم وتوقعاتكم ولا تنسوا انكم سبب نجاح الروايه.
الانستقرامmarie.g0
وهبــي هبــي مــاري.
دمــتــم بــخــير
تعليقات
إرسال تعليق