السلام عليكم ورحمة الله وبركاته
.
.
مئه وسبعة واربعين بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[آدم]
.
.
"أؤمن أن ما أسعى إليه يسعى إليّ."
#أدم..♪
احمد ناظر زياد بستغراب من سؤاله
ف قال زياد/انت راح تناسب عائله سمعتها فخمه من الخارج لكن من الداخل تعرف وش يصير لهم؟.
ناظره زياد وكمل/ليلى متاكد انك تحبها؟.
اماء براسه بسرعه وهو يبتسم.
زياد/انا مستغرب وشلون كسبت قلب ليلى ..بدخل بالموضوع بسرعه .
زياد اخذ نفس خفيف وقال وهو يبعد نظره عنه/راح اسالك للمره الثانيه وش تعرف عن النازك؟.
لحظات فكر بينه وبين نفسها قبل ينطق اي حرف وبحذر شديد غاص بذكرياته يتذكر اقاويل اقاربه واهله عن النازك.
احمد/النازك عائله قديمة عريقه لهم تاريخ مشرف بخدمة الملوك السابقين قبل 600او700سنه.
زياد/وغير هذا.
احمد/اقتصاد النازك ينافس اقتصاد الحكومات.
زياد ناظر احمد وقال وهو يقرب لوجهه احمد ويهمس بهمسات خفيفه/احمد انت تدري انا وش اقصد الاشاعات الي سمعتها عن النازك.
احمد تفاجأ من زياد القريب لوجهه وبسرعه ابعد وهو يقول/انا ماصدق الاشاعات.
ابعد زياد وهو يبتسم
ردة فعل احمد
وتوتره
ضحكها.
زياد/مافي احد يسمعك ولا حتى مهند وتذكر الي راح اقوله الحين هذا لمصلحة حياتك ومستقبلك ف عشان كذا قول لي الاشاعات الي سمعتها.
احمد ناظر زياد لثواني متردد بينه وبين نفسه
هو مادري اذا كان هالشي الي راح يقوله صحيح او لا
لكن
بما ان زياد
فكل شي بخير.
اخذ نفس وقال وهو يزفره/سمعت انهم وحوش.
زياد/كيف؟.
احمد/انهم يعلمون اطفالهم اشياء غريبة ماحد ذكر ايش بالضبط بس سمعت انهم مايفرقون بين الذكر والانثى ويتم تعليمهم بنفس المستوى القاسي و.
لحظات حتى قال/سمعت انهم مايتبعون اي قوانين للبلد هم يتيعون قوانينهم الخاصه حتى من ناحيه التوريث او المعيشه .
زياد كان يسمع كل حرف ينطقه احمد وبعد مانتهى من كلامه ابتسم زياد حتى بدا يضحك بخفيف ناظره زياد وقال/كل كلامك صحيح مافي اي اشاعه ومثل ماقلت اقتصادهم ينافس الحكومات لا مو بس الحكومات حتى البلدان تدري ليه؟.
هز براسه بالرفض ف قال زياد/اصغر طفل بالنازك يمتلك حساب مصرفي وبداخله 6مليون ويملك اربع عقارات.
زياد اسند ظهره على الكرسي وكمل/اول ماتعرف بنت النازك انها حامل باول يوم يفتحون له حساب بالبنك ويحطون مبلغ ويملكونه عقارات ويفتحون له مشروع ويوظفون شخص من نفس العائله يدير ثروته وبعد مايبلغ الطفل سبع سنوات يدرسونه كيفيه التعامل مع ثروته وكيف يزيدها الين يبلغ سن ال18 ويسلمون له ثروته وهو يحدد مصيره اما انه يكسب الكثير من ثروته او يخسرها بالكامل ويعيش حياة اقل من عائلته ولاحد من امه او ابوه لهم دخل فيه لو مثلا خسر راح يتركونه بخسارته الين يبني نفسه من نفسه.
زياد ناظر احمد وقال/وليه يمسونهم بالوحوش.
كمل بعد ماسكت لثواني/قبل 8 سنوات انتشر خبر ان وحده من بنات النازك الي تعاني من جنون وصغر عقلها شافت زوجها وصديقتها على سريرها يخونها ف قتلته بطريقه بشعه وعذبت صديقتها حتى عانت من عاهات مستديمه وحكمت المحكمه بالبراءة لصالح المجنونه من النازك وتعويضات ماليه ضخمه لها.
احمد/اي اتذكر هالخبر حتى الغرب سمعوا بالحادثه وبسبب هالشي الناس اخذوها فرصه بنميمه العائلة المثاليه الي ماكان فيها ولا نقطه سوداء بتاريخهم.
زياد/ورغم ان هذي النقطه السوداء بحياتهم الا ان فيه حقيقه ماحد يعرفها.
ناظره زياد وهو يبتسم/مارين النازك كانت بكامل عقلها ووعيها وقتلت زوجها وهي واعيه وعذبت صديقاتها لدرجه الاستدامه وهي واعيه لكن الي يقشعر اكثر.
قرب زياد ومال براسه وهمس باذانه/كل من في العائله النازك قاتلين وحوش عديمين الرحمه يعلمون اطالفهم من سن 3 على قتل ابويه المقدسين بالحياه ويدربونه حتى يشبه وحش كاسر عديم الرحمه والشفقه يشتاق لويحة الدم ويترقب خيانه الشخص ليتلذذ بطعم دمه وريحة لحمه الطريه وليلى نفسهم.
كل حرف وكل كلمه وكل نفس يلمس جلده ارتجف جسمه بالكامل ومن صدمته
تراجع لورا بعيون ترتعش بصدمه حتى طاح هو والكرسي و
يناظر عيونه
ارتجفت اصابعه وهو يشوف عيون زياد البريئة
غريبه
ومخيفه بشكل اغرب.
لحظات حتى
ضحك زياد وهو يشوف احمد بردة فعله
زياد/انا امزح قوم.
ثواني حتى استوعب الي صار
بلع ريقه وهو يقوم ويوقف كرسيه
فكرة ان ليلى حبيبته البريئه الجميله واللطيفه لها شخصيه اضافيه ك وحش مرعب كاسر عديم الرحمه
خلته يخاف وينعصر قلبه
مايقدر يتخيل حبيبته بهالشكل.
تنهد وهو يجلس بجنب زياد ويناظره.
زياد/انا بالغت شوي لكن هذا مايعني ان كلامي كله خطا.
كانت تشوف ردة فعله وبكل لحظه تنتظره يعطي اي ردة فعل يرفض ليلى.
زياد/احمد اطفال النازك يتعلمون كيف يقتلون اهاليهم لكن يقتلون الخائن ان كانت امه او ابوه ومارين النازك المشهوره بالمجنونه المختله كانت واعيه بالكامل قتلت زوجها لانه خانها وهذا مصير كل خائن كل من يخون قلب نازكي راح يتلقى مصيره القاسي ليلى لو اكتشفت انك تخونها حتى لو فكرت بهالشي راح يكون مصيرك الموت والنازك عائله قويه حتى القانون مستحيل يوقف بوجهه النازك و.
زياد/راح تفقد احد حقوق الشرعيه والي هو"الزواج باكثر من واحده"ان كنت تفكر تتزوج على ليلى مو بس انت الي راح تموت اهلك راح يعانون وهذا يعتمد على طريقه ليلى بكيف راح تتعامل معهم بوقت كتب الكتاب وبعد مايروح المملك راح ينحط قدامك كتاب بجلد فهد واوراقها سوداويه بحروف ذهبيه باطراف مزخرفه بالاحمر راح تتعهد وتقبل شروط النازك وراح توقع ب.
ناظرته/بدمك .
ابعدت نظرها عنه وقالت/تعرف وش معنى توقيع بالدم؟.
اضحكت بخفيف وهي تشوف ردة فعله.
تنهدت ف قالت/يعني وقعت بروحك وحياتك.
زياد مكمل/اطفالك ونسلك راح يخضعون لتدريبات من سن3 الى سن18 وراح يصيرو وحوش بهئة بشر وراح ينهون حياتك او حياة ليلى لو اكتشفوا خيانه واحد منكم انا استعبد ليلى بخيانتها وليه؟لانها تعلمت الحب والوفاء من سن4سنوات ومستحيل ومستحيلات تفكر تخون شخص وقعت بحبه ليلى قويه لدرجه انها تنافسني بالقوه ولو شخص خان قلب النازك انت وحظك ممكن ينهي حياتك ويترك اهلك وممكن ينهي حياتك ويدمرحياة اهلك ومن معرفتي بليلى هي شخص راح تنهي حياتك وتنسف اهلك النازك مايكتفون بحب القلب لا هم يحبون بكل مايملكون راح يفدون دمهم وارواحهم وحياتهم وقلوبهم لشخص الي تربع على عرش قلب النازكي.
زفر زياد نفس وقال/المعلومات والقوانين الي قلتها لك لو احد من النازك عرف اني قلتها لك وانت مو واحد منهم راح يعدموني وينهون نسلي وراح ينهون حياتك معي واهلك راح يتدمرون لو سربت اي معلومه قلتها لك وليه والسبب الي خاطرت بحياتي وقلت لك عنهم.
/اخر شي اتمناه اشوف اشخاص احبهم واحد منهم ينهي حياة الثاني.
قال زياد وهو يبعد نظره عن احمد.
زياد/انا اعطيك فرصه تهرب من النازك وتعيش حياة طبيعيه انت وش رايك؟.
لحظات
ثواني
دقايق
نصف ساعه
مرة وهو ساكت
يفكر بعمق وهدوء.
اخذ نفس وهو يبتسم ويوقف
ناظر زياد الي كان يناظره
/ان كانت وحش او كانت الليفه او كانوا النازك يدربونهم على القتل او اي شي او حتى لو قتلوني اولادي بسبب خيانتي ل امهم او العكس ولو وقعت بدمي او حتى بدموعي.
/الشي الي متاكد منه اني احب ليلى ومستحيل اخونها وراح احميها بدمي وروحي وحياتي وانا موافق على كل شي بس اني اعيش معاها تحت سقف واحد ولا تحاول تقنعني اني اتركها يمكن تغار لاني باخذ اختك منك لكن هيهات ليلى لي بالكامل.
زياد/ليه اخدت وقت تفكر؟.
احمد/لا تحاول حتى تطلعني خايف منها انا كنت افكر باسم اول ولد لي منها.
ضحك زياد ف قال احمد بخجل/لاتضحك.
بنزعاج خفيف وخجل قال وهو يمشي يطلع من الفصل/اصلا انت غيران مني لاني باخذها لا تحلم اني بخليها.
زياد وهو يضحك/اوكيه .
سكر باب الفصل بقوه تحت ضحكات زياد.
اختفت ضحكات زينب وتنهدت بتعب
سحيت جوالها من تحت الطاوله
ورفعته
وقالت/الحين ارتحتي؟.
كانت ليلى تسمع كل محادثاتهم قلبها كان ينبض بخوف ويرتعش كل مافكرت انه مايحبها او يستغلها لكن
كل شي اختفى
بعد ماسمعت كلامه حست بدموعها تطيح
فرحة وسعاده ونبضات قلبها السريعه
صرخت بداخلها من الفرحه
لان حب حياتها يحبها.
ليلى/ماكنت متوقعه راح يوافق مع كل هذا وليه طلعتيني وحش كاسر عديم الرحمه انا اروقى من كذا.
ابتسمت زينب/هذي الحقيقه.
ليلى تنهدت وهي تقول بتأنيب ضمير/انا رحيمه لكن ذاك اليوم ماعرفت وش اسوي ماكان عندي اي حل الا اني اوقفك بطعنه.
اراحت زينب جسمها على الكرسي وهي تحط رجل على رجل/انا ادري لو ماوقفتني ذاك اليوم كنت راح اقتلها بيدي انا ما اللومك وبالعكس انا ممنونه لك وك رد لمعروفك خليت احمد يعترف لك.
تنهدت زينب وهي تقول بعد ماشافت رد من ليلى/صدقيني انا مازعلت ولا راح ولا كانت عندي فكره اني ازعل عليك وغير هذا هالشي صار قبل 11 سنه لو ماوقفتني كنت راح.
ناظرت زينب الدريشه بشرود تتذكر.
صراخ
بكاء
دموع
دم
وصوت ضحك بجنون.
غمضت عيونها وهي تتذكر ذاك اليوم المشؤم.
#بـعـد سـاعـتـيـن.
كانت واقفه تناظر علي وسطام واقفين قدامها بمكان بعيد عن الطلاب
طلبوا زياد عن طريق جوال الخادم الي يحمله زياد معه
بعد كل هالمشاكل الي تسببوا فيها له ماعاد صار عندهم القوه يكملون وخصوصا بعد ماصار بالمدير والمدرس.
تخلوا عن زياره اهاليهم وزياده بالاعمال السنويه وزياده الدرجات.
راح يتقبلون العقاب الي راح ياخذونه من زياد
وراح يقبلون العقاب من ادم
لكن المهم انهم يتخصلون من العواقب الجايه و
تانيب الضمير والاهم والمهم
نظرات مهند اليوم افزعتهم وبسبب نظراته
افهموا انهم انكشفوا.
تنهد علي وهو يقول/انا اسف.
زياد/ليه وش سويتوا؟.
سطام/كل الحوادث الي مريت فيها حنا بسببنا.
زياد/اهاهه تقصدون الي رما الكتبي وشنطتي بالبحيره انتم؟.
امأو بسرعه
زياد/والي رسم على سبوره الفصل &#-@ وكلمات غير اخلاقيه انتم؟.
بنزعاج اماو بسرعه
زياد/والي قص ملابسي الرياضيه انتم؟.
تنهدو
زياد/والي شال طاولتي والكرسي ورماهم باخر مكان بالمدرسه انتم؟.
سطام قال بنزعاج/والي لصق الصمغ بكرسيك والي طاح دلو الماء على الاستاذ والي حط الصراصير وغيره وغيره وكل شي صار لك بخلال هالاسبوع كله منا حنا.
وكمل وهو يتنهد/وعشان كذا حنا اسفين.
علي/راح نتفهم لو ضربتنا او صرخت علينا او فضحتنا.
زياد/وش سويت لكم عشان تتنمرون علي؟.
علي شبك اصابعه ببعض وباحراج/انا اسف لكن الشيطان اغرانا بوضعنا الدراسي الفاشل.
سطام/حنا ضحايا مثلك.
/مين الشيطان؟.
قال زياد وهو يناظرهم.
/آدم.
قال علي وسطام وهم ينزلون روسهم بخجل من نظرات زياد.
نظرات زياد خائبة.
-اذا ماخانتني الذاكره آدم امير لمدرسة ومن عائلة آل صنعاء واحتمال كبير اخ فهد الكبير.
لامست اكتاف زينب وهي تتكى بجسمها النحيل عليها وتهمس بضحكه صغيره خبيثه-خليني اللعب معه.
تنهد زياد وهو يمشي ويقول/دامكم اعتذرتوا راح اسامحكم لكن.
وقف وناظرهم ب ابتسامه/ان ازعجتوني المره الثانيه راح اتاكد باني اخليكم تعانون لفتره طويله.
ابعدت زينب عن سطام وعلي
وهي تتنهد بنزعاج
كانت متوقعه ان احد من منافسين آوسي حاولوا يزعجونها بما انها كانت هي الي انهت دراسته بهالمكان.
لكن امير الاول للمدرسة؟
غريب.
/ندبه جميلة.
قالت زينب وهي تمشي متجهه للامير.
ان تجاهلته راح يواصل ازعاجها وراح يرسل الضعيفين مثل سطام وعلي عشان يزعجونها.
/وش رايك؟.
قالت زينب وهي تمشي بجنبها زين.
-انتبهي على الملابس والقفازات.
قالت زين وهي تمشي بجنبها.
وقفت وناظرت احد الطلاب الي كانوا يمشون
استغربوا من نظرات الخادم ف وقفوا وناظروه
ثواني حتى ابتسم زياد وقال/وين اللقى آدم؟.
رفع اكتافه ونزلها بمعنى"مادري".
فقال الي جنبه/مادري اذا هالشي راح يفيدك لكن شفت الامير الثاني متوجهه للبحيره.
ابتسم زياد وشكره ومشى للبحيره.
وبنفس الوقت
ياسر ومشعل وعبدالرحمن وسامي يمشون بانحاء المدرسه يرفهون عن نفسهم من اشغال المجلس
وك جائزه من ياسر لهم لانهم انهوا مسألة أوسي بيوم عزمهم على مطعم وبعد ماخلصوا راحو تمشوا بانحاءهم مدرستهم.
ولان فيصل كانت اجازته اليوم قرر يعزمه لحاله.
ب هاللحظة شافوا زياد يمشي قدامهم وعن بعد ستين خطوه ومن بين الطلاب.
سامي ومشعل نادوه لكن ماسمع
عبدالرحمن ناداها لكن مامن مجيب.
استغربو من تجاهله لهم
طلع سامي جواله يتصل عليه
شافوه وهو يرفع جواله ويسكر الخط!.
انزعج سامي ف قال ياسر/انا راح اتصل عليه.
عقدوا حواجبهم بستغراب وهم يشوفونه يرجع جواله لجيبه.
ويمشي بتعابير مرتاحه.
وينفس اللحظه اوسامي ومع ثلاثه من العاملين يمشون لمسكنهم يرتاحون
اوسامي لاحظ زياد يمشي بتعابير غريبه ف ناداه لكن ما استجاب وعشان كذا مشى وراه يحاول يوصل له مع العاملين الي سحبهم اوسامي معه.
بعد ما مشوا وراه استغرب عبدالرحمن ومشعل
وتفاجأ ياسر وسامي واوسامي ب زياد يوقف قدام الاميرين
ادم ورعد!.
كانت تدور بعيونها على اغرب شخص واكثرهم طول حتى شافت رعد وذاك الشخص يجلس بجنبه ويتكلمون.
تنهدت زينب ب احباط وهي تشوف رعد جالس بجنبه
ماكانت تبيه يصير معه على الاقل لين تخلص من شغلها مع ذاك الشخص البغيض.
وقفت ورا رعد وادم
رعد قطع كلامه مع ادم بعد مانبض قلبه من ذاك العطر الي شمه
ماحد بالعالم يحطه غيره
عطر مختلط بين الزنبق والعود.
رفع راسه وشافه واقفه ورا ادم
وبنفس اللحظه اللتفتت ادم لورا بعد ماحس بشخص وراه.
زينب توسعت عيونها
وبلعت ريقها
ونبض قلبها
وهي تشوف ذاك الشخص بملامح خارقه الجمال
وعيونه الواسعة بلون عيون ابوه الرماديه وكثافه روموشه الطويله وبشرته الشاحبه وفكة الحاد وشامته الي تحت بجنب عينه وملامح الحاده وشعره المختلط بين الاسود والبني الكثيف على عكس اخوانه واخواته الي شعرهم اشقر .
كان خليط بين جمال العرب وجمال الغرب.
جينات امه وابوه متساوين.
والاهم من كل هذا
جمال ذاك الشي
الي خطف انفاسها ونبض قلبها له
ندبته.
بلعت ريقها زينب وهي تضرب نفسها من الداخل.
رفرفر قلبها واوجعها بطنها وهي تشوف ابتسامته.
مو عشانه
لا
عشان ابتسامته
كانت تشبه
ابتسامة فهد لكن
ابتسامة لشخص بالغ.
همهمت بداخلها وهي ترفع راسها مع وقوف ادم واستقامة .
"متر ونص؟
ولا مترين واربع ونص؟."
سالت زينب بنفسها وهي تناظره
وبسرعه
ابعدت عيونها بخجل وهي تشوف نظرته الغريبه
"امسكي نفسك لا تدخلين اصابعك بعيونه هذا امير والاهم هذا اخ زوجك بالمستقبل".
ناظرت زينب رعد الي كان قاعد ويناظرها بغرابة!!.
ابتسمت زينب وقالت/رعد من زمان ماشفتك.
لحظات حتى ابتسم وقال/ليه انت هنا؟.
/جاي عشاني.
قال ادم وهو يحاوط كتف زياد ويناظر رعد ب ابتسامة.
زينب/انا راح احتاج اتكلم مع الامير الاول لدقايق ممكن اخذه منك؟.
قالت وهي تناظر رعد وبداخلها ماسكه نفسها من انها تلف يد ادم وترميه بالبحيره.
وقبل يتكلم رعد قال ادم/اكيد راح يوافق.
/وليه ماراح يوافق؟.
كمل وهو يناظر رعد ب ابتسامة.
زياد رما يد ادم وناظره ب ابتسامه/ممكن لحظات من وقتك ي امير؟.
مشى الامير وزياد ل بداية الغابة
تحت انظار اعضاء المجلس و
اوسامي.
قلة من الطلاب والعمال متواجدين بنهاية البحيره وبداية الغابة
القلة منهم ناظروا زياد وادم وهم واقفين يتكلمون ب
بطريقة غريبه!.
حيث ان زياد مستند على الجدار وقدامه ادم.
سامي بنفسه حط يده على قلبه من انها تسوي شي تندم عليه.
وياسر ضل واقف بمكانه يراقب الي راح يصير بترقب.
/سمعت ان الامراء يترشحون باسباب كثيره ومنها اخلاقهم لكن غريب انت اخلاقك متدنيه.
قال زياد وهو يناظر ادم ب ابتسامة.
/لسانك بطولي.
قال وهو ادم وهو يناظره.
ابتسم زياد بسخريه
"تحملي هذا اخ زوجك بالمستقبل وعم اولادك تحملي تحملي."
/اخر شي اتوقعه من امير يزعج طالب مسكين .
قال زياد.
/كبريائي ماتسمح لي اجيك ف عشان كذا جبتك لعندي.
قال ادم وهو يناظر زياد ب ابتسامة خفيفه.
/والحين.
نزل من نفسه لطوله وقال وهو يحط ايديه حاجز.
زياد/وقف عن تصرفاتك الطفوليه.
ابتسم زياد وهو يسحب ياقة ادم
يقربه لوجهه ويهمس
/انا ماطلبك انا أمرك.
للحظات تفاجأ آدم من جرأته ف مين راح يتجراء ويسحب ياقة امير مدرسه الاولى؟.
زياد بقوته الجسديه الضعيفه وش راح يقدر يسوي؟ مقارنه بضخامه وحجم ادم عنده.
وهذا زاد من تعلق ادم لزياد.
ادم/تبيني اوقف؟
امأ زياد
ادم/تبيني اخليهم لحالهم؟.
امأ زياد.
ادم/تبيني مارسل احد عليك؟.
اما زياد.
ادم نزل اكثر لمستواه وقال وهو يهمس ب ضحكة خبيثه/بشرط انك.
قرب لاذنه وهمس بذيك الكلمات الي خلت زياد تتوسع عيونه ويقشعر جسمه بصدمة
كبيرة.
ابعد عن اذنه وناظره وهو يبتسم بعد مانطق بذيك الكلمات.
ظل على ابتسامته وهو يترقب ردة فعل زياد او تعابيره لكن
عقد حواجب وهو مبتسم بعد ماشاف شفايف زياد تنطق بشي.
ماسمعه ف قال/وش قلت؟.
زياد رفع عيونه لادم وتكلم بهمسات خفيفه.
قرب ادم اكثر وهو يحاول يسمعه متوقع انه خجل من كلماته لكن
لكن
/ضربه الف عام من الالم.
توسعت عيونه وهو يشوف زياد يبتسم وينطق بذيك الكلمات
وقبل لا يستوعب ويفهم كلماته.
زياد وبقوه رفع رجله وضربه ما
بين
رجلينه.
وقبل لايعطيه فرصه يصرخ من الالم الي هاجمه
بقبضه قويه توجهت لخد ادم ف طاح على الارض
يحاول يمسك اهاته ويكتم صوته.
تحت انظار المجلس
تحت انظار الطلاب
تحت انظار اوسامي.
تحت نظر سامي ورعد.
سامي ومشعل وعبدالرحمن ناظروا مشعل بصدمة وهم يسمعونه يضحك باستمتاع.
تنهد زياد وهو ينفض يدينه ويمشي/كنت ماسك نفسي لانك اخ فهد لكن.
بنظرات حاده ناظر كمل/تستاهل الضرب حتى الموت.
ادم كان ساند نفسه على الشجره متالم ويحاول يتحكم بنفسه ولا يصرخ.
بللحظه باغته وهجم عليه
ارخى دفاعته بسبب حجمه الصغير الي ماكان متوقع يبهاجمه.
/احذفوا لقطات الي صار واذا احد سالكم ليه مافي لقطات قولوا ان الكاميرا عطلانه.
قال ياسر وهو يبتسم.
تنهد مشعل وهو يدور ويقول/انا ادري ان الوضع عجبك.
سامي بقلق ناظر ياسر وقال/وش راح يصير بزياد؟.
ياسر/راح نعطيه جائزة ونبني له تمثال.
سامي بتوتر وقلق/ياسر هذا آدم زياد ضرب آدم.
ياسر اللتفت وقال/ان ماتكلم آدم بنفسه لا نتدخل و.
ناظره/خلي بعض الممرضين يجون يشوفون صحته.
.
.
.
ومن هنا نوقف ونكمل بالفصل الجاي
اتمنى انه نال اعجابكم.
تدرون أدم اجمل شخص برواية بعد رعد وحمد وشهاب🌝❤.
رايكم بالفصل والسبب.🌝
انتظرونيي🔥♥️
اعطوني تعليقاتكم وتوقعاتكم
ولا تنسوا انكم سبب نجاح الروايه.
الانستقرامmarie.g0
وهبــي هبــي مــاري
تعليقات
إرسال تعليق