السلام عليكم ورحمة الله وبركاته
.
.
مئه واربع واربعين بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[بداية الازعاج..قانون الاورباد.]
.
.
"إنما خلق اللهُ الخلافات لتعرفوا بها قدركم عند الناس."
مرت خمس ايام
مهند وفيصل وسامي سحبوني للمستشفى المدرسه تحت التهديد
ظليت بالمستشفى 3ساعات حتى نظفوا راسي من بقايا القزاز المكسور وبقايا القهوه وخيطوا راسي ثلاث غرز وبعد مانظف يدي المجروحه وخيطها بخمس غرز حذرني من اني استعمل يدي لشهرين.
بعد مارجعت انحطيت تحت التحقيق من الشباب و
ياسر
والمدير.
وبعدها بيومين رجع راشد بعد ماسمع بالخبر جاء وبسرعه زارني بالسكن وهو مفزوع.
وبعدها اعطني محاظره لست ساعات وفعلياً كانت ست ساعات.
وبعد ماتاكد من سلامتي رجع سافر لايسلندا ليعلم بلمير.
وهذا غير محاظرات فارس و زعله
وفعلياً هو زعل علي ورفض يسوي لي اكل
وهالشي كان اشبه بالموت.
كنت متعلقه فيه كأني علكه لصقت بشعر طويل وين مايروح اروح معه
وين مايدخل ادخل معه
حتى اني اتذكر انه دخل دوره المياه وكنت راح ادخل معه.
لصقت فيه ليوم كامل حتى أخيراً سامحني.
وبعدها
دور ياسر بالمحاضرات لكن كان هو اقل وقت بمحاضراته الي كانت ثلاث ساعات
ولو عبدالرحمن كان راح يكمل ليوم الثاني.
اول ماطلبني ياسر توقعت اني بشوفه مكتئب وحزين ومتألم.
لكن تفاجأت وانا اشوفه يصرخ على اعضاء النادي ويامرهم هنا وهناك
ويوم سالته بطريقه غير مباشره مثل
"ليه انت مشغول؟"
للحظات مافهم قصدي
لكن بعدها قال وهو يشرب من الشاي بهدوء
"لو كنت راح احزن على كل شي يمر بحياتي متى راح اللقى الوقت الي اشوف حياتي واشغالها؟.".
كلامه صحيح لكن مع ذلك
لو كنت مكانه راح انغمس بالحزن.
فكرت للحظات ان ياسر ماعنده الوقت للحزن وانه شخص اشبه بعديم المشاعر
لكن
"انا حزنت وتدمرت بنفس اللحظه الي عرفت فيها الحقيقه ".
قال لي وهو يقوم.
بالاخير تألم.
وهذه انا جالسه مع فهد ومهند والباقي على طاوله الاكل
واول ماجلس فارس كل واحد مسك ملعقته وصحنه وبدا يحط من الي يشتهي.
واصعب مرحله بيد مجروحه
اني احط اكل لصحني.
حاولت امسك ملعقه الشوربه
كانت شوربة بيضاء بدجاج مقطع مع بطاطس مقطع وبقدونس وكزبره.
ريحه لحالها تناديك من على خمسين قدم.
ولاني معهم انا تحت التهديد لو استعملت يدي المجروحه.
سحب فارس صحني والملعقه من يدي وحط لي من الشوربه وحطها قدامي واخذ ثلاث صحون صغار واملاها بالسلطه ولحم مشوي وشوربة بداخلها قطع كرش الخروف.
/اول مره اسوي شوربه كرش سمعت ان لها فوايد كثيره.
قال وهو يحط الشوربه قدامي.
هذا هو فارسي.
سامي/انا احس بالغيره.
قال وهو يناظر فارس بوجهه منزعج.
ابتسم فارس وهو يسحب صحن سامي.
/اههخ راسي يوجعني ماقدر احط لي.
قال باسل وهو
يرجع الاكل الي حطه لصحن الرئيسي:).
ضحك فارس وهو يحط الصحن قدام سامي ويأخذ صحن باسل
خالد/عيوني ماشوف فيهم زين ماقدر احط اكل.
توقعتها من الكل الا خالد
صدمه.
وصار الكل يتوجع على الطاوله
وانتهى هالشي ب ان فارس يحط لهم اكل.
وجاء دور مهند الي كان يناظر فارس بلا مباله
انقلبت عيون فارس اللامعه لعيون بارده وهو يرمى الملعقه على الطاوله متجاهل مهند الي أظهر صوت منزعج.
هذولي الاثنين لا صارو لحالهم وش راح يصير!.
تجاهلت الاثنين وانا آهم بالاكل
دقايق
حتى قال باسل بتعجب/انت تقدر تاكل باليسار بسهوله.
/حتى اقدر اكتب وارسم واقاتل واسوي اشياء ثانيه مثل يدي اليمين بكل سهوله.
قلت وانا أوقف عن الاكل واناظره.
باسل/محظوظ انا حتى لو مسكت ملعقه باليسار راح ترتجف يدي وتطيح الملعقه.
تركي/انا اعرف اكل باليسار بس ماعرف ارسم.
حمد/غريبه تعرف كل هذا.
أشرت على مهند/مو بس انا حتى مهند مثلي.
فهد/وش السبب.
ابتسمت وانا اقول/ لو انقطعت يدنا نستعمل الثانيه بديله للاوله.
وعم الصمت بالارجاء
كأنهم تفاجاو بالجواب.
يضحكني لاعرفت انهم مايدرون وش تسوي النازك لتعليم اطالفهم
هذي بس البدايه.
هه.
-
-
#مجلس الطلبة.
كان لاف يدينه على صدره وساند ظهره على كرسيه المريحه بحواجب معقوده وبانزعاج قال/لا.
تنهد عبدالرحمن بتعب وهو يقول/ياسر لا تصير عنيد هذه اوامرهم.
/لا.
قال ياسر وهو بنفس وضعيته.
مشعل قال وهو يمد القلم لياسر/خلينا نطلع من الثانوي وحنا مرتاحين.
ناظره ياسر بحده وهو ياخذ القلم ويرميه/قلت لا.
تنهد عبدالرحمن وهو يطلع قلم من جيبه ويقول/ياسر وقع وخلينا نرتاح منهم.
ياسر مسك القلم ورماه وهو يقول/قلت مابغى.
مشعل تنهد وهو يطلع قلم من جيبه يعطيه ويقول/ماراح تقدر تعاندهم.
ياسر/خليه يحترق حتى الموت.
قال وهو يرمى القلم الي اخذه من مشعل.
عبدالرحمن بتعب طلع قلم وقال/اذا ماتبيه يزورك بالمجلس وقع.
سحب القلم ورماه وباللحظه انفتح الباب واول ماشافت القلم يتجه نحوها سكرت الباب بسرعه
افتحت الباب بحذر وهي تناظرهم بستغراب.
زادت تعقيد ياسر لحواجبه وهو يشوف "المشاكل نفسها"تدخل ف قال بغضب وهو يرمي القلم الي عطاه مشعل/اطلع برا.
ضحك زياد وهو يتفادى القلم.
جلس على الكرسي قدام ياسر الي كان منزعج
ناظرت عبدالرحمن بتسأل ف قال/امراء المدرسه يبون تخرج خاص فيهم وهم الي راح يختارون ديكور والمكان.
ناظرت ياسر وقالت/طيب ليه منزعج هم وفروا عليك مجهود.
ياسر/لو كان هم الي راح يدفعون ماقلت شي.
زياد ناظر مشعل ف قال مشعل/طالبين 140الف لحفل تخرجهم.
ضحك عبدالرحمن على شكل زياد المصدوم.
ياسر/تكاليف تخرج دفعه ثالث 90 الف وهذا بكل وقاحه يطلب فوق السعر؟يحسب المدرسه بيت ابوه.
زياد بشهقه/يعني راح تدفع المدرسه 230الف.
ضرب الطاوله برجله وهو يقول بغضب/كأني راح اسمح بهالشي.
زياد/ماتوقعت رعد والملك يطلعون طماعين.
ياسر/لارعد ولا شهاب ولا اعدام راح يطلبون هالشي لكن ذاك الثعلب الحقير هو الي طالب ب هالشي.
وكمل وهو يبتسم بغضب/يتوقع ب هالطريقه راح يخلي حياتي صعبه ههه ذاك ال#@&=-@ مستحيل اسوي الي يبيه.
وبدا الجدال بين مشعل الي يحاول يقنع ياسر يوافق وياسر الي رافض.
/اليوم جاء منتج جديد تبي تجربه؟.
قال عبدالرحمن لزياد.
زياد تجاهل جدال ياسر ومشعل وناظر عبدالرحمن بابتسامه.
بعد ماشافته يروح ناظرت ياسر بعدها مشعل
قلبت عيونها بملل من ازعاجهم ف
لفت انتباهها كاس ابيض فيه ثلج وليمون مقطع دواير ونعناع وثلاث طبقات من شي يشبه العصير
الطبقه الارضيه ازرق
الطبقه الثانيه زهري
الطبقه الاولى اخضر.
مزينه على حافتها فراوله وفوق الثلج قطع توت احمر.
بلعت ريقها من منظرها الجذاب
ناظرت ياسر ف شافته يناظر مشعل ويتكلم معه بنزعاج.
وبنفسها"شتمته" كيف قدر يتجاهل هالجمال ولا يتذوقه!.
وبما انه تجاهل هالجمال ماله اي حق يطالب فيه.
وبهدوء مدت يدها لذاك الكاس المغري ومسكته
وسحبته بهدوء
لكن
تفاجأت بيد ياسر يمسك يدها.
ارفعت نظرها وهي تبتسم ببراءه
/ان كنت تبي تموت اشربه.
قال ياسر وهو يضغط على يدها.
/لا تصير بخيل انت تجاهلت هالجمال.
قالت زينب وهي تبعد يدها منزعجه.
ياسر/ماقصد هالشي.
قال وهو يسمك الكاس المغري
ناظرته زينب بتعجب ف قال/الكاس جاني هديه من ذاك الثعلب الحقير.
وبعد مانهى كلامه
كب العصير المغري بداخل آناء الزهور الي كانت على طاولته.
توسعت عيونها وهي تشوف الزهور تذبل وتجف وتتساقط اوراقها.
رفعت نظرها لياسر وهي مصدومه ف شافته يضحك وهو يقول/اهه هذا رده لي كم نوع سم حطه بالمشروب.
ناظرت مشعل بعيونه مصدومه لكن
شافته غير مهتم
كأنه تعود على هالشي.
/شكلي راح ارسل له قنبله.
قال ياسر بتفكير وهو يتعدل بجلسته.
زينب ناظرته متوقعه انه يمزح فقالت بعد صمت/وش سويت له عشان يرسل لك هذا؟.
تكتف وسند ظهره الكرسي وقال بلا اهتمام/اول مادخلنا الثانويه ارسلت له قنبله مؤقته.
زمت فمها بصدمه.
فقال بنزعاج/لو مارماها بالمسبح كان انفجر معها هف محظوظ ذاك السافل.
زينب قالت وهي تبتسم/هيييه مزحك ثقيل لو قنبله كان المدرسه اختفت.
/لا مايمزح هو فعليا ارسل قنبله صغيره له.
قال مشعل وهو يناظر الاوراق بلا اهتمام.
طلعت صوت مصدوم وهي تناظر ياسر
فقال/لا تنصدم القنبله ماكانت راح تموته ممكن راح تفقده ايدينه او رجلينه او تشوهه وجهه ال@#&*.
ضرب الطاوله من تحت برجله بنزعاج اكثر وهو يتمتم/اهه كل ماتذكر ال50الف دولار راحت وهو ماتاذى احس بكتمه بقلبي يخساره الفلوس.
ناظرت مشعل بحواجب معقوده ف قال/القنبله كانت طلب خاص دفع على القنبله 50الف دولار عشان تصير مخففه بانفجارها.
قال وهو يسحب القلم ويكتب بلا اهتمام كأنه يتكلم عن شي عادي!.
هذولي مجانين.
ناظرته زينب/ليه تكرهه؟.
ياسر/احيانا كرهه شخص مايحتاج سبب.
وبهاللحظه جاء عبدالرحمن وبيده فنجان الشاي حطه قدامها مع صحن البسكوت.
اخذت الفنجان وقربته لفمها لكن احتجزت حواسها برائحه الشاي ف ناظرته وقالت/شاي معطر.
/رائحه قصب الصنوبر والبابونج جرب وذوقه.
قال عبدالرحمن الي جلس على اليمين بجانب الطاوله.
ومن اول رشفه انسحرت بجمال الطعم ولا حست بنفسها وهي تشرب رشفه ورا الثانيه
حتى حست بقطعه دخلت فمها وما ان قضمتها حست بفمها يذوب ويسيل لعابها.
ضحك عبدالرحمن من ردت فعله ف قال/هذا اناناس ومانجو مجفف مضغوط ببعضهم.
حمحمت بخجل ف قالت وهي تبعد الفنجان وتناظره/بس غريبه لون الشاي ارجواني.
/لانه اوراق الشاي الاخضر انخلطت مع لون ماء ازهار البنفسج.
قال وهو يريح ظهره على الكرسي.
زياد/من وين تجيبهم.
عبدالرحمن/استوردهم من الصين وبريطانيا وألمانيا الي معك الحين مستورد من الصين.
اخذت قطعه بسكوت على شكل ورده وقالت/بالمستقبل خليني اشرب من الشاي الي تسويه.
ابتسم وقال/اكيد.
وبهاللحظه قال
ياسر/ارسل طلب للمدير برفض طلب الامراء وان اصر ذاك ال@#&* راح نعطيهم ربع التكاليف غير هذا مافيه.
امأ مشعل ومشى وطلع من المجلس
ياسر ناظر عبدالرحمن وقال/اشري افاعي سامه وحطهم بكرتون وارسلهم لـ آدم واكتب على الكرتون من الداخل "مبروك شهاده التخرج وعقبال شهاده الموت"وتأكد بان الخط عريض وكبير.
قام عبدالرحمن وهو يتنهد ويقول/كم وحده اشري؟.
ياسر/10 وتاكد انهم سامين.
وقبل يمشي عبدالرحمن سحب ياسر ورقه وقال/وهذي وصلها لنادي الملاكمه.
امأ عبدالرحمن ومشى طالع من الغرفه.
بعد ما طلع حست بأنها مستهدفه ف قالت وهي تقوم/وانا بروح اشوف وش ص.
ضرب الطاوله بيده وهو يقول بهدوء/اجلسي.
اجلست بمكانها وقالت بضجر/مرت ايام وانت كل مره تشوفني تحاظرني مامليت.
/راح اتكلم عن اشاعه غريبه سمعتها من السافلين الي كانوا بمدرستنا.
قال وهو يشبك يدينه ويناظرها.
ناظرته زينب ب ابتسامه بريئه ف قال/ابتسامه التماسيح هذي ماتمشي معي شيليها.
عبست زينب وبرزت شفايفها بحزن طفولي ف مسك آناء الزهور ف قالت بسرعه/خلاص شلتها.
اخذ نفس عميق وزفره بهدوء وقال/عمال السكن الي ضربتيهم بشقه قدس بعد ماقاموا قالوا اشياء غريبه.
{تم ذكرهم بفصل مئه وتسع وثلاثين بعنوان [تـاريخ النازك.. الانتـحار الجزء2] وتطبيق الواتباد بفصل مئه وواحد واربعين.
لما زينب دخلت واحد منهم بالافرنج والثاني ربطته بدش الحمام}
/وش قالوا؟.
قالت زينب بعدها شربت من فنجان الشاي
ياسر/"ازحفوا على اطرافكم الاربعه وانتم تنبحون وراح اسامحكم"وانتي جالسه على الكرسي.
زينب/هممم ماتوقعت راح يتكلمون ليتني قطعت ألسنتهم.
عقد حواجبه بغضب وقال/يعني كلامهم صحيح حتى انا شخصياً ماصدقت.
سندت ظهرها على الكرسي وقالت/لا تكبرها ضربتهم ضرب خفيف بالبدايه لأنهم تجرؤ على هجومي وعشان كذا قلت لهم بالبدايه"ازحفوا على اطرافكم الاربعه وانتم تنبحون و راح اسامحكم" وين الغلط.
ياسر/وهذا الغلط مين راح يرضى يسوي كذا كانهم كلاب؟.
قال وهو يصرخ.
حطت ايديها على اذنها وقالت/يييييه تجاهلهم ماراح يسون شي ووش بعد سمعت؟.
سحب كوب الماء وهو منزعج من عدم مبالاتها لو ماكانوا مسوين شي كبير كانوا راح يرفعون عليها قضيه او ينتقمون بطريقتهم
ولو مو مساعده المدير كان ماقدر يسوي شي يسكتهم.
والحين
على موضوع الثاني الي سمعه من نورس ماقدر يصدق لكن
تصرفات نورس
غريبه وكلامه واسلوبه وهو يتكلم كان صادق
حتى ارتجافاته ماكانت لشخص يكذب او يتبلاء.
ناظرها للحظات ف اخذ نفس بهدوء وقال/نورس قال شي غريب.
ابعدت يديها عن اذانها وهي تناظره
/"عنده انفصام بالشخصية هذا الشخص خطير مجنون لازم تتطرده ولا راح يأذيك ابعد عنه" نورس قال اول ماقام حتى اتصل على ابوه وطلب ينقله بنفس اليوم الي قام.
كانت تناظره وتسمع كل كلمه بهدوء واول مانهى كلامه
سمعت صوت يضحك بسخريه من وراها ف تنهدت وهي تضحك بخفيف
-كان لازم اقطع لسانه قبل ما اكسر يده.
قالت وهي قاعده على دريشه" نافذه"المجلس المفتوحه وتضحك.
ضحكت زينب بخفيف وقالت/وانت وش رايك بكلامه؟.
/اعرفك من سبع شهور تصرفاتك واسلوبك وطريقتك بالحياه ماتوحي بانك شخص يعاني من انفصام ف عشان كذا ماصدقته لكن.
قرب على الطاوله وكمل/كان يرتجف بخوف شخص بالغ مستحيل يألف او يتبلا بشي مثل كذا.
رجع نفسه لورا وهو يريح ظهره ويكمل/وهذا الي يحيرني كيف تصرفاتك وكلامه ماهو متراكب؟.
زينب/شخص نحيل بجسم يوحي بان لو هبت نسمة هواء راح يتكسر يطلع منه هالقوه انا بكل نزاهه ضربته هو رفع الخنجر وكان راح يطعني ولو ماصديته بيدي كان الحين انا ميته ولاني كسرت يده صرت مختل وعندي انفصام بالشخصيه بنظره.
ضحكت زينب وهي تقوم من على الكرسي وتمشي لاتجاه الباب/لو فعلا معي هالشي كان انت بنفسك لاحظت تصرفاتي الغريبه.
قالت وهي تفتح الباب وقبل تسمع جوابه طلعت وسكرته.
كانت تمشي بحرم المدرسه تشوف الطلاب طالعين من نواديهم.
بجنبها زين بفستانها الاسود القصير وشعرها الطويل
هبت نسمه هواء بارده حرك شعرها الطويل وشعر زينب القصير
/شد جاكيتك الجو بارد.
سمعت صوت خالد ف اللتفتت
شافتهم واقفين
خالد وفارس وتركي ومهند وباسل ورائد وحمد.
مشوا حتى اوقفوا جنبها
مهند شال شاله ولفه حول رقبتها وقال/ليه مالبست شالك الجو بارد.
رفعت يديها وناظرته.
ضحك وهو يرفعها ويشيلها بين يديه
ومشى.
تركي/نزله راح نلفت انتباههم.
مهند/ماهموني.
/شكله ثقيل جيب انا احمله عنك.
قال خالد الي وقف قدام مهند.
/لاا.
مهند وزينب قالوا.
انزلت زينب بعد ماناظره خالد
وقالت وهي تناظرهم/اتصلوا على الباقي انا عازمكم على كافي.
باسل بصدمه ناظر فارس وقال/هذا مين.
ناظرته زينب وقالت/الا باسل.
باسل اسرع بخطواته وهو يبعد يدينه ويهم بحتضان قوي
لكن
وقف قدامه خالد وناظره ف ابعد وقال/ياهه احس القطب الجنوبي راح يذوب من نظراتك الحارقه.
ضحك زياد وهو يبعد عن خالد/تعرف خالد مايحب الاشاعات.
وكمل وهو يمشي/اعرف كافي اسمه السلام احسن مكان لكل شي.
-
-
باسل/هذيي من شكلها تحس طعمها خيالي.
قال وهو يناظر التشيز كيك بالتوت بشوق.
سامي وهو يبلع ريقه/شفت هذي بالاعلان من فتره وانا احلم فيها ماتوقعت ان مدرستنا تبيعها.
قال وهو يشوف حلا التارت مزينه بقطع الفراوله.
احمد/اهه اول مره اشوف كيكه تجمع كل انواع الشوكولاتات.
/"حبيبتي لا أجدْ لِوصفَها حَداً يُرام فلِمثل جمَالها خُلق الغَرامْ"من كان يتوقع ان هالغزل يناسبك ي حلوتي وش رايك نتعرف؟.
قال رائد وهو يناظر حلى بكاس بست طبقات وكل طبقه تزينها توت احمر وازرق وفراوله وباول طبقه مبشور شوكولاته داكنه وقطعه صغيره تتزين بوسطها شوكولاته بيضاء.
مهند/اول مره اشوف كوكيز مخلوط مع حبات التوت المجفف وشلون طعمها.
قال وهو يناظرها بحب.
واما الباقي كانوا يناظرون الحلا المعروض بعيون متحمسه لتذوق انواع الحلا.
كانت واقفه تشوفهم يتكلمون ف قالت/وش اخترتوا؟.
كلهم اشروا على نوع الحلا الي احبوه.
زينب/والمشروب؟.
خالد ومهند وفيصل وتركي/كافيه فرابيه.
احمد/شوكولاته ساخنه بالكراميل.
فهد وسامي ورائد/ميكاتو بالكراميل.
باسل وحمد وفارس/فرابتيشنو.
مشت لمستقبل الطلبات واول ماشافها ابتسم/وانا اقول وشلون نور المكان.
ابتسم زياد وقال/تعرف كيف تتكلم شيفاز.
شيفاز/وهذي الحقيقه
ناظر الشباب وكمل/اليوم جايب معك ناس جديده.
(للمعلوميه زينب بكافي السلام للي مايذكر ظهر بفصل مئه وسته وثلاثين بعنوان[الانتــحار الجزء1] وبالواتباد رقم مئه وثمان وثلاثين)
زياد/اي اصدقائي وعازمهم بكافيكم.
شيفاز/اجل خليها على حسابنا.
زياد/لالا انا عازمهم و.
ناظرتهم للحظات ورجعت نظرها لشيفاز/ابي 11 اسبريسو وواحد فرابتشينو.
شيفاز/وحلا؟.
ابتسمت وهي تقول/من دون حلا.
كانوا جالسين على الطاوله منزعجين كل واحد متكتف ويناظرون زياد بحواجب معقوده.
رائد/ليه خليتنا نختار وانت ماراح تطلبه لنا.
زياد شرب من قهوته وناظره ب ابتسامه/ممكن بالمستقبل اطلبها لكم.
ابتسم بسخريه وهو يسحب كوب الاسبريسو ويشرب.
باسل/كذاب هو كان متوقع نقول له"لا مانبي الا قهوه" بس انصدم.
سامي/اصلا عزيمته لنا لحالها صدمه.
زياد بضحكه/هييه اقلبوا وجيهكم العابسه شوفوني عزمتكم على كافي.
فيصل/اذا ماكانت تبي تدفع كان خليتنا نختار وخليتها على حسابهم.
شربت من قهوتها وقالت/اخر مره خليتها على حسابهم.
احمد ناظر زياد بتعابير بارده وقال/متى راح تعزمنا على مطعم؟.
ابتسمت وهي تحط كوبها على الطاوله
ناظرته وقالت/بعد 46.
حمد/دقيقه؟.
هزت راسها بالخفيف وهي لازالت مبتسمه
ف قال باسل/ساعه؟.
هزت راسها
ف قال فهد/اسبوع؟.
اخذت كوبها وهي لازالت مبتسمه وقبل لا تشرب منه قالت
/سنه.
باسل/اتمنى اعيش لذاك الوقت.
قال وهو يضحك بخفيق منزعج.
فيصل/اصلا 46سنه قصيره ممكن اكثر.
ومن بينهم والي كان اكثر شخص منزعج مهند الي قال/انا ماهمني هالشي ان شاء الله بعد قرون انت انت وشلوونن تجيب ل اخوك قهوه عاديه وتجيب لهذا طلبه؟.
قال وهو يأشر على فارس الي كان جالس جنب زياد مبتسم وبيده كوب فرابتشينو.
زينب ابعدت يده الي تأشر فارس وقالت/فارس حقي غير عنكم.
مهند ضرب بيده الطاوله بغضب وهو يشوف فارس يناظره ب ابتسامه خبيثه
لكن
تفاجأ فارس وهو يشوف زياد يضم يده ويقول/فارسي الوحيد الي يستاهل كل شي غالي لانه الوحيد الي يعرف كيف يرضيني.
بعدها ابتسم فارس برضى وهو يقول/شرف كبير لي وشهاده افتخر فيها.
وقبل احد يتكلم تفاجأو بشخص خلف زياد
يدين بارده كالثلج غطت عيونها غطى عليها الظلام
اصابع نحيفه طويله
/مين انا.
انفاس بارده تقشعر لها البدن
ورائحه النعناع والليمون تفوح منه.
ضحك زياد وهو يقول/الابيض.
ابتسم وهو يشوف يديها تمسك يدينه وتبعدها عن عيونها تلتفت تناظره.
زياد بحماس وقف وقال/صدفه حلوه اشوفك هنا.
/نفسي الشي لي ماتوقعت اشوفك مع.
رفع نظره للاشخاص الي جالسين معه
"الجرذان"
قال بنفسه وهو يناظرهم.
/اصدقاءك.
زياد/اليوم عازمهم على حسابي.
رعد/فعلاً ومتى يجي دوري وتعزمني؟.
ضحكت بخفيف زينب/متى ماتبي.
وكملت ب/ليه جاي لحالك؟.
قلب عيونه بملل كأنه تذكر وقال/ساحبني الأخضر معه لانه يحس بالملل.
/اخضر؟.
قالت بتفكير.
رعد ناظرها للحظات قبل يقول/غريبه مافهمت مع انكم تلاقيتوا مرتين.
زينب/ماتذكر شكله من فوق.
رعد/انا ابيض والامير الاول اسود والامير الثالث اخضر.
زينب بتفكير/لون بشرتهم؟.
ضحك رعد ونثر شعرها القصير.
زينب/وين اخضر؟.
رعد/نسى يجيب ليبوني.
وقبل تتكلم رن جوال رعد.
تنهد بنزعاج وهو يسكر الجوال
رعد/ضيع بطاقه المسكن بروح اوديه بطاقتي.
زينب/انتم عايشين بمسكن مستقل ليه تحتاجون بطايق؟.
رعد/بطاقه الي معكم تختلف عن الي معنا انتم تعريف بس البطاقه الي معنا زي المفتاح ماراح يفتح لنا الباب الا البطاقه.
قالت/ياهه حتى بهذي متطورين اكثر منا.
ابتسم رعد وقال/لو كنت وافقت تصير امير رابع كان صرت منا.
ابتسمت زينب وهي تقول/ماواح اقدر اخليهم راح يموتون بدوني.
ضحك وهو يناظرهم من وراها للحظه ويرجع نظره لها.
/تذكرت يوم نظفت سكنكم كان الباب مفتوح ولا عطاني بطاقه.
قالت بعد ماتذكرت.
رعد/اوسامي خلاه مفتوح للي راح يجون ينظفون كل صبح هو مسؤل عن المفتاح لو أعطاه لاي شخص ب اهمال راح نتعرض حنا للاذى.
همهمت زينب بتفهم.
ناداها احد الموظفين تساعده تنقيل طاوله
بما انها لابسه لبس الخادم.
ناظرت رعد ف قال/انا واح اروح.
ابتسمت زينب وقبل تروح نثر شعرها.
ونفس الشي معه
قبل يلتفت ويروح
قال لزينب/لاشفت شهاب لا تستغرل ولا تطيل النظر فيه.
مع انها مافهمت مقصده لكن امأت براسها.
وقبل يطلع من الكافي
ناظر الشباب بنظرات بارده ساخطه.
جلست على الكرسي وهي تحرك يدها
تأففت وهي تقول/اشربوا بسرعه وخلونا نطلع.
ماستغربت ابداً من هدوءهم وعلى العكس
اخذت كوبها الشبه بارد وشربت منه تتفادى نظراتهم.
كانت متوقعه رده فعل عنيف منهم
لانها تتذكر كيف كانوا يتكلمون عنهم بسوء.
/الجاكيت الي كنت لابسه لـ أمير ؟.
قال رائد وهو يحط كوبه بهدوء على الطاوله ويناظر زياد ب ابتسامه.
غمض سامي عيونه وهو يشوف قطرات القهوه تتراشق من فم زياد على وجهه.
وبسرعه قال زياد/وش دراك لا اقصد مو لامير لقيته بالارض وعجبني وكذا ماتوقعت لامير مدرسه.
باسل/كنت خايف تجلسه معنا.
قال وهو يحط يتكتف ويريح ظهره على الكرسي.
زياد/لا انا مو غبي ل هالدرجه.
شربت من كوبها وحطته على الطاوله وكملت/هو ماراح يرتاح ولا انتم راح ترتاحون و الشي الي مستحيل اسويه اني اجلس شخص مع اشخاص كانوا يسبونه.
احمد/اشخاص متربين بشوارع مث.
قطع كلامه صوت ضرب الطاوله
ناظره زياد ب ابتسامه صغيره وقال/مثل ما انا احبكم واحترمكم ولا ارضى عليكم هو بعد مارضى عليه انتم كلكم عائلتي الي افتخر فيها.
وقبل يسمع رد منهم قام وقال وهو يتمغط/ دام كلكم خلصتوا خلونا نرجع لسكن.
كانوا يمشون بحرم المدرسه وكل واحد يتكلم بموضوع
ف قالت زينب وهي تناظر فارس/كم باقي على الاختبارات النهائيه؟.
فارس/ثلاث اسابيع.
باسل بملل/ليه مايلغون الإختبارات النهائيه بس يكتفون بالاختبارات الشهريه.
تركي قال بلا مبلاه/لان الاستاذه مايثقون بشرحهم.
احمد/ابي اصير ملك.
ضحك فارس وهو يقول/انت ملك.
زينب كملت عن فارس وهي تضحك/ملك نوم.
اوقفت زينب بعد مارن جوال الخادم
ف تنهدت بملل
بعد ماسكر الخط ناظرهم زياد وقال/شخص يطلبني انا بروح.
فارس/لا تتاخر على العشاء.
امأ زياد ف قرب حمد وهو يشيل جاكيته ويحطه على كتف زياد.
ابتسم زياد وهو يبعده/راح تبرد انت.
حمد رجع الجاكيت وقال/لا اللبسه جسمي مايتقارن بجسمك.
زياد ضحك بخفيف/انا لابس جاكيت.
حمد/جاكيتك من قطن وانا جاكيتي من فرو كل تاخر الوقت زاد الجو بروده وانت ماراح ترجع الا بوقت متاخر عشان كذا خلك لابسه.
زياد/اسرع بخطواتك لسكن راح احس بسوء لو شفتك تعبت.
شافت خالد يناظرها لثواني بنظرات ماتبشر بالخير
لكن تجاهلته ابتسم حمد ومشى مع الشباب الي مشو لسكن.
/عندك ذوق رخيص.
قالت زينب لزين الي كانت واقفه جنبها.
زين-خالد هو حب حياتنا الاول.
زينب/لا تجمعيني معك كنت صغيره وكنت احب الأشياء اللطيفه وتجذب انتباهي مثل خالد وهو صغير الحين تغير وصار اسد شرس.
ابتسمت زين ابتسامه صغيره وهي تقول-وهذا هو نوعي اسد شرس.
ضحكت زينب ضحكه ساخره وهي تمشي.
-
-
#برجوع للخلف وقبل شهر وبنفس المدرسه
كانوا بنقاش حاد مع الشخص البارد الجالس قدامهم.
وأخيراً بعد مانهوا ازعاجهم قال/انتم من زمان مازرتوا اهاليكم لاسباب دراسيه لو سويتوا الي قلت راح امنحكم اجازه اسبوع ويومين تحت اسمي وراح اخليهم يمسحون أخطائكم الدراسيه واخلي سجلكم الدراسي انظف من حياتكم.
اشياء مغريه مثل هذي هم ضعيفين قدامها لكن
شعور تأنيب الضمير يمنعهم ف قال واحد منهم/لو لا زياد ماكان قدرنا نشوف اهالينا لين السنه الجديده ولا كنا راح نتمتع ب اجازه بالمالديف صعب نتنمر عليه.
/ماقلت تنمروا عليه انا قلت ازعجوه.
الثاني/هذا نفس الشي.
/اذا تبون انظف سجلكم الدراسي وتشوفون اهاليكم سوا الي ابي.
قفزت القطه وتمددت بحضنه.
كمل وهو يداعب قطته/تقدرون تسون اي شي والي تبون الشي الممنوع تنكشفون منه.
كان جالس بالصاله وقدامه شخصين
حاط رجل على رجل ويناظرهم.
/ايوه وش قلتوا.
قال ب ابتسامه خبيثه.
تنهدو الاثنين وهم طايعين كلام وامر
الامير الاول.
ب استسلام.
/خلينا نبدا اللعب من هنا ي قطتي الشرسه.
قال وهو يبتسم برضى
أدم.
{تم ذكر هذه الجزيئه بعنوان الظهور الاول3 رقم تابع مئة وواحد وتطبيق الواتباد رقم تابع مئه وواحد وثلاثون}.
-
-
#حالياً_المدرسه_الساعة9:40صباحاً.
علي و سطام
كانوا اول اثنين يدخلون لمدرسه وهذي اول مره يسونها ف بالعاده يكونون اخر الناس لكن
بما ان ادم امرهم يبدون بزعاج زياد المسكين اليوم.
تنهد سطام بتانيب ضمير وهو يقول/هذا عقابنا لاننا مادرسنا من البدايه.
علي/زياد راح يسامحنا اذا عرف اننا ضحايا مثله.
اسكتوا بعد ماشافوا زياد يدخل مع شلته.
ظلوا يناظرونه بحرص.
بما ان زياد ضحيه مثلهم قرروا يزعجونه بشي بسيط
مثل مشروب غازي
خاضينه 99مره وحاطينه على طاوله زياد.
شافوه وهو واقف مع فارس يضحك وجنبه مهند وفهد وباسل وفيصل ورائد ينتظرونه يلاحظ البيبسي.
وماهي الا ثواني حتى شاف البيبسي ف قال وهو يرفعه /لمين هذا.
بلعوا ريقهم وهم خايفين من احد ياخذ البيبسي لكن تنهدو براحه بعد ماجاوبوا بانه مو خاص لاحد.
قال مهند/دامه موجود على طاولتك ف اكيد ان شخص عطاه لك ك شكر.
زياد/بس انا ماحب البيبسي.
فناظرهم وكمل/وصلت مشاعره بس مابيه من يبيه؟.
/انا.
قال فارس.
وب هاللحظه تجمدوا سطام وعلي وهم يشوفون فارس ياخذ البيبسي ويفتحه و
و
ينفجر بوجهه.
كل كان طلاب الفصل مصدوم
ومتفاجأ
شوفه فارس وهو مصدوم وقطرات البيبسي تطيح على الارض
صدمهم.
كانوا الي حول فارس جاهم انفجار البيبسي لكن مو فارس الي كان مضطر يغير لبسه ويجفف شعره ونظاراته الي متلوا بالبيبسي.
وبهدوء مد فارس يده لجيبه وطلع منديل وشال نظاراته يمسحهم.
وهو يمسح ابتسم بهدوء وبصوت مسموع قال
/من الخطر يمزحون مزح ثقيل معي.
كانت ابتسامه بارده
وصوت مليان بالخطر
شخص هادي ومسالم مثل فارس
يتم التنمر عليه
كأنه يطلب الموت على يد طباخ الموت.
علي وسطام ارفعوا كتبهم بيد مرتفجه بعد ماحسوا بشعر جسمهم يوقف فجأه.
هذي
ماكانت النهايه
هذي كانت البدايه.
-
-
#بعد يومين_الصين_لويانغ_بلمير.
نزلت المسدس وشالت غطاء الاذان عن راسها وناظرت راشد.
بلمير/
(خطر ببالي سؤالين).
ناظرها راشد ف قالت
/
(ماذا لو احب شخص من النارك شخص اخر من العائله لكن الاخر لا يحبه؟).
راشد/
(هذه ستكون كارثه).
بلمير/
(لماذا؟).
عامر/
(لان الاثنين س يموتان).
ناظرت بصدمه ف قال راشد وهو يناظر عامر بحده/لا تقول كذا.
عامر بلا مبلاه/انا قلت الحقيقه.
راشد ناظر بلمير وقال/
(لا يمكنني انكار قول عامر لكن احدهم سيموت على يد الاخر والآخر س يعيش بحزن الا ان يموت وحيداً).
بلمير/
(لماذا).
عامر/
(هل تذكرين الشي الذي اخبرك اياه راشد عن كيف نجعل حبيب قلبنا بعلم بنا؟).
امأت بلمير ف قال/
(عندما يعلم الشخص الثاني من النازك انه تم ربطه بالاول وهو لا يحبه س يجن جنونه وسيبدا بمحاربته حتى اخر رمق به لان حتى الثاني له الحق بان يحب واقرب مثال لهذا زينب وذاك الشخص الحاد الذي رايتيه قبل شهرين ان لم تحبه زينب ف مستحيل ان تتزوجه سيكون هذا اشبه بوضع حبل المشنقه على رقبتها).
بلمير/
(اذن هل امي س تبقى هاربه طيله حياتها؟).
عامر/
(هناك خيارين لها ام ان تكون هاربه طيل حياتها وعازبه او ان ترضى بالواقع وتتزوج منه وايضا سيكون هذا مختلف لو كان الشخص غير حمد ف هناك احتمال كبير انهم س يتقاتلون حتى الموت او ان يعترف بهزيمته).
بلمير/
(تقصد انه لو لم يكن حمد كان سيكون هناك قتال حتى الموت بين الاثنين؟)
امأ عامر بالموافقه.
/
(حمد قام بتربيه زينب لذلك من المستحيل ان تقوم زينب بقتاله س يكون الموت افضل لها وحتى لو كان هناك قتال فمن المستحيلات ان يعترف حمد بهزيمته سيفضل موتها او موته على هذا).
بلمير/
(رغم هذا الليس من الافضل قتاله؟).
عامر/
(زينب لن تستطيع فعل ذلك هذا س يكون اشبه بكلب عض يد صاحبه).
راشد/
(ماهو سؤالك الاخر؟).
بلمير/
(ماذا لو كان شخص لا تحبه قد اعترف لك؟).
عامر وراشد/
(لن نهتم بمشاعره).
عقدت حواجبه بعدم رضى من اجابتهم
راشد/
(اعلم هذا قاسي لكن لا نهتم بهذا الشخص ان لم نحبه نحن فلا قيمه لمشاعره).
بلمير رجعت غطا الاذان ورفعت مسدسها الصغير لتصويب.
وهي تهمس
/
(هذا محزن).
#الدنمارك_ريبي_بعد اسبوع.
الهثيم وفزاع ووراهم راشد وعامر كانوا يناظرون بلمير.
فزاع اثنى رجله وجلس عليها وقال وهو يناظرها/
(بلمير انتي اصبحتي ابنه زينب وهذا يعني انك اصبحتي تقربين لنا من جهه جدتك-غاليه-لذلك يتوجب عليكِ معرفه قوانينا ولا يسمح لك بالرفض).
امأت بلمير.
الهيثم/
(ربما لا تعلمين لكن الناس يسمونا بالمجانين).
فزاع/
(هل لديك فكره لماذا يدعونا هكذا الناس؟).
فكرت لثواني بعدها هزت راسها بالنفي.
فزاع/
(هناك خمسة اسباب رئيسيه).
الهيثم/
(نقوم بقتل اطفالنا اللذين ولدو بعيب خلقي).
بلمير/
(ماذا؟).
للحظه توقعت انها سمعت بالخطا وعشان كذا سالته.
ولما جواب بنفس الجواب
دمعت عيونها الواسعه بصدمه.
تنهد فزاع وهو يمسح دموعها ويقول/
(الاول: نقوم بقتل الطفل الذي لديه عيب خلقي ببطن امه ان اكشتفنا ذلك او بعدما يتم انجابه او يتم رميه بدار الايتام.
ثانياً:نقوم بتعليم الطفل من سن الثالثه الى سن ال18 بقتل طفله او طفلته الذين يأتون بعيوب خلقيه.
ثالثاً:لدينا نقوم بتعليم الطفل كيفيه جعل خصمه يجن حتى يصل لهلوساته ويموت
رابعاً:يجب على ابنه او ابن الاورباد بان يتزوجوا من أشخاص جميلين ولا يسمح بزواج شخص عاديا شكلياً
خامساً:من يرفض القانون س يتم تجريده من العائله وسحب امواله وجعله مشرداً دون اي أصل).
/
(امي تبكي دماً هل كنتم لتقتلونها؟).
قالت بلمير وهي تشد على دب الباندا بخوف من اجابته.
الهيثم/
(لا زينب لم تاتي بعيب خلقي واكستبت ذلك بسبب حادث ادى لفقدانها قنوات المدمع فبدل ان تبكي دموع بيضاء شفافه اصبحت تبكي دماً).
قال فزاع/
(لا تقلقي الان مع تطور التكنلوجيا اصبح نادرا ماياتي طفل بعيب خلقي وغير هذا ياتي السبب الرابع يجب ان تتزوجي من شخص جميل ووسيم لكِ ياتي طفلك جميل الجينات تلعب دورا مهما بالخلقه).
بلمير/
(متى قتل اخر طفل ومتى تم التخلي عن طفل بعائلتكم؟).
الهيثم/
(قبل 5 سنوات اتى بأذن ناقصه تم قتله وهو بعمر ثلاث دقائق قبل سنتين تم التخلي عن طفل اتى ضرير تم التخلي عنه وهو بعمر اليوم).
لو الاطفال كانوا يفهمون كيف راح تكون احسايسهم وهم يشوفون اهاليهم تتخلا عنهم؟
ماقدرت تتحمل ف بدت تبكي وهي تتخيل احسايسهم وشعورهم
ضمت دبها بقوه وهي تخفي وجهها عنهم
حقيقه صعبه ومره مثل هذه.
ضمها فزاع يهديها.
حتى هو يوم كان بعمرها بكى مثلها وهو يتخيل احسايسهم.
الهيثم جلس قدامها وقال/
(العاطفه لن تفيد انا أيضاً بكيت مثلك ورفضت القانون لكن ماذا عسانا نفعل؟الذي تم قتلهم عليهم ان يكونوا شاكرين لو عاشوا بهذه العائله س يعيشون بجحيم مطلق لا نهايه له س يكرهون حياتهم لذلك نفعل هذا).
فزاع/
(النازك يقدسون الحب والوفاء ونحن نقدس الجمال والكمال).
.
.
ومن هنا نوقف ونكمل بالفصل الجاي
اتمنى انه نال اعجابكم.
رايكم بالفصل؟.
انتظرونيي🔥♥️
اعطوني تعليقاتكم وتوقعاتكم
ولا تنسوا انكم سبب نجاح الروايه.
صراحة(marie0g.sarahah.com)
السايت:(http://sayat.me/marie0g)
الانستقرامmarie.g0
وهبــي هبــي مــاري
تعليقات
إرسال تعليق