السلام عليكم ورحمة الله وبركاته
.
.
مئه وتسعه وثلاثون بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[تابع الانتـحار الجزء3]
.
.
"قلوبنا ليست سوداء ..
ولكننا لا نريد رؤية وجوه أساءت لنا يوماً"
#انهـار..♪.
#امريكا_ممفيس_قبل11سنه.
زينب عامر مهند راشد كانوا واقفين قدام فزاع وحمد البالغ من العمر19سنه وفزاع21سنه
زينب 7 سنوات
مهند7 سنوات
عامر11 سنه
راشد 15 سنه
كانوا يناظرونهم ف قال حمد وهو يشير براسه/اقفزو.
تنهد راشد وهو يقول/عميق.
حمد بحده/اق فزو.
تنهد راشد وعامر واللتفتوا لنهر.
زينب اقفزت قبل يلتفتون.
ركض راشد وقفز ووراه عامر ومهند.
من فوق الجسر وبنهر.
اتكى حمد على السور وقال بصوت عالي/اول خطوه لتغلب على الخوف القفز من اماكن عاليه.
عطى ظهره للسور واتكى وقال/ماراح نصير داسم معكم عشان ننقذكم راح يجي وقت وتصيرون لحالكم تعانون من الخوف وفكره الموت.
رفع يده يشوف الساعه وكمل/ان بقيتو اكثر راح تموتون اسبحو نفسكم لضفه.
..
سكر باب السور وناظر زينب وعامر وراشد وقال/ان هزمتوا التمساح راح تطلعون احياء ان هزمكم راح تموتون.
عامر/راح نموت.
فزاع ب ابتسامه/اي وعلشان كذا جاهدو وانقذو انفسكم.
حمد/عمر التمساح 43 سنه نوعه ذكر جنسه الامازون.
تنهد عامر وهو يناظر زينب الي كانت تناظر قفس التمساح.
فزاع/حاولوا تعيشون.
بعدها ناظر راشد وقال/هذي مو اول مره تصارع تمساح وعشان كذا انت خلك بمكانك لاشفت الوضع تأزم ساعدهم.
راشد امأ براسه.
مهند ناظر فزاع وقال بعبره تخنقه/ليه ماخليتني ادخل معهم.
فزاع وهو يناظر عامر وزينب يتقدمون لتمساح الي طلع من القفس/مقوماتك الجسميه ماتسمح تصارع تمساح انت تختلف عن زينب.
مسك طرف بنطلونه وهزه بقوه وهو يقول بغضب/انا قوي بس زينب اقوا انا اعترف بس جسمي اقواا انا بعد ابي اد.
قاطعه فزاع وهو يناظره بحده ويقول/ان دخلت راح تموت من اول نظره زينب عندها اراده قويه جسمها تحمل على الظروف الي مرت فيها اما انت لا.
ابعد يده عن بنطلونه وناظر زينب وراشد وعامر بدموع.
ركض عامر وزينب ل اتجاه التمساح الي كان يركض ب اتجااهم بطريقه متمايله فتح فمه ليعض زينب بس قبل هذا رفسه راشد مع جنبه ف تقلب على ظهره متألم.
راشد صرخ على زينب الي كانت تركض بسرعه ب اتجاه التمساح ب/انتي نحيفه ماراح تقدرين عليه.
ناظرت عامر الي كان يركض بجنبها ف ابتسمت على جنب واول ماوصلت له اقفزت واهبطت على بطنه.
ليتلوى من الالم التمساح.
ركض عامر وقفز على فمه ف داس عليه مانعه من انه يفتح فمه وياذيهم.
فقد وعيه التمساح بسبب الالم الي تسبب له من الصغار الثلاثه.
انزلت من على بطنه بهدوء واتجهت لزاويه السور اخذت الحديده وارجعت بخطواته للوراء.
راشد وعامر كانوا يناظرونها ب استغراب وهي تتقدم.
توسعت عيون فزاع بعد ماعرف وش كانت راح تسوي ف اسرع بفتح باب السور
لكن
تفاجأ بحمد الي امسكه مع كتفه يوقفه.
ناظره ف قال حمد/خليها تسوي الي براسها.
فزاع ابعد يد حمد بغضب وقال/قانون النازك الاورباد يمنع الاذى للحيوان اذا ماكان راح يهاجمهم زينب راح.
قاطعه حمد وهو يبتسم/خليها تسوي الي تبي.
كان راح يبعده لكن
سمع صراخ مهند المفزوع وهو يشوف زينب تطعن التمساح بصدره
قربت ل عامر ورفعت رجلينها توصل لطوله وبرتت على شعره وهي تقول/انت الحين ب امان.
ابعدت عنه وقالت ب ابتسامه/راح اقتل اي شي واي شخص كان راح يأذي اخواني.
عامر غمض عيونه وهو يتنهد بعد ماحس بقلبه راح ينفجر من الخوف.
كان قصدها تحميه بس ماكانت تدري بتصرفها خلت الي من حولها يخافون منها.
هي قتلت تمساح بدم بارد
وبدون مايرمش لها عين.
فزاع بحده ناظر حمد وقال بهدوء/هذي مسؤليتك راح تدفع على التمساح 159 الف تصرف.
ابتسم حمد/اكيد.
/كان قصدها تحميك.
قال راشد بغضب لعامر الي كانت يده ترتجف.
عامر بلع ريقه وهو يقول/انا ادري بس نظرتها وهي تغرس الحديد بصدره خلت عامودي الفقري يرتعش.
راشد/طفل شاف امه وهي......تبيه يكون طبيعي؟.
مشى عامر وهو يبعد عن راشد.
#فرنسا_غرونوبل_بعد شهرين.
راشد وزينب واقفين يناظرون بعض.
حمد/زينب اكسري رجله راشد اكسر يدها اي واحد يتعاطف لثاني راح اكسركم انا.
ناظر عامر ومهند وقال/عامر ومهند صاروع بعض حتى ماعاد تصيرون قادرين على الحركه.
/لا نكون لبعض الضغائن ولا نصير رحيمين لبعض انت اكبر من ب8سنوات واطول واضخم مني لكن هالشي ماله دخل بقوه الشخص هاجمني كانك تهاجم اسد.
ابتسم راشد على كلامك زينب ف قال/ماكنت افكر اني ارحم خصمي راح اتاكد من اني اسبب لك كسر وراح اخليك تبكين مثل الاطفال لكن ك شخص قريب لك انصحك تنسحبين.
نزلت راسها لثواني
وبعدها قالت/راشد انت تدري اني اجاهد اصير قويه عشان احميكم.
ارفعت راسها وكملت/عشان كذا انسحب راح اسبب لك كسر قوي مابي اسبب للاشخاص راح احميهم ألم.
ابتسم راشد وهو يقول/انا راح احميك.
اركضت بسرعه له وضمته.
ماعطاها فرصه تحاول ف مسك كتفها وسدحها بالارض مسك يدها قبل تقوم لكن ماعطته فرصه ف رفسته مع بطنه ف ابعد بسرعه متألم
مسكت رجليه وخلته يطيح على الارض خاصرت رجله برجلينها وايدينها ف بدا يرافس يحاول يبعدها قبل تكسر رجله.
بعد نصف ساعه
كل واحد كان مليان بجروح بسبب الصراع الي مرو فيه زينب تاذى جسمها وراشد بدا يفقد صبره
و اخيراً مسك ذراعها بعد ماحاولت تسقطه لفها بقوه ورفعها لفوق ونزلها لتحت وشدها بقوه ولفها لمره لثانيه بقوه اكبر من الاولى تعرفطت الذراع ف.
تكسرت العظام.
صرخت زينب وهي تتلوى من الالم على الارض ماسكه يدها المتدليه.
الالم ماكانت قادره تتحمله ف بدت تزيد من صراخها اكثر ف اكثر حتى يغمى عليها.
وقف راشد وقال/انا هنا الفايز لو انك سمعتي كلامي وانسحبتي ماكان مريتي ب هالالم
مشى وهو يبعد عنها ويقول ل فزاع وحمد/اتصلوا على خليفه خليه يجي يفحصها.
رفع عيونه لحمد وفزاع
استغرب من ابتسامه حمد الغريبه ونظره فزاع الاغرب
للحظات حتى فهم ابتسامه حمد ونظره فزاع
وبصدمه اللتفتت لورا بسرعه
لكن
الاوان فات.
طاح على بعد ما اهجمت عليه راكله ظهره مسكت رجله بيدها السليمه بقوه لتثبته
حطت كل ضغطها وقوتها الباقيه برجلها
وبسرعه ارفسته.
لتنكسر عظمه الشظيه.
ابعدت عنه وهو يصارخ ويدمع
وقالت/قلت لك انسحب.
تمدتت على الارض بجنب راشد الي كان يتلاوا من الالم.
غمضت عيونها وهي تتنهد.
قرب حمد لراشد وزينب الي افقدو الوعي ف قال وهو يطلع جواله/ممتاز عرفتي كيف تخدعينه.
ابتسم وهو يتصل على خليفة.
فزاع ناظر مهند المغمي عليه المليان بجروح من راسه لرجلينه.
شاله فزاع وهو يناظر عامر الي ماكان احسن من مهند يتنفس بصعوبه.
/لو ماصرخت زينب كان الحين صرت بمكان مهند اهه ماصدق اني فزت بالغش.
قال عامر وهو بغمض عيونه بألم.
ابتسم فزاع وهو يقول/سويت الي عليك تقدر ترتاح.
وقبل ماينهي كلامه نام عامر من التعب براس ينزف دم.
....
ذراع زينب كانت ملفوفه
ووجه مهند كان مليان بلاصق جروح مع يده وبطنه الملفوفه بشاش ابيض وعينه الملفوفه بشاش واصابعه الي انكسر.
كانوا جالسين لحالهم ياكلون من الحلويات الي جابها حسين(ابو زينب).
بتذمر قال مهند/لو ماصرختي كان انا فزت.
زينب وهي تاكل من الكوكيز/لا انت بس ضعيف.
بنزعاج مهند/ماني ضعيف انا خفت يوم سمعتك تصرخين.
زينب/عادي حتى انا ضعيفه لو ماعطيت راشد فرصه يكسر يدي كان ماقدرت اكسر رجله.
ناظرها مهند يبي يعارضها لكن تحسر على ملامحها البارده والقاسيه رغم انها كانت تاكل من الكوكيز الي جابه خال مهند(حسين) ك مكافأه لهم.
ابعدت الكوكيز ورجعته لمكانه.
اسندت ظهرها على الجدار وقالت بهدوء
زينب/مهند لو غبت وش راح تسوي؟.
مهند/راح اغيب معك.
زينب/لو غبت ولا قدرت ارجع ماراح تقدر ترجع معي خالي وعمتي ماراح تشوفهم ابدا.
مهند/عادي راح اغيب لانك لو غبتي راح اغيب معك ماراح اخليك لحالك تغيبين لانك اختي.
لو ما كان يناظرها كان راحت عليه ابتسامتها ولو كانت خفيفه.
مرت فتره طويله على شوفتها تبتسم.
ابتسم وهو يعطيها الكوكيز.
-
-
#الحاظر-المدرسه.
/انا جعت.
قال سامي وهو يناظر التلفزيون.
فارس/مابقى شي ويخلص الاكل.
باسل/وش عشانا اليوم.
فارس/بحريات.
تركي/وش الاصناف.
فارس/الروبيان جمبري سمك تونه وهامور محار سلطعون قنفذ البحر سرطان البحر والحبار وسلطات ومقبلات.
فيصل/يلاا متى يصير انا جعتت.
فارس قام يروح للمطبخ/وحتى لو صار مافيه اكل لين نجتمع كلنا.
سامي/بس زياد الي مو موجود عادي نخلي له لين يجي.
فارس/لا.
كانوا مجتمعين بشقه رائد كل واحد متناثر بمكان ينتظرون الاكل.
حمد ناظر فيصل وقال/غريبه جيتوا بدري.
فيصل/ياسر رجعنا بدري وقال خلي هالمشكله يحلها مدير حارس الامن.
سامي عدل بجلسته وقال/اول مره اشوف واحد راسه لداخل الافرنج يع يعع.
حمد ابتسم وهو يقول/ كيف دخل راسه؟.
سامي/بطريقه عجيبه مدري كيف دخل اصلاً اتوقع انه تزحلق وطاح.
فيصل/هييه بس وشلون وجهه كله مضروب؟ مستحيل تكون طيحه بعدين نسيت شكل ياسر وشلون متوتر وكل شوي يتلفت حوله كأنه ينتظر شخص.
سامي/حتى الغريب انهم عمال السكن مستغرب كيف انتهى حالهم كذا.
جذب انتبهه كلامهم باسل ف قال/ليه كم واحد هم؟.
فيصل/اثنين الثاني كان مربوط بدش الحمام من ايدينه حتى جسمه متضرر.
رائد/غريبه ليه كذا حالتهم؟ انتقام يعني.
فيصل وسامي ارفعوا كتوفهم بمعنى"ماندري"
فهد/وين لقيتوهم؟.
فيصل وسامي/بشقه المنتحر.
للحظات عم الهدوء بالمكان حتى فارس الي كان بالمطبخ طلع وناظرهم.
كانت اكثر من لحظات
حتى بدو يضحكون بغباء من غير مهند وخالد.
تركي وهو يضحك/مو كأن زياد راح ضربهم.
امأ باسل بقوه وهو يقول/اكيييد زياد شخص مسالم ماراح يدخل نفسه بشي مايدري عنه.
فيصل وهو يضحك/اكييد رغم ان الحادثه صارت بشقه المنتحر بس هذا مايعني ان زياد له دخل بالموضوع صح شباب.
قال فيصل وهو يناظرهم ف اماؤ كلهم وهم يضحكون.
حمد/خلاص تعبت وانا اضحك غيرو الفلم نشوف فلم كوميدي.
-
-
وب هاللحظه دخل زياد ذاك المحل وراح للموظف
ابتسم زياد وهو يقول ذيك الكلمات السريه ف ابتسم الموظف وهو يقول/شرفتنا، من هنا الطريق.
مشى وراه زياد
دخل غرفه شبه مظلمه
كانت غرفه صغيره وشي واحد موجود بالغرفه
ستاره وباب.
ابعد الستاره الشفافه وفتح الباب وقال وهو يبتسم/من هنا.
تسكر الباب
مشى زياد عبر الدرج الطويل النازل لتحت.
ومع كل خطوه كان يزداد ضوء.
توسعت عيونها وهي تشوف صاله كبيره مليانه ب انواع الاشخاص الموجودين بالمدرسه.
اصوات وروايح كريهه ملي المكان
صاله قمار!.
قالت بنفسها وهي تشوف الطاولات الي عليها الاوراق والنرد واللعاب اللكترونيه وطاولة الزهر.
مع هالعدد من الناس مستحيل تخليهم يكشفون انها خادم للمدرسه وبكثر الكلام عليها وعشان كذا توجهت ل اقرب غرفه وفتحتها ناظرت حولها ف شافت معطف اسود خفيف وقبعه وقفازات.
ماراح يفيدها هالشي على الاقل تحتاج تغير بنطلونها.
أخذت المعطف والقفازات والقبعه لفتهم على بعض واطلعت ناظرت حولها تدور على موظف.
مشت من بين الطاولات حتى لقت موظف واقف ورا اللاعبين
وقفت وراه وسالته عن دوره مياه ف اشر لها بزاويه الصاله.
شكرته وراحت.
ادخلت الحمام وهي تفتح كل باب عسى تلقا غرفه تخزين لتنظيف.
وبدون فايده
اطلعت من الحمام
شافت غرفه مجاوره للحمام
ومافي اي مجال لشك
اما تكون غرفه فيها اشخاص مهمين او
غرفه تخزين
افتحت الباب
تنهدت براحه وهي تشوف غرفه تخزين
ادخلت وسكرت الباب افتحت النور
وشافت على جدار الغرفه ملابس عامل نظافه
ابتسمت ب اتساع.
استغرب الموظف من شخص يملس كتفه ف ناظره.
عقد حواجبه بعدم راحه من الشخص الي حاط يده على كتفه.
نظاره دائريه طبيه وقبعه بنفسجيه ومعطف اسود وبنطلون رمادي وبلوزه بيضاء وشخص قصير.
ابتسم القصير وهو يقول/عندي تحدي اليوم مع نورس.
ضحك بسخريه الموظفه بداخله وهو يقول بنفسه"هذي موظه الاغنياء!"
وليه توقع انه غني!
لان كل منافسين نورس الاسطوري اغنياء.
هذا الغبي راح يخسر من اول جوله.
لكن!!
بعد تفكير
هو ماتلقى اي خبر ان احد راح يجي ينافسه وخصوصاً بهذي الساعه وغير هذا فيه خمس ضيوف موجودين وهم الاخيرين.
الموظف/اسمك ونظامك الدراسي وعمرك .
/خالد نظامي الدراسي سكني عمري 17.
الموظف للحين يحس بشي غريب لكن.
الموظف/متى موعدك؟.
/كان المفروض الصبح بس صار عندي ظرف واعتذرت لنورس تقدر تتاكد منه.
امأ الموظف وقال/طيب لحظه.
طلع جواله واتصل على كبير الموظفين وبعد مده
رفض يستجيب!
توتر وهو مايدري وش يسوي لكن. بالاخير
هو ماله دخل.
ف ناظر ذاك القصير وقال/انتظر هنا للحظه.
امأ القصير وهو يبتسم.
كانت الانوار خفيفه مو بذيك القوه المكان مزحوم والروايح منتشره بكل مكان.
ولكن مع ذلك قدر يشوف ابتسامته.
مشى الموظف بخطوات سريعه وطق الباب بهدوء بعد ماسمع صوت يسمع له بدخول فتح الباب.
دخل الموظف وهو يشوف ست اشخاص جالسين بالكراسي بشكل دائري الجو منتشر بالدخان
وذيك البدوره البيضاء منتشر على الطاوله والشيشه مع كل واحد ماسكها.
وسكر الباب وهو يقول
/اعتذر على المق.
وقبل لا يتسكر الباب انرفس بقوه مسبب قوه ضغط بالهواء
طار شعر الموظف وهو يناظر الباب بصدمه
والاوراق الي تناثرت بالمكان.
وهو يناظر الباب/همم ماتوقع اني كسرت الباب.
ضحك بسخريه وهو يناظر السته ويقول/لازم الرئيس يغير الباب.
الموظف كان يناظر القصير بصدمه ونفس الشي مع السته الجالسين
يحاولون يستوعبون الي صار.
القصير ناظر الموظف وقال/ان ماكنت تبي تتأذي اطلع وسكر الباب.
وبدون تردد طلع الموظف وهو يسكر الباب بسرعه.
شال القبعه وفسخ القفازات شال النظاره وفسخ البنطلون الي كان لابسه فوق بنطلون ثاني وشال عنه الجاكيت.
قال ب ابتسامه وهو يرفع راسه ويناظرهم/مين نورس؟.
خادم المدرسه واقف قدامهم.
.
.
.
ان شفت تعليقات وتوقعات حلوه راح انزل الاثنين والجمعه 🌝
السلام عليكم ورحمة الله وبركاته
.
ما احلل النقل دون ذكر المصدر واسم الكاتبة
.
.
[الانتـحار الجزء3]
.
.
"إياك والسخرية من الناس أو الهزء بالبؤساء ، فأنت تجهل الدور الذي تُعده لك الأقدار غداً."
#فـارس..♪.
.
.
/ليه خايف كذا؟ كأنك شفت شبح.
قال حمد وهو يطلع من الاصنصيل ويوقف قدام ياسر.
جمع شتات نفسه وابتسم ياسر وهو يقول/لا بس ماتوقعت بتجي واشوفك فجأه بدون مقدمات.
مشى حمد متعديه ف اسرع ياسر بخطواته ووقف قدامه وهو يقول/وين بتروح؟.
/من متى كنت تسالني؟.
قال حمد وهو يناظره.
ياسر/لا بس كنت ابي اعزمك.
حمد تعداه وهو يقول/بعدين اعزمني.
مشى حمد وناظر الشقه الي بداخلها اعضاء المجلس نظره خاطفه وكمل مشي بعدم اهتمام اين اخنفى عن نظر ياسر.
دار ياسر وراح للمصعد ضغطه واول مافتح اخذ جواله واتصل على زينب.
لكن
كل الي لقاه
التجاهل.
اتصل عليها اكثر من خمس مرات لكن
في كل مره يلقى التجاهل
ضرب باب المصعد بغضب.
ارسل لها رساله نصيه وطلع من المسكن.
-
-
وقفت قدام مجموعه من الاشخاص الجالسين بجانب الحديقه المحترقه يتكلمون بصوت عالي ويضحكون بسخريه.
اقطعوا كلامهم وهم يناظرون الخادم واقف يناظرهم بنظرات غريبه.
/اي واحد فيكم نورس؟.
قال زياد بهدوء وهو يناظرهم.
واحد من الجالسين ناظره وقال وهو يضحك/انا نورس.
تفاجأو وهم يشوفون صديقهم يطير عن مكانه بسبب ركله من الخادم على وجهه.
طاح على الارض بعد ما اركله زياد على وجهه
وقبل مايعطيه الخادم فرصه يقوم داس على صدره وهو ينزل لمستواه ويقول بهمس/انا قلت وين نورس.
وقبل لا يتكلم لكمته على وجهه.
زياد ابعد عنه وهو يطلع منديل من جيبه ويمسح يده الي امتلت دم بعد ما الكمته.
/وسختوا قفازي فارس راح يهاوشني.
قال زياد وهو يتنهد بملل.
قاموا بسرعه بعد ماكانوا تحت تاثير الصدمه من سرعه الخادم ف بثانيه اطاح بصديقهم من نادي الملاكمه بثانيه واحده.
اقدحت عيونهم نار وهم يشوفون صديفهم يتفل(يبسق) دم بخد متورم.
ف قاموا وهم يتقدمون له بشرار يطلع من عيونهم.
اسرع واحد منهم وهو يرفع قبضته ويوجهها لوجه الخادم
سرعت قبضته بنادي الملاكمه 2.3 وهي تعتبر رابع اسرع قبضه بناديه.
تفاجأ وهو يشوف الخادم يصد قبضته القويه بيد وحده.
ويلف يده لظهره ويمسك شعره ويسحبه لورا
مشى الخادم وهو ماسك الشخص بنفس وضعيته قدام اصدقاءه وهو يقول/ليه تصعبون الامور علي سوال بسيط وجاوبو عليه.
زياد ركل فخذه الي ماسكه ف طاح على الارض وهو لا زال ماسكه بنفس وضعيته ف صرخ متألم.
ضحك زياد وهو يقول/اشكرو الرب على ان مافيه احد يشوف المذله الي انتم فيها الحين.
تقدم واحد منهم وبعيونه الشر وهو يشوف صديقه يتألم تحت ذاك الخادم.
لكن
وقف بسرعه وهو يشوف الخادم يدوس على رجل صديقه صرخ صديقه متألم ف
ف صرخ الثاني وهو يقول/خلاصص وقفت ابعد عنه.
بوقتها رن جوال زياد ف ترك شعره وهو ماسك يده لافها على ظاهره وحاط رجله على فخذه ضاغط عليها.
بعد ماشاف مين المتصل
ناظرهم زياد وقال/ان شفت حركه غبيه منكم او صوت صدقوني مو بس صديقكم راح انهي مستقبله حتى انتم.
رد على الجوال وهو يحط ابتسامه غبيه/ياييي طباخي اتصل علي انا تعدل مزاجي الحين.
سمع صوت ضحكته
وهو يقول/لا تحاول حتى.
وكمل بعد ما سمع ضحكته/وش تبي على العشاء؟.
زياد/ماتوقع اقدر.
قاطعه فارس بنزعاج وهو يقول/ان ماجيت راح احرمك من اي شي تحبه وراح اسوي كبسه ل اسبوع كامل.
زياد ماحس نفسه وهو يضغط على فخذ الي تحته لين سمع تآوهه ف خفف بسرعه قبل يزيد بصوته
لكن
فارس قال بهدوء ارسل قشعريره بجسم زياد
/ان جيت ولقيتك بملابسك دم او متقطعه راح اقطع راسك واسلقه مع الكثير البهارات.
ضحك زياد وهو يقول/هيييه كنك ماتعرفني انا اكثر شي بالعالم مسالم واكثر شخص حاله حال نفسه اه جرحت قلبي المسكين.
ناظروه الاشخاص الي قدامه من تحت لفوق بسخريه.
فارس/ان لقيت شي واحد غريب راح احرمك من الاكل ليوم كامل.
زياد/ماراح تلقى شي وراح تطبخ لي الاكل لين نصير عجائز على كراسي متحركه.
ضحك فارس وهو يقول/اكيد.
سحب باسل الجوال من فارس وقال/لازم تجي بدري عشان تتعشى وتتجهز لان بعد العشاء راح يزورنا شخص مهم.
فارس قال لباسل الي كان جالس جنبه/زياد راح يصير مشغول بعد العشاء.
باسل/عادي يأجل الشغل عشان هالضيف.
زياد/طيب.
بعدها سكرت الخط ورجعت الجوال
/راح تقولون ولا؟.
زياد سحب يد الشاب للورا وهو يقول/كسر يد شخص مثل كسر جزره ماراح تفرق معي وهو الخسران.
/نورس موجود بنادي القراءه ان ركضت الحين راح تلقاه موجود راح يطلع بعد 6 دقايق من النادي.
ترك يده وشعره وهو يقول/اختيار ممتاز.
دار وركض وهو يقول/ان سويتوا شي غبي ماراح يطلع عليكم الصبح.
قام وهو يمسك يده ويوقف.
واحد من الموجودين قال/عار علينا ان مثل هذا يهزمنا و.
ناظر ذاك الشخص/يهزمك ياصاحب اسرع قبضه.
ابعد عيونه عنهم بغضب.
-
-
وقف قدام باب النادي.
فتح الباب بهدوء شاف اغلبيه الاعضاء يقرون والبعض طالعين والبعض جالس.
شافه رئيس النادي
فقرب لزياد الي كان واقف يتلفت كأنه يدور على شخص معين.
وبسرعه قال زياد/من اعضاء ناديك شخص اسمه نورس نظامه الدراسي سكني .
امأ براسه وهو يقول بهدوء/موجود بغرفه الاستماع تبيني اناديه؟.
زياد امأ براسه.
دقايق حتى جاء الرئيس ومعه نورس.
ابتسم زياد وهو يقول/نادي المجلس يطلبك.
وبدون اي تردد او شك مشى وراه.
وقف ب استغراب وهو يشوف نفسه يبعد عن الناس.
ف قال وهو يناظر الخادم الي كان يمشي قدامه/غريبه ليه اعضاء المجلس يبوني بمكان بعيد.
ابتسم الخادم وهو يقول/انا بعد مستغرب مثلك.
اوقفوا ورا مبنى سكن العمال القديم
نورس ناظر حوله ب استغراب لكن
ماكان احد فيه
اللتفت يناظر الخادم
لكن
تفاجأ برجل الخادم تركل بطنه بقوه لدرجه ان ركلته خلته يطير ويطيح على الارض
ماعطاه فرصه يقوم ف ركض بسرعه وداس على رقبته مانعه من انه يتنفس براحه.
نزل لمستواه وهو يقول/ليه قدس انتحر؟.
زاد من الضغط وهو ينزل اكثر لمستواه/ليه طلع من الكافي وهو معصب ووش كانت الأوراق الي اعطيته؟.
كان يصارع رجل زياد يبعدها عن رقبته ويتنفس براحه اكثر ف تقريبا انقطع الأكسجين عنه.
ابعد رجله عن رقبته واول ماخذ نفس داس برجله على رقبته اكثر لينقطع عنه الاكسجين تماما نزل لمستواه وهو يقول ببرود
/ما امرتك تتنفس امرتك تجاوب على اسالتي ولو ابعدت الحين وتنفست قبل الجواب راح اكسر رقبتك واقطع يدينك ورجلينك واحشي بطنك حجاره وارميك بالبحيره.
ابعد رجله بعد ماشافه راح يختنق وقبل يتنفس بثواني قال بسرعه/انا بس كنت ارشد و تجيني المعلومات.
كح وهو يقوم وياخذ نفس عميق.
حط يده على رقبته يفركها وهو يكمل/ان جاوبتك اكثر راح تنتهي حياتي زي حياه قدس و.
صرخ بألم بعد ماداس زياد على رجله مسبب له كسر.
/نهايتك راح تصير اسوء وهذا انا بديت برجلك لكن لا تخاف ماسببت لك اعاقه دائم مع اهتمام بسيط وراح ترجع مثل ماكانت.
قرب لمه وهو يقول/الكسر الثاني راح يسبب اكثر من اعاقه.
ابعد عنه وراح لجدار اسند ظهره وقال/ماراح يطلع عليهم فجر بكرا حتى يأذونك.
نورس كان يتنفس بصعوبه بعد ما انكسرت رجله اخذ وقت طويل لين جمع شتات نفسه ووبطى مسح دموعه وناظره وهو يقول/قلت له ان الرئيس يطلبه ل اخر مهمه بما انه راح يتخرج ويتزوج وعشان يترك هالناس كان لازم يسويه هالشي.
زياد/الاوراق وش كانت؟.
نورس/توقيع وشهاده له على انه ماراح يفضح او يسبب ازعاج ل هالناس وطبعاً ان خلا المهمه تنجح راح يتركوه بحالهم.
زياد/قدس ذكر بمذاكرته عن علبه فيها شي يخلي الناس تصيح مثل الاطفال عشان تاخذه الي بداخل العلبه وش؟.
نورس/لكل علبه لون ولكل علبه نوع محدد.
زياد/وضح اكثر.
نورس/ثلاث اللوان للعلبه اسود احمر عنابي.
زياد/والي بداخل العلب؟.
نورس بلع ريقه وهو يقول/الفلاكا الافيون كريستال ميث.
زياد اول ماسمع الاسماء وقف ب اعتدال متفاجاء.
قال زياد متفاجاء/ت توزعونها على مين؟.
نورس/بعض الطلاب والمدرسين وعمال المدرسه والموظفين وحراس الامن واحيانا يطلبونها اشخاص من الجامعه.
صدمه؟.
لا كانت اكبر من صدمه.
مخدرات بهذي الاسماء موجوده بالمدرسه وبين ايداي مراهقين.
قاطعه تفكيره نورس وهو يقول/مانعطي اي احد لازم يدفعون وغير هذا اشخاص معينين عدد اشخاص بالمدرسه مع الطلاب مع العمال مع المدرسين مع حارسين الامن مع الموظفين 6000 شخص من بين هالرقم فيه 500 شخص يشري.
ابعد نظره عن الخادم وقال/واحيانا البعض يشري عشان ينتقم ويخلي شخص حاقد عليه يتعاطى اكثر زبائين يكونون اشخاص تم التعدي عليهم وادمنوا المخدرات.
زياد بهدوء/وشلون ورطت قدس؟.
نورس/انا قلت لك انا بس ارشد الاشخاص واعطي المعلومات الي خلا قدس يدخل معنا هو نورس الشخص الثاني هذاك صدقني يختلف عني ولائه لرئيس اكثر من ولاه لنفسه راح يموت بدال الرئيس.
ضحك زياد بسخريه وهو يقول/المحدن بالموضوع ان اكثر بالمدرسه يعرفونك شخص هادي ومسالم.
نزل راسه وهو يقول/لو بدون هالسمعه النظيفه كان انتهيت من زمان.
زياد/ذكرت ان فيه مهمه موكله لقدس عشان يتركهم ايش هي؟.
نورس/الرئيس يكرهه شخض معين بالمدرسه ووكل قدس يتعاطى ذاك الشخص المخدرات من نوع كريستال ميث على مذه شهر لو انجحت المهمه راح يتركه الرئيس بحاله.
زياد/مين.
نورس بتردد قال/إعدام.
زياد عقد حواجبه بستغراب وهو يقول/مين هذا؟ وايش نظامه الدراسي؟.
نورس ابتسم بسخريه وهو يقول/ملك مدرستك ماتعرف حتى اسمه!.
وكمل كأنه تذكر شي/ايي صح ترا رئيسنا يكرهك حد الموت وهو الحين قاعد يفكر بطريقه يتخلص فيها منك لانك خربت عليه خطته يوم المهرجان.
[للمراجعه ارجع لفصل الخامس والستون يعنوان مهرجان السباحة وبالواتباد الثامن والستون].
/انا مادري اذا قدس انتحر او لا لكن سمعت اشاعه ان قدس صور الرئيس والعصابه وهم يوزوعون المخدرات على الطلاب ماحد يدري اذا كان هالشي صحيح او لا لكن اتذكر مكان معين كان دايم يروح له قدس ممكن تلقا شي هناك.
زياد/وين.
-
-
#المستقبل.
واقف فوق السور مكان ماكان واقف قدس قبل ما يموت تناظر الطلاب من تحت النجوم بدت تظهر لناس وبدا النهار يلوح بالارجاء يعلن عن انتهاء وقته.
نسمه هواء حرك شعره القصير.
/هذا الي كنت تشوفه قبل ترحل.
قال وهو يشوف البقعه المرسومه لجثه قدس من تحت.
جلس على السور وهو يقول/أسال نفسي كثير لو ماخليت شالك يطيح اول مين كان مات الحين.
قرب الشال لوجهه وهو يقول/راح اضل طول حياتي مدين لك حتى بعد موتي.
قام ووقف ورفع الصور الي كانت بيده ورماها بالهواء ليتطاير بكل ارجاء المدرسه.
تنهد بحزن وهو يفلت شال قدس ف
اخذته الرياح بعيد عن المدرسه.
/ارقد بسلام.
قال الشخص الثاني
-
-
#الحاظر-مستشفى.
انهت توقيعها وسلمت الاوراق للطبيب وهي تبتسم.
قربت الممرضه وحطت يدها على ظهرها ومددتها بحذر.
الدكتور/قرارك راح ينقذ اشخاص عانوا بحياتهم انتي منقذتهم و بطلتهم.
ابتسمت رسيل وهي تقول/على كل حال انا راح اموت ماشوف اي فايده بوجود اعضاء لشخص ميت خلي اشخاص ثانين يستفيدون منها.
كانت تبتسم لكن ابتسامتها كلف منها جهد قوي.
الدكتور قال بتنهد/خلي عندك امل كثير ناس وصلوا لمرحلتك ومع امالهم وعزيمتهم اقدرو يتشافون.
اضحك رسيل بهدوء وهي تقول/دكتور شكراً.
غمضت عيونها وهي تقول/ان بقت اعضاء وانسجه وخلايا مفيده لغيري استخدموها اتمنى لهم حيته مديده ومسالمه.
نعم
رسيل تبرعت ب اعضاءها الي ماقرب له المرض
كانت دايم تفكر لو اشخاص ماتوا لانهم يعانون بسبب نقص او مرض
ف دامها راح تموت على اية حال خلي غيرها يستفيد.
بالبدايه كانت خايفه من رفض اهلها ف بالاخير هالشي خطير.
لكن بعد ماشافتهم مو مهتمين وعطوها الموافقه بدون اي اهتمام
ضحكت بغباء على نفسها.
لكن الي رفض وبقوه مهليل
وكالعاده ماسمعت لها وسوت الي هي تشوفه يريحها.
بعد ماحست انهم اطلعوا كلهم قالت/اتمنى لهم حياه مديده ومسالمه واتمنى لي اكثر منهم لكن هالشي صعب.
.
.
.
ومن هنا نوقف ونكمل بالفصل الجاي
اتمنى انه نال اعجابكم.
كنت مخططه اخلي البارت عن مشاعر بس يلا 🌝.
انتظرونيي🔥♥️
وهبــي هبــي مــاري.
تعليقات
إرسال تعليق